Nëse jeni të interesuar për të blerë një Corsair K55 RGB Pro, ju mund ta bëni këtë gjë nëpërmjet Gjirafa50. Ju gjithashtu mund të përfitoni ulje 7%-30% duke përdorur kodin GAMEON. Por, ju gjithashtu keni edhe një mundësi tjetër për të fituar këtë mouse, pasi ne po bëjmë një giveaway ku do të dhurojmë një tastierë Corsair K55 RGB Pro totalisht falas. Për të mësuar më shumë, shikoni videon më poshtë:
Nëse jeni duke kërkuar për një tastierë të mirë gaming dhe streaming, por nuk dëshironi të shpenzoni shumë para, Corsair K55 Pro është një prej opsioneve më të mira. Kjo tastierë vjen me switches me membranë, 5 zona RGB, butona të dedikuar për media dhe gjithashtu 6 butona për macro që mund të integrohen fare lehtë me Elgato Stream Deck.
Trupi i K55 RGB Pro është i bërë prej një plastike të zezë mat, e cila nuk të jep atë ndjesinë e një produkti të lirë, pasi është mjaft rezistente dhe nuk përkulet. Kablli i kësaj tastierë nuk është braided dhe duket që buxheti është shpenzuar në veçori të tjera. Në krahasim me tastiera të tjera, K55 Pro është pak më e madhe, për shkak se ka hapësirë për 6 butonat macro, si dhe për 7 butona të tjerë në pjesën e sipërme, të cilët përdoren për të kontrolluar media. K55 RGB Pro gjithashtu vjen me një vend për të mbështetur kyçet që mund të hiqet dhe që është mjaft e rehatshme. Gjithsesi, nëse nuk keni shumë vend në tavolinën tuaj, kjo tastierë mbase nuk është zgjedhja e duhur. K55 RGB Pro gjithashtu vjen me IP42 rating, duke qënë dust dhe spill resistant.
Për sa i përket veçorive, kjo tastierë ka thuajse çdo gjë që mund të keni nevojë. K55 RGB Pro ka 5 zona ndriçimi të cilat mund të kontrollohen nëpërmjet software-it iCUE. Nëpërmjet tij, ju mund të programoni të gjithë butonat, të krijoni mënyra të ndryshme ndriçimi, si dhe të sinkronizoni butonat e macros me Elgato Stream Deck. Për këtë arsye, nëse jeni një streamer, mendojmë se kjo tastierë është një nga opsionet më të mira, pasi vjen me veçori që nuk është se i gjen edhe në tastiera më të shtrenjta. Këto veçori janë ato çka e bëjnë këtë tastierë t’ja vlejë, pasi tastierat mekanike me veçori të tilla kushtojnë shumë më shumë.
Normalisht, nuk vihet aspak në diskutim që switch-et me membranë të kësaj tastiere nuk janë aspak në të njëjtin nivel me switch-et mekanike. Nëse jeni mësuar me tastiera mekanike, nuk keni thuajse asnjë arsye për ta ndërruar me këtë tastierë. Si switch-e me membranë, K55 RGB Pro performon mjaft mirë dhe në të njëjtin nivel si tastiera të tjera me switch-e të ngjashme. Tastiera performon shumë mirë kur jeni duke shkruar, por edhe në gaming. Nëse jeni lojtar lojërash RTS ose RPG, padyshim që butonat e programueshëm të makros do ju ndihmojnë shumë.
Corsair K55 RGB Pro është një tastierë e cila padyshim do t’i bënte punë një grupi specifik lojtarësh ose atyre që aspirojnë të bëhen streamers. Me mjaft veçori që nuk mund të gjenden në tastiera të tjera me të njëjtin çmim si dhe integrim pa problem me Elgato, mendojmë se Corsair K55 RGB Pro është një prej opsioneve më të mira në treg.