Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nëse po kërkoni një mouse që bën mirë çdo gjë, Razer Deathadder v2 është zgjidhja juaj
Deathadder v2 u zbulua gjatë 2020 nga Razer dhe premtonte disa përmirësime nga versionet e kaluara të mouse-it të tyre më popullor. Me një sensor të ri Focus+, 8 butona të programueshëm dhe të përmirësuar, si dhe një kabëll më rezistent, Razer premton që ky version i Deathadder është një nga mouse-t më të mirë që ju mund të blini momentalisht. A jemi ne dakord me këtë gjë? Padyshim që po.
Sensori i ri Focus+ është padyshim një prej ndryshimeve më thelbësore të këtij mouse. Sensori i ri suporton deri në 20,000 DPI dhe lëvizjet në çdo nivel të DPI janë shumë të sakta dhe pa ngecje. Kablli i Deathadder v2 është gjithashtu një përmirësim mjaft i dukshëm me versionin e kaluar. Kablli Speedflex është më rezistent se më parë dhe njëkohësisht është më fleksibël, gjë që e bën Deathadder v2 të duket si një mouse wireless ndërkohë që njëherësh ofron të gjitha benefitet e një mouse me kabëll. Razer gjithashtu ka përmirësuar edhe scroll wheel të mouse-it, duke e bërë atë të jetë më e saktë kur e rrotullon dhe të ndihet më premium. Gjithashtu, një tjetër ndryshim i rëndësishëm është fakti që Razer përdor switch optike dhe jo mekanike për butonat e majtë dhe të djathtë të mouse. Për këtë arsye, ata janë më rezistentë, kanë më pak vonesë në dërgimin e inputit dhe regjistrojnë më pak klikime të gabuara.
Për sa i përket pjesës së jashtme të Razer Deathadder v2, mouse është mjaft kualitativ dhe duket se mund të rezistojë për disa vite. Vetë Razer ofron 2 vite garanci. Deathadder v2 peshon vetëm 82 gram dhe peshon shumë pak kur ju bëni lëvizje të ndryshme. Deathadder v2 me formën e tij i përshtatet mjaft mirë lojtarëve që përdorin palm dhe claw grip. Pjesët e gomuara anësore ju ndihmojnë edhe më tej me grip dhe tekstura e scroll wheel të ndihmon ta gjesh më lehtë ate. Deathadder v2 gjithashtu suporton Chroma RGB dhe ka 2 zona te ndriçueshme, të cilat mund të programohen dhe të sinkronizohen me Razer Synapse.
Si përfundim, mund të themi që jemi mjaft të kënaqur nga Razer Deathadder v2. Mouse-i ofron një paketë të kompletuar, e cila mund të kënaqë mjaft mirë nevojat e çdo gamer-i në kërkim të një mouse të ri. Deathadder v2 ka kualitet mjaft të mirë, ndihet shumë i rehatshëm në përdorim dhe ofron parametra që e vendosin atë menjëherë në listën e mouse më të mirë.
Nëse jeni të interesuar për të blerë një Razer Deathadder v2, ju mund ta bëni këtë gjë nëpërmjet Gjirafa50. Ju gjithashtu mund të përfitoni ulje 7%-30% duke përdorur kodin GAMEON. Por, ju gjithashtu keni edhe një mundësi tjetër për të fituar këtë mouse, pasi ne po bëjmë një giveaway ku do të dhurojmë në Deathadder v2 totalisht falas. Për të mësuar më shumë, shikoni videon më poshtë:
