Në ditët e sotme, edhe gamers që nuk duan të shpenzojnë shumë para kanë një larmishmëri zgjedhjesh për sa i përket peripherals. SteelSeries Rival 3 përpiqet ta vendosë veten si një prej mouse më të mirë për gamers që nuk duan të harxhojnë shumë para. Këtë arrin ta bëjë në mënyrë të suksesshme thjesht duke bërë thuajse gjithçka mjaftueshëm mirë, por pa patur ndonjë veçori specifike që e bën të dallojë nga mouse të tjerë.
Në pjesën e jashtme, Rival 3 ka një formë që i përshtatet dorës së majtë, por edhe të djathtë. Megjithatë, butonat anësorë janë të vendosur vetëm në krahun e majtë të mouse-it, duke i dhënë një avantazh lojtarëve djathtakë. Ky mouse, si shumë mouse të tjerë më të lirë, është pak më i vogël se një mouse standard gaming. Ai vjen pak i ngritur në pjesën e mbrapme, duke e bërë më të përshtatshëm për claw dhe fingertip grip, ndërkohë që palm grip nuk është edhe aq i rehatshëm. Pjesa e jashtme është prej plastike me teksturë, duke e bërë këtë mouse të ndihet mjaft i mirë edhe solid. Rival 3 peshon rreth 80g, një peshë mesatare. E vetmja ankesë që kemi për dizajnin është fakti që kablli i Rival 3 nuk është braided, por ai gjithsesi është një kabëll jo i keq pasi nuk ju shqetëson gjatë kohës që jeni duke luajtur.
SteelSeries Rival 3 vjen me një numër impresionues veçorish kur marrim parasysh çmimin që ka. Ky mouse vjen me sensorin TrueMove Core nga SteelSeries, i cili ju lejon të zgjidhni nga 100 – 8500 DPI. Mbase nuk është një shifër shumë e lartë, por për pjesën e madhe të gamers 85 00 DPI janë mëse mjaftueshëm. Ju mund të mbani preset dy settings për DPI dhe të kaloni nga njëri tek tjetri nëpërmjet butonit që ndodhet poshtë rrotës së mouse. Rival 3 vjen me 6 butona, përfshirë këtu butonat standardë, rrotën e mouse-it, butonin për ndryshimin e DPI dhe 2 butona anësorë. Butonat anësorë janë ndryshuar disi nga versionet e mëparshme Rival 100 dhe Rival 110, pasi tani janë pak më të hollë. SteelSeries premton se këto butona mund të durojnë deri në 60 milionë klikime. Për sa i përket ndriçimit RGB, Rival 3 ka 3 zona ndriçimi. Ky mouse ka një shirit të ndriçuar në pjesën e poshtme dhe gjithashtu logon. Ndriçimi mund të kontrollohet nëpërmjet SteelSeries Engine dhe ka mjaft opsione. Për mendimin tonë, Rival 3 është një prej mouse me pamjen më të bukur për çmimin që ka dhe do t’jua rekomandonim në qoftë se vlerësoni performancën po aq sa bukurinë e setupit tuaj.
SteelSeries Rival 3 performon mjaft mirë në një variatet lojërash. Sensori i këtij mouse është mjaft i saktë dhe nuk është se vumë re ndonjë dallim të madh në krahasim me mouse të tjerë më të shtrenjtë. Butonat kryesorë ndihen mirë kur përdoren dhe nuk të japin atë ndjesinë që të japin disa mouse të tjerë më të lirë. Rrota e mouse gjithashtu lëviz mirë dhe nuk ka zhurmë të bezdisur. E vetmja ankesë që kemi është fakti që butonat anësorë janë më të hollë se sa duhet dhe nuk ndihen aq premium sa ato kryesorë, duke qënë kështu pak të vështirë për t’u përdorur ndërkohë që luani.
Në përgjithësi, për çmimin që ka, SteelSeries Rival 3 është një prej mouse më të mirë në treg, si për nga dizajni, po ashtu edhe nga performanca. Mouse është mjaft rezistent, sensori dhe butonat performojnë mirë dhe ndriçimi RGB duket mjaft bukur. Disa veçori si një kabëll braided mungojnë, por në këtë çmim konkurrentët janë të paktë.
Nëse jeni të interesuar për të blerë një SteelSeries Rival 3, ju mund ta bëni këtë gjë nëpërmjet Gjirafa50. Ju gjithashtu mund të përfitoni ulje 7%-30% duke përdorur kodin GAMEON. Por, ju gjithashtu keni edhe një mundësi tjetër për të fituar këtë mouse, pasi ne po bëjmë një giveaway ku do të dhurojmë një tastierë SteelSeries Rival 3 totalisht falas. Për të mësuar më shumë, shikoni videon më poshtë: