Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një rënie në tregjet e kriptomonedhave mund të mos jetë një lajm i këndshëm për disa, por për gamers, mund të jetë një lajm i mrekullueshëm. Ka shenja të hershme që çmimet e kartave grafike po bien. Megjithatë, çmimet në rënie nuk janë vërtet të rëndësishme nëse raftet janë ende të zbrazura. Pra, a kanë pasur ndonjë efekt rënia e çmimeve në disponueshmërinë e GPU-ve?
Shpërblimet e dhëna për Ethereum mining janë arsyeja pse ka kërkesë masive për GPU. Por këto shpërblime vlejnë më pak duke pasur parasysh se Eth ka rënë me afërsisht 50% nga nivelet më të larta të nëntorit. Çmimet e crypto janë të paqëndrueshme, por një rënie prej 50% për kripto-n numër dy në më pak se tre muaj është drastike.
Përfundimi është se më pak përfitim do të thotë më pak miners do të investojnë në blerje të reja GPU. Kjo për shkak se kërkon më shumë kohë për të kompensuar koston e një GPU-je të re. Kërkesa më e ulët duhet të përkthehet në më shumë karta në dyqane. Kjo është teoria gjithsesi. A reziston? A ka më shumë GPU në stock?
Nëse shikojmë kartat e shitura direkt nga Newegg USA, përgjigja është një jo e fortë. Newegg liston rreth 140 karta të serisë RTX 30, por nëse e ngushtojmë kërkimin tek modelet që janë në stock, mund të gjejmë thjesht dy copë. Këto dy karta janë një 3090 dhe një 3080 Ti e vetme.
Në anën e AMD, gjërat janë më të mira. Newegg liston 90 karta RX 6000. Nëse e ngushtojmë kërkimin vetëm tek ato në stock, marrim 49 versione. Karta me më shumë modele në stock është RX 6900 XT, ndërsa modeli me më pak është RX 6800.
Nëse kalojmë te BestBuy, situata është e ngjashme. Ai liston rreth 100 karta të serisë RTX 30. Por nëse numërojmë numrin në stock, me hamëndje sa janë? Zero. Nga ana e AMD, BestBuy liston shumë më pak karta AMD, me rreth 40 karta RX 6000 të listuara. Pesë prej të cilave janë në stock.
Pra, duket se ngjarjet e dy javëve të fundit nuk kanë pasur ndonjë efekt në disponueshmërinë e GPU, megjithëse në Australi situata nuk është aq e keqe. Kartat Nvidia janë të rralla si gjilpërat në kashtë, ndërsa kartat AMD, të cilat në përgjithësi nuk janë aq tërheqëse për miners, janë më të disponueshme.
Parashikimi i së ardhmes është e pamundur, por nëse çmimet e kriptove vazhdojnë të bien dhe mining bëhet edhe më pak fitimprurëse, gamers nuk do të duhet të konkurrojnë me aq shumë miners për ato pak karta që janë në dispozicion. Dhe kjo është një gjë e mirë.
