Si të përdorni FaceTime në Iphone për telefonata në grup

Po, mund të bëni FaceTime me më shumë se një person në të njëjtën kohë

Nëse keni një iPhone, atëherë me siguri keni përdorur FaceTime, aplikacionin e integruar të videos dhe thirrjeve zanore të Apple. Ndërsa FaceTime ka qenë gjithmonë i dobishëm për të mbajtur kontakte, është bërë edhe më i rëndësishëm për të qëndruar të lidhur me miqtë dhe familjen ndërsa vazhdojmë të mbajmë masat e distancës sociale.

Mund të keni deri në 32 persona në një telefonatë FaceTime, kështu që është një mundësi e mirë për të biseduar me video, nëse nuk dëshironi të shkarkoni një tjetër program për të kryer një telefonatë në grup, për sa kohë që ju dhe miqtë tuaj të gjithë keni pajisje Apple. Ju nuk mund ta instaloni atë në një pajisje Windows ose Android dhe nuk është në dispozicion për të gjitha vendet dhe transportuesit. Disa gjëra të tjera: për të përdorur FaceTime, duhet të keni minimumi iOS 12.1.4 në të paktën një iPhone 6S.

Tani që i thamë të gjitha benefitet e FaceTime, nëse nuk e keni provuar atë, por dëshironi ta përdorni atë, këtu janë disa hapa për të filluar dhe për t’u bashkuar me telefonatat në grupet FaceTime në iPhone-n tuaj

Ju ose mund të përdorni aplikacionin FaceTime për të filluar një telefonatë në grup, ose nëse tashmë po flisni me një grup duke përdorur Messages, mund të filloni një seancë FaceTime në grup nga aty.

DUKE PËRDORUR FACETIME APP:

• Hapni aplikacionin
• Klikoni në ikonën + (pa një rreth rreth tij) në këndin e sipërm të djathtë
• Shkruajni emrat ose numrat e personave me të cilët dëshironi të flisni. Nëse ata janë në listën tuaj të kontakteve, emrat e tyre do të dalin ndërsa shkruani, dhe ju mund të klikoni në çdo emër për t’i shtuar ata në thirrje.
• Ju gjithashtu mund të klikoni në rrethin me një + brenda tij për të hapur listën e kontakteve tuaja dhe të zgjidhni njerëz atje. Shtypni emrin e tyre për të hapur kontaktin dhe më pas prekni numrin e tyre për t’i shtuar në telefonatë.
• Shtypni butonin e gjelbër për të filluar një telefonatë me video ose butonin audio për të filluar një telefonatë normale

DUKE PËRDORUR MESSAGES APP:

• Hapni aplikacionin
• Hapni një bisedë grupi ose një bisedë ekzistuese në aplikacionin Messages
• Shtypni në ikonat për kontaktet tuaja në pjesën e sipërme të ekranit
• Klikoni në ikonën FaceTime për të filluar telefonatën

Për të shtuar dikë në një telefonatë FaceTime:

• Shtypni në ekran
• Bëni swipe lart për të nxjerë menunë
• Shtypni “Add person”
• Shtypni + për të shtuar dikë nga kontaktet tuaja, ose shkruani emrin ose numrin e telefonit në shiritin në krye dhe zgjidhni një kontakt nga rezultatet
• Shtypni “Add Person to FaceTime”

Ka disa mënyra për t’u bashkuar me një telefonatë në grup FaceTime:

• Klikoni notification (nëse keni marrë një), pastaj shtypni butonin e videos që shfaqet në fund të ekranit
• Hapni bisedën në grup ose bisedën në aplikacionin Messages. Telefonata FaceTime do të dalë në një flluskë, e ngjashme me një mesazh. Klikoni në butonin “Join”.
• Hapni aplikacionin FaceTime. Kur ta hapni atë, FaceTime do t’ju tregojë një listë të të gjitha thirrjeve tuaja të fundit dhe aktive. Çdo telefonatë brenda së cilës mund të bashkoheni, do të theksohet me jeshile me një buton video jeshil pranë tij. Për t’u bashkuar me thirrjen, klikoni në atë buton dhe pastaj kliko në butonin video në fund të ekranit të emërtuar “Join”.

• Për të lënë telefonatën e grupit FaceTime, klikoni lehtë mbi në ekran dhe më pas klikoni në butonin e kuq “X” në këndin e poshtëm të djathtë të ekranit.