Discord është kompania e fundit për të prezantuar një veçori të ngjashme me Clubhouse që i lejon njerëzit të transmetojnë me lehtësi audio chats live në një dhomë të dëgjuesve virtualë. Veçoria e re e Discord, e quajtur Stage Channels, është e disponueshme tani në të gjitha platformat ku është në dispozicion Discord, duke përfshirë Windows, macOS, Linux, iOS, Android dhe web.
Nëse e keni përdorur Discord më parë, mund ta dini se aplikacioni tashmë ofron kanale zanore, të cilat zakonisht lejojnë të gjithë në to të flasin lirshëm. Nga ana tjetër, një kanal skenik është krijuar për të lejuar vetëm njerëz të caktuar të flasin menjëherë me një grup dëgjuesish, gjë që mund t’i bëjë ata të dobishëm për evente më të strukturuara. Sidoqoftë, vetëm serverat e Comunity, të cilët kanë disa mjete më të fuqishme të menaxhimit të komunitetit sesa një server që mund të ndani me disa nga miqtë tuaj, mund të bëjnë Stage Channels të rinj.
Disponueshmëria e gjerë e funksionit e bën Discord aplikacionin e parë që ofron një mënyrë të thjeshtë për të mbajtur ose dëgjuar në dhomat e audios sociale në shumicën e platformave. Clubhouse është ende në dispozicion vetëm në iOS, megjithëse një version Android është në zhvillim.
Veçoria Spaces i Twitter punon në iOS dhe Android, por vetëm disa përdorues kanë aftësinë për të hapur ‘audio rooms’ tani. (Kompania ka në plan të lejojë këdo që të presë një Space duke filluar nga Prilli.) LinkedIn, Mark Cuban, Slack dhe Spotify po punojnë gjithashtu për veçoritë e drejtpërdrejta të audios dhe Facebook thuhet se ka një të tillë gjithashtu.
Në imazhin e këtij postimi, ju mund të shihni se si duket një Stage Channel në Discord në desktop.
Mënyra se si funksionon një Stage Channel ishte mjaft e ngjashme me përdorimin e Clubhouse ose Twitter Spaces. Kur bashkohesh në një Stage Channel, automatikisht vendosesh në mute dhe renditesh si anëtar i audiencës. Ti mund të shohësh se kush po fliste dhe kush tjetër është me ty në turmën virtuale.
Nëse do të bësh pyetje, shtyp një buton për të kërkuar të flasësh dhe një moderator i Stage të sjell “në skenë” që të mund të flasësh. Mods të Stage gjithashtu mund të bëjnë mute ose edhe t’i heqin personat nga kanali nëse jeni toksikë ose të çuditshëm.