Apple po tenton të futet në tregun e makinave por si?

Mesa duket Apple po synon përsëri tregun e makinave

Para disa vitesh Apple kishte bërë plane të mëdha dhe ishte gati të hynte në tregun e makinave por papritur kjo gjë ndryshoi dhe Apple u fokusua në pjesën e software të makinave. Së fundmi Apple ka vendosur që t’i hyjë përsëri botës së makinave por si do t’ia arrijë kësaj gjëje?

Sipas një raporti nga Reuters, Apple synon që deri më vitin 2024 të ketë krijuar një makinë e cila do të përfshijë shumë veçori të ndryshme duke filluar që prej sistemit self-driving dhe deri tek një bateri e cila do ë zgjas për një kohë shumë të gjatë.

Nismat e para të Apple për të sjellë një makinë në treg nisën në vitin 2015 por gjatë vitit 2016 ky projekt u anulua dhe Apple u fokusua më së shumti në sjelljen e software të ndryshme nëpër sistemet e makinave. Më shumë se 200 njerëz u pushuan nga ekipi i Apple i cili merrej me zhvillimin e planit të makinës.

Në ketë raport bëhet e ditur se Apple është duke u ndihmuar gjithashtu edhe nga kompani të tjera në krijimin e teknologjisë self-driving duke përfshirë ketë edhe sistemet LIDAR. Për sa i përket teknologjisë së baterive, raportohet se bateritë do të ketë dizajnin monocell që lejon që të kenë një kapacitet më të madh. Kjo gjë do të lejojë udhëtime më të gjata në një kosto më të ulët.

Nëse Apple planifikon të provojë një makinë e cila do të jetë self-driving atëherë kompania ka një mal me punë përpara para se të dalë në treg. Sot akoma nuk ka një makinë e cila ka self-driving përveç disa makinave si Tesla l të cilat ndihmojnë deri diku shoferit gjatë udhëtimit të tij.

Hedhja në treg e makinës nga Apple pritet të bëhet gjatë viteve të ardhshme, midis vitit 2023 dhe 2024 sipas raporteve të ndryshme. Por nga ajo që kemi parë mendojmë se fokusi kryesor i Apple është të krijojë një teknologji self-driving sesa të krijojë një makinë të saj. Kohët e fundit, kompania ka refuzuar të komentojë mbi ketë gjë duke na lenë të dyshojmë akoma edhe më shumë.