Nëse jeni të interesuar për të blerë një JBL Pulse 4, ju mund ta bëni këtë gjë nëpërmjet Gjirafa50. Ju gjithashtu mund të përfitoni ulje 7%-30% duke përdorur kodin GAMEON. Por, ju gjithashtu keni edhe një mundësi tjetër për të fituar këtë mouse, pasi ne po bëjmë një giveaway ku do të dhurojmë një tastierë JBL Pulse 4 totalisht falas. Për të mësuar më shumë, shikoni videon më poshtë:
Bokset portable janë bërë shumë popullorë gjatë viteve të fundit dhe JBL është një prej kompanive më të njohura kur vjen puna tek kjo kategori. Produkti më i fundit i linjës Pulse, JBL Pulse 4, vjen me një dizajn fantastik që padyshim tërheq vëmendje dhe për mendimin tonë është i domosdoshëm për t’u patur gjatë verës ose për house party-t tuaja.
Dizajni i Pulse 4 është padyshim ndryshimi më i madh nga Pulse 3 dhe mund të themi që është fantastik. Kontrollet e boksit ndodhen në pjesën e sipërme, ndërkohë që pjesa e poshtme është e mbuluar për të bërë vend për woofer-in. Ndërkohë, pjesa e mesit është e mbuluar dhe në brendësi gjenden dritat LED që mund të kontrollohen nëpërmjet aplikacionit JBL Portable. Në pjesën e sipërme të boksit gjeni butonin e ndezjes, lidhjen me bluetooth, butonat e volumit dhe të kontrollit të muzikës, si dhe një buton për t’u sinkronizuar me bokse të tjerë wireless të JBL. Në pjesën e pasme ndodhet gjithashtu edhe një portë karikimi Type C. Këtë rradhë kjo portë nuk është e mbuluar, prandaj nëse doni ta karikoni boksin pasi e keni përdorur në pishinë, duhet të prisni sa të thahet. Dhe meqë ra fjala tek kjo, JBL Pulse 4 është IPX7 waterproof, pra mund të qëndrojë deri në 1 meter thellësi për gjysmë ore pa asnjë problem. Për shkak se ka build quality shumë të mirë, JBL Pulse 4 peshon më shumë se 1KG.
JBL Pulse 4 vjen me audio 360 gradë mono. Ndryshe nga shumë speakers të tjerë të ngjashëm, Pulse 4 nuk fokusohet shumë tek basi i muzikës që po luhet, por sjell një tingull të balancuar në lows, mids dhe highs. Pulse 4 ka shumë volum, por ne ju rekomandojmë që ta mbani maksimumi deri në 80% pasi më tej kualiteti fillon të bjerë, sidomos tek pjesa e basit, por që megjithatë nuk është se ka shumë diferencë, diçka që nuk e prisnim nga një boks kaq i madh. Mendojmë se për një grup të vogël njerëzish është mëse mjaftueshëm. JBL Pulse 4 vjen me një bateri 7260mAh dhe mund të rezistojë deri në 12 orë me drita ndezur, por që nëse doni më shumë ju mund të ulni volumin ose të fikni dritat. Megjithatë, një bateri kaq e madhe normalisht që do dhe shumë kohë të karikohet. Ju duhet të prisni diku tek 3 orë e gjysmë, prandaj nëse do bëni ndonjë party, kujtohuni para që ta karikoni.
Megjithëse JBL Pulse 4 ka mjaft veçori të mira, ai gjithashtu çalon deir diku në disa aspekte. Ndryshe nga Pulse 3, Pulse 4 nuk vjen me një portë aux ose me mikrofon. Kjo e fundit sjell dy probleme: ju nuk mund t’i përgjigjeni telefonatave kur jeni të lidhur me boksin dhe gjithashtu nuk mund të përdorni voice assistans si Siri ose Google Assistant.
Në përgjithësi, Pulse 4 mbetet një update i vogël i gjeneratës së kaluar, por tani ai duket mëse fantastik. Megjithatë, ju duhet të hiqni dorë nga disa veçori të vogla. Audio dhe volumi janë mjaft të mira dhe për mendimin tonë është boksi perfekt nëse doni diçka që tërheq vëmendje, por që gjithashtu performon shumë mirë në një party.