Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Facebook është krijuar në një nga dhomat e kampusit të Harvard dhe bazuar në veçorinë e fundit që ai do të sjellë, duket se po kthehet në origjinë. Kompania ka prezantuar një veçori të re që quhet Campus. Kjo do të shërbejë si një seksion i aplikacionit kryesor, që është dizenjuar specifikisht për nxënësit e kolegjeve.
Campus është një seksion i ri në Facebook, që lejon studentët e kolegjeve të rrijnë dhe të ndërveprojnë me njëri-tjetrin.
Synimi i njoftimit të veçorisë së Campus është që t’i japë studentëve një vend ku ata mund të ndërveprojnë me bashkëmoshatarët e shkollës ose kolegjit të tyre. Ata mund të aksesojnë një Newsfeed ekskluziv të Campus, t’i bashkohen grupeve, eventeve etj.
Për të përdorur Campus, studentët duhet të vendosin adresën e tyre të emailit .edu, bashkë me vitin kur janë diplomuar. Pasi të futen, ata do të krijojnë një profil të ri që do të jetë specifikisht vetëm për këtë seksion të aplikacionit të Facebook. Gjithsesi fotot nga profili juaj normal do të mbeten të njejtat.
Momentalisht Campus po testohet me 30 universitete në SHBA. Secili universitet do të ketë sektorin e tij të veçantë të Campus, pra studentët do të komunikojnë vetëm brenda shkollës së tyre.
Campus duket si një ide mjaft e lezetshme në fakt. Mbetet të presim dhe të shohim se ku do të shkojë.
