Gaming Lajm i Fundit Nintendo Reviews

Splatoon 3 Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Që nga debutimi i tij në 2015, seria Splatoon ka ofruar lojë unike, shumëngjyrëshe dhe të mbushur me goxha argëtim. Mbushur me shumë gamemode të ndryshme Splatoon rikthehet përsëri me stilin e paintball mbushur plot me ngjyra të ndezura dhe që mundni kundërshtarët tuaj duke i gjuajtur me “bojë”. Ndërsa Splatoon 3 ofron më shumë se më përpara dhe ato aspekte kryesore të lojës vazhdojnë të qëndrojnë pavarësisht se cilin gamemode luani.

Aspekti multiplayer i Splatoon është që dy ekipe kundërshtare të luftojnë për të mbuluar hartën (edhe njëri-tjetrin) me bojën. Edhe pse mund të duket e çuditshme në fillimin, në fakt është një koncept goxha argëtues kur e provoni. Ndërsa hartat për fat të keq ende funksionojnë me një rrotullim të caktuar, lista e hartave është më e madhe në krahasim me lojërat e kaluara Splatoon. Këtu mund të përmendim 12 hartat e Turf War të përbëra nga pjesë të vjetra dhe të reja të cilat përputhen pothuajse goxha mirë me njëri tjetrin.

Splatoon 3 mbart gjithashtu armët nga lojërat e kaluara, ndërsa prezanton shtesa të reja argëtuese si një bow i cili mund të gjuaj goxha kundërshtarë njëkohësisht dhe që shpërthen në goditje. Gjithashtu lojtarët e Splatoon 3 mund të përdorin disa nga pajisjet e reja që kanë ardhur si Squid Surge e cila iu lejon të ngjiteni nëpër mure shpejt dhe Squid Roll e cila bën që të kërceni dhe të mbroheni nga goditjet. Këto pajisje do t’iu ndihmojnë të lëvizni shpejtë në betejë dhe t’iu japin avantazh.

Splatoon 3,

Ashtu si lojërat e mëparshme, ritmi i shpejtë i këtyre ndeshjeve tre-minutëshe i bën ato ideale për seancat të shkurtra dhe iu shtyn gjithmonë që të bëni edhe një ndeshje më shumë. Gjatë minutave të fundit ku muzika rritet dhe të gjithë përpiqen të mbulojnë sa më shumë terren me bojë duke rritur adrenalinën në këtë garë për të spërkatur më shumë bojë se skuadra kundërshtare. Kjo përvojë përmirësohet në Splatfests e rinovuara të cilat tashmë përfshijnë tre ekipe të ndryshme.

Pjesa më e madhe e përvojës mbetet e pandryshuar por Tricolor Turf Wars, ku ekipi me katër lojtarë të vendit të parë duhet të mbrojë pozicionin e qendrës kundër dy skuadrave me nga dy, i ndryshon komplet gjërat. Këto ndeshje intensive kërkojnë strategji të reja për të gjithë pasi kundërshtarët do t’iu vijnë nga gjitha anët e ndryshme të hartës.

Ndërsa Splatoon është e njohur më së shumti për pjesën e saj competitive PvP, kësaj here do të kemi edhe dy mode të reja PvE të cilat kanë një rol të rëndësishëm në lojë. Mode Salmon Run i Splatoon 3 ka përmirësuar përvojën emocionuese co-op ku ju luani me shumë lojtarë të tjerë dhe duhet për luftoni valë të ndryshme armiqsh dhe bosses. Dhe mos mendoni se thjesht do t’iu duhet të gjuani pasi do të formoni gjithashtu edhe strategji për çdo valë armiqsh ose bosses.

Splatoon 3,

Të punuarit së bashku për të mposhtur armiqtë dhe për të mbledhur sa më shumë pikë për të kaluar në raundin tjetër është një përvojë goxha e bukur që Splatoon 3 sjell. Fatmirësisht ju nuk do të keni kufizime kohore siç kishte në Splatoon 3.

Kjo seri e re e Splatoon vazhdon gjithashtu traditën duke ofruar “misione” single-player që vënë nga mekanikat e ndryshme të ekskluzivitetit. Mode Hero single-player i Splatoon 3 është një mode i shkëlqyer për t’u njohur me kontrollet, strategjitë dhe armët e lojës, por është shumë më tepër se një tutorial normal. Historia nuk është ndonjë gjë e veçantë por një mënyrë goxha e mirë për të mësuar mekanikat e Splatoon 3 dhe më shumë.

Splatoon 3 përmirëson pothuajse çdo element ekskluziviteti në mënyra të vogla por domethënëse. Me një larmishmëri goxha të madhe përmbajtjesh të disponueshme që në lançim dhe me një plane të mëdha për 2 vitet e ardhshme mund të themi që Splatoon 3 është një prej lojërave më të mira të serisë Splatoon deri më tani.