Tales of Arise është loja më e fundit nga seria e lojërave Tales të Bandai Namco , e cila kësaj here sjell një JRPG argëtuese plot aksion bashkë me një histori goxha interesante e cila ka të metat e saj. Por a është Tales of Arise në nivelin e duhur në krahasim me lojërat e mëparshme të kësaj serie?
Tales njihet për historinë dhe karaktere e ndryshme që sjell në çdo seri të saj duke iu dhënë një eksperiencë ndryshe, një veçori e ngjashme me serinë Final Fantasy. Pas pothuajse 5 vitesh nga loja e fundit Tales, Bandai Namco na prezanton me Tales of Arise e cila si çdo lojë tjetër Tales ruan në vetvete elementin RPG fantasy e cila lidhet bukur me historinë, karakteret dhe dyluftimet.
Por kësaj here, Tales of Arise sjell ndryshime dhe veçori të reja në të. Duke sakrifikuar disa nga elementet e njohur që seria Tales ka, Tales of Arise sjell disa sisteme të reja në combat si dodging, counterattack dhe gjithashtu lëvizje sulmuese speciale dhe unike për çdo karakter.
Zakonisht lojërat Tales janë të fokusuara shumë në historinë dhe në botën e lojës dhe mund të themi se kjo është ajo që e bën të veçantë këtë seri dhe Tales of Arise nuk bën ndonjë ndryshim. Tales of Arise është historia e dy botëve të ndryshme Dahna dhe Rena dhe ku 300 vite para nisjes së lojës, Rena e cila ishte e avancuar teknologjikisht pushton Dahna duke i përdorur ata si skllevër.
Rena gjithashtu e përdor botën e Dahna për të zhvilluar Crown Contest i cili është një kompeticion për të zgjedhur paraardhësin e ri të Rena. Pesë lords të ndryshëm nga Rena kanë pushtuar Dahna duke marrë pjesë në kompeticion dhe duke shfrytëzuar energjinë astrale të popullatës së Dahna.
Kur loja fillon, lojtarët marrin kontrollin e Iron Mask, një skllav Dahnan i cili çuditërisht mban një maskë të hekurt e cila mbulon fytyrën e tij dhe është një nga të paktët Dahnans pa një gur në dorën e tij për të nxjerrë energji astrale teksa punon në miniera. Iron Mask nuk ndien dhimbje dhe përpiqet të ndihmojë njerëzit që ka rreth e rrotull duke treguar vuajtjet që popullata Dahna heq.
Për fat të mirë për Iron Mask, fati e vë atë në kontakt me Shionne, një vajzë Renan me një aftësi të çuditshme e cila godet me energji astrale këdo e prek atë. Shionne po kërkon pesë Master Cores të zotëruara nga pesë Lordët Renan dhe kjo e bën që të bashkohet me Iron Mask dhe shumë të tjerë gjatë rrugëtimit të tyre për të mposhtur lordët Renan.
Gjatë rrugëtimit tuaj ju do të njiheni me karakteret nëpërmjet skenave kinematike të cilat iu japin më shumë detaje rreth karaktereve, historisë dhe vendeve ku ndodheni. Dhe si shumë JPRG të tjera, skenat kinematike sjellin shpesh skena të ngjashme me ato klishe anime por që iu japin goxha informacione dhe tregojnë marrëdhëniet midis karaktereve.
Grafikat në Tales of Arise na zhgënjejnë pak në fillim për shkak të atmosferës së errët të ambienteve por gjatë ecurisë në lojë do të shohim bukurinë e vërtetë të kësaj bote duke sjellë ambiente të veçanta dhe unike pothuajse kudo që të shkoni.
Combat në Tales of Arise përdor një formë të modifikuar të asaj origjinale të serisë e cila fokusohet në ndërtimin dhe kombinimeve e lëvizjeve të ndryshme dhe të fuqishme teksa përpiqeni të shmangni sulmet e armiqve.
Një dodge i suksesshme iu ofron mundësinë për një kundërsulm të menjëhershëm, dhe lojtarët gjithashtu mund të përdorin Boost Attacks të veçantë që kanë efekte shtesë në armiqve të caktuar. Gjithashtu ju do të keni mundësinë që t’i jepni një goditje përfundimtare armiqve të quajtur Boost Strike. Secili personazh ka stilin e vet të luftimit me mekanikën e tij, gjë që ndihmon që luftimet të mos ndihen shumë monotone.
Gjithashtu Boss fights janë goxha emocionuese dhe iu lejojnë që të bëni disa herë Boost Strike. Por problemi i vetëm janë armiqtë të cilët janë të paktë në larmishmëri dhe bëhen goxha të përsëritur.
Ju do të keni mundësinë që të zgjidhni aftësinë të ndryshme të karaktereve për t’i përdorur në combat, të bëni level up skills specifik duke iu dhënë aftësi dhe lëvizje të reja dhe të ndryshoni krakteretin që doni të luftoni ose eksploroni gjatë lojës.
Por gjatë lojës hasëm disa probleme të vogla gameplay si p.sh. për të ndërruar karakterin tuaj gjatë eksplorimit ose combat duhet të shkonit tek menuja e lojës duke iu ndërprerë në mes të aksionit shpesh. Gjithashtu për të përdorur items duhet të aksesoni menunë e lojës dhe më pas items. Shpresojmë që një update i ri të vijë në të ardhme dhe të sjellë shortcuts për këto gjëra.
Në Tales of Arise do të gjeni edhe shumë sisteme duke përfshirë këtu një sistem të personalizimit të personazheve ku ju mund të ndryshoni veshjet, skin e armëve dhe gjithashtu t’iu shtoni cosmetics karaktereve tuaj.
Gjithashtu do të keni edhe një sistem për crafting ku mund të bëni craft equipment dhe items, një sistem për rritjen e kafshëve në një fermë të cilat do t’iu japin resurse për të bërë craft ose cook, një sistem për cooking ku mund të gatuani ushqime që iu japin buffs dhe më shumë.
Dhe nëse doni të bëni grind, Tales of Arise ua ka bërë këtë gjë goxha të lehtë dhe argëtuese. Armiqtë të cilët bëjnë drop item që dëshironi bëjnë respawn sa herë që ju shkoni në zonën ku ndodhen ata. Dhe nëse po kërkoni për items si minerale për të bër craft ose perime për të gatuar, ato mund t’i gjeni lehtë teksa eksploroni ose t’i blini nëpër shops e ndryshme që do të hasni.
Diçka e cila nuk na pëlqeu në lidhje më këtë pjesë ishte se nëse keni blerë versionin premium të lojës ose DLC, ju do të merrni resurse, para, equipment dhe pikë për të bërë level up skills. Kjo gjë e bën që grind të mënjanohet dhe t’i shtyjë lojtarët që të blejnë DLC ose versionin premium të lojës.
Për sa i përket audios dhe kolonave zanore, audio përshtatet me momentet ku ju ndodheni si gjatë skenave kinematike, gjithashtu edhe gjatë përballjeve tuaja.
Dhe të mos harrojmë, në lojë do të gjeni owls të ndryshëm të cilët pasi t’i gjeni do t’iu japin shpërblime të ndryshme kosmetike.
Për ta përmbledhur, mund të themi që Tales of Arise sjell deri diku botë të ndërtuar mirë dhe të kombinuar goxha bukur me historinë, combat dhe sistemet ose mekanikat e tjera që loja ka. Edhe pse ajo ka të metat e saj të cilat mund të rregullohen në të ardhme, argëtimi juaj në të nuk ka për të mbaruar lehtë duke e balancuar mirë historinë e saj JRPG dhe avancimin në lojë.