Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Blackwidow v3 është versioni më i fundit i tastierës klasike të Razer
Razer BlackWidow v3 është versioni i ri dhe i përmirësuar i tastierave Razer, i cili mbart të gjitha veçoritë që i kanë bërë tastierat e Razer disa prej më të mirave në treg. Kjo tastierë ofron shumë veçori bazike dhe është një zgjedhje e mirë nëse doni një tastierë të kompletuar.
BlackWidow v3 vjen në tre versione të ndryshme. Versioni i zi vjen me switches Razer Green ose Razer Yellow, ndërsa versioni rozë vjen vetëm me Razer Green. Ne kemi versionin me Razer Yellow, të cilat janë switches lineare më pak të zhurmshme dhe më të përshtatshme për gaming. Ato ngjasojnë me Cherry MX Speed Silver, ndërkohë që Razer Green janë më të ngjashme me Cherry MX Blue.
Në pamje të parë, BlackWidow v3 ka një pamje mjaft të thjeshtë përveç dritave RGB. Pjesa e sipërme e tastierës është prej alumini, ndërkohë që pjesa tjetër është e bërë prej plastike. Tastiera vjen gjithashtu me një pjesë ku mund të vendosni kyçet tuaja, gjë që e bën atë më të rehatshme dhe gjithashtu fsheh dhe logon e Razer nëse doni ta përdorni këtë tastierë në zyra. Kablli i tastierës është braided dhe është i gjatë rreth 2 metra. Ai mund të vendoset në pjesën e poshtme të tastierës në mënyrë që të mos lëvizë dhe të shtrembërohet. Përveç butonave standard, BlackWidow v3 gjithashtu vjen me dy butona ekstra, një në formë rumbullake që shërben për play/pause dhe një tjetër që mund të rrotullohet për të ndryshuar volumin ose të shtypet për të bërë mute.
Nëse jeni lojtar që luani lojëra të shpejta, ne do ju rekomandonim të merrnit BlackWidow v3 me switch-e Razer Yellow. Ato janë më të qeta dhe e kanë reset point në 0mm. Megjithatë, nëse ju pëlqen ndjesia dhe zhurma e switch-eve Razer Green, ato janë gjithashtu një opsion shumë i mirë. Razer gjithashtu ka sjellë në këtë version të BlackWidow keycaps të reja ABS, të cilat nuk kanë ndonjë ndryshim shumë të madh në përdorim, por sipas Razer janë më rezistente dhe mund të durojnë deri në 80 milionë shtypje butonash.
Si çdo peripheral Razer, BlackWidow v3 suporton Razer Synapse, nëpërmjet të cilit mund të konfiguroni macros dhe funksionin e secilit buton, si dhe të ndryshoni ndriçimin e tastierës. BlackWidow v3 ka gjithashtu dhe një buton Hypershift, nëpërmjet të cilit ju mund të konfiguroni një buton që të ketë një funksion tjetër kur ju e shtypni Hypershift. Pra, është një version i përmirësuar i butonit Shift dhe nga kjo vjen dhe emri.
Në përgjithësi, Razer BlackWidow v3 është një tastierë mjaft e kompletuar, e cila mund t’i përshtatet çdo gamer-i. Me suport shumë të mirë për Razer Synapse dhe përmirësime të mëdha të keycaps, mund të themi që BlackWidow v3 është një zgjedhje e mirë për shumë gamers të cilët kërkojnë një tastierë për përdorim të përditshëm, por edhe për të luajtur.
