Nëse jeni të interesuar për të blerë një Razer Kraken, ju mund ta bëni këtë gjë nëpërmjet Gjirafa50. Ju gjithashtu mund të përfitoni ulje 7%-30% duke përdorur kodin GAMEON. Por, ju gjithashtu keni edhe një mundësi tjetër për të fituar këtë mouse, pasi ne po bëjmë një giveaway ku do të dhurojmë një headset Razer Kraken totalisht falas. Për të mësuar më shumë, shikoni videon më poshtë:
Razer është një prej kompanive më të njohura në botë kur vjen puna tek gaming peripherals. Sektori i tyre i kufjeve është padyshim një prej më të suksesshmëve, me Razer Kraken të cilat janë kufjet që Razer i konsideron si esenciale. Me performancë të mirë në një shumëllojshmëri lojërash dhe rehati gjatë përdorimit, mendojmë se këto janë një prej zgjedhjeve më të mira nëse doni një headset gaming por pa harxhuar shumë para.
Razer Kraken kanë ruajtur dizajnin e tyre ndër vite. Kufjet vijnë në ngjyrë të zezë, jeshile, rozë dhe të bardhë, por të zezat janë ato me dizajnin më të bukur për mendimin tonë. Pjesa që vendoset tek veshët është rrethore dhe ka një unazë prej metali një formë rrjete. Pjesa e brendshme e tyre është e bërë nga lëkurë dhe brenda saj Razer thotë se përdor një xhel ftohës për të mbajtur veshët tuaj të freskët. Pjesa e sipërme është gjithashtu prej lëkure. Mikrofoni del nga kufja e majtë dhe kur nuk jeni në përdorim, mund ta fusni brenda kufjes. Razer Kraken lidhet me kompjuterin nëpërmjet një kablli braided, i cili mund të përdoret për t’i lidhur kufjet edhe me konsola ose me telefonin tuaj. Nëse kompjtueri juaj ka një portë për kufje dhe një portë për mikrofonin, brenda kutisë ka gjithashtu një tjetër kabëll që shërben si splitter.
Në lojëra, Razer Kraken performojnë shumë mirë. Si kufje të përshtatura për lojëra, sound-i normalisht i jep më shumë fokus pjesës së ulët të audios, në mënyrë që shpërthimet dhe hapat të dëgjohen më pastër dhe më qartë. Kufjet kanë 7.1 Surround Sound që performon mjaft mirë, duke ju dhënë një ide të qartë se në cilin drejtim ndodhet kundërshtari juaj. Kraken performojnë mirë në lojëra single-player, por edhe në multiplayer, pasi mikrofoni ka kualitet mjaft të mirë dhe ju nuk do të keni probleme që të kuptoheni me lojtarët e tjerë në një lojë.
Edhe pse në lojëra performojnë shumë mirë, Razer Kraken nuk janë edhe aq të përshtatura për muzikë. Kufjet theksojnë shumë basin, dhe kjo është diçka e mirë nëse këngët që ju dëgjoni kanë shumë bas ose në përgjithësi audio me nota të ulëta. Megjithatë, kufjet nuk kanë kualitet dhe aq të mirë kur vjen puna tek këngët që përfshijnë insturmente që arrijnë nota të larta. Kualiteti i audios nuk është aq i mirë në krahasim me kufje të tjera jo për gaming. Megjithatë, ndër kufjet gaming, Razer Kraken mbeten ndër opsionet që performojnë më mirë për çmimin.
Në përgjithësi, Razer Kraken janë kufje që justifikojnë çmimin që kanë për shkak të rehatisë, kualitetit dhe cilësisë së zërit. Ato janë më të rehatshme se një pjesë e madhje e kufjeve në treg dhe gjithashtu performojnë mirë në një variatet lojërash. Edhe pse për të dëgjuar muzikë ndoshta ka kufje më ët mira në treg, Kraken mbeten gjithsesi një opsion mjaft i mirë.