Acer njofton 3 monitorë të rinj Predator

Acer ka prezantuar së fundmi tre monitor të rinj gaming nga seria e saj Predator. Monitorët e rinj do të jenë Predator X38 S, Predator X28 dhe Predator CG437K S ku secili do të ofrojë veçori të veçanta dhe të ndryshme nga njëri-tjetri.

Predator CG437K S

Acer Predator CG437K S do të ofrojë një madhësi ekrani prej 42.5 inch me një rezolucion 4K duke bërë të mundur pamje më të mirë vizuale gjatë lojërave. Predator CG437K S është gjithashtu i pajisur me certifikimin VESA DisplayHDR 100 që e lejon të ofrojë saktësi të lartë ngjyrash.

Gjithashtu në të do të gjeni edhe RGB që ndryshon në varësi të muzikës. Ky monitor do të përfshijë HDMI 2.1 që i lejon një refresh rate prej 144 Hz, duke e bërë perfekt për lojtarët e lojërave FPS dhe më gjerë.

Predator X38 S

Acer Predator X38 S do të ofrojë një ekran të lakuar 2300R me një rezolucion 3840×1600, certifikim VESA DisplayHDR 600 dhe Delta E<2. Ky monitor do të përfshijë Nvidia G-SYNC Esports mode e cila e lejon që të ketë vonesa tepër të ulëta dhe duke e bërë perfekt për gaming intensiv.

Predator X28

Acer Predator X28 do të ofrojë kornizë të hollë dhe do të jetë më i hollë duke e bërë perfekt nëse dëshironi të përdorni më shumë se 1 monitor. Gjithashtu ky monitor do të ketë  një refresh rate prej afërsisht 155 Hz dhe rezolucion UHD 3840×2160.