Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Logitech G213 është një tastierë e kompletuar me disa veçori premium, por nuk është mekanike
Logitech G213 është një gaming keyboard që përpiqet të sjellë sa më shumë veçori, por duke patur një çmim të arsyeshëm. Tastiera vjen me ndriçim RGB, butona për të kontrolluar muzikën dhe një software shumë të mirë, por nuk është mekanike. Logitech G213 përdor butona me membranë të përshtatur për gaming, të cilët sjellin një ndjesi të ngjashme me një tastierë mekanike dhe që performojnë mjaft mirë.
Duke qënë se është një tastierë jo shumë e shtrenjtë, G213 ka një trup të përbërë plotësisht prej plastikës, por vjen me një kabëll braided. Një veçori tjetër e kësaj tastiere është fakti që vjen me një hapësirë të posaçme për të vendosur kyçet, por kjo nuk mund të hiqet, gjë që mund t’ju prishë pak punë në qoftë se keni një tavolinë të vogël. Një prej veçorive më interesante është fakti që Logitech G213 është rezistente ndaj ujit deri në 60ml. Nuk po themi që ta merrni tastierën me vete kur bëni dush, por që ajo mund të rezistojë nëse derdhni ndonjë gotë.
G213 vjen me disa opsione personalizimi për sa i përket ngjyrave të saj. Tastiera vjen me pesë zona ndriçimi dhe dritat janë mjaft të bukura, por jo në nivelin e SteelSeries. Gjithsesi, për këtë çmim nuk janë aspak keq. Logitech G HUB të lejon të ndryshosh funksionet e secilit buton, të krijosh macro për butonat F1-F12 dhe të ndryshosh ndriçimin RGB. G213 mund të pështatet për të ndryshuar ngjyrat me disa lojëra të ndryshme dhe me Discord, gjë që mund t’i pëlqejë disa gamers. Ju gjithashtu mund ta sinkronizoni tastierën G213 me pajisje të tjera Logitech që keni.
Duke marrë parasysh që kjo tastierë nuk është shumë e shtrenjtë, por njëkohësisht as e lirë, pritshmëritë janë që ajo të performojë të paktën mjaft mirë në një gamë të gjërë lojërash. Tani, siç thamë në fillim, kjo nuk është një tastierë mekanike, prandaj mos prisni që të jetë në të njëjtin nivel. Megjithatë, kjo nuk do të thotë që G213 është një tastierë e keqe. Butonat janë shumë të ngjashëm dhe japin ndjesi të përafërt me ato të një tastiere mekanike. Tastiera performon shumë mirë në një variatet lojërash dhe nuk do të keni shumë arsye për t’u ankuar dhe për të kërkuar një tastierë më të mirë.
Në përgjithësi, për çmimin që ka, Logitech G213 është një tastierë mjaft e mirë dhe që ofron një paketë të kompletuar për një variatet lojërash. Fakti që vjen me një pjesë të dedikuar për kyçet dhe butona ekstra për muzikën është një plus mjaft i madh. Tastiera duket dhe performon mjaft mirë, prandaj nëse po kërkoni që të blini një tastierë të mirë, por pa harxhuar shumë para, Logitech G213 është një zgjedhje mjaft e mirë.
Nëse jeni të interesuar për të blerë një Logitech G213, ju mund ta bëni këtë gjë nëpërmjet Gjirafa50. Ju gjithashtu mund të përfitoni ulje 7%-30% duke përdorur kodin GAMEON. Por, ju gjithashtu keni edhe një mundësi tjetër për të fituar këtë mouse, pasi ne po bëjmë një giveaway ku do të dhurojmë një tastierë Logitech G213 totalisht falas. Për të mësuar më shumë, shikoni videon më poshtë:
