Seria e Shin Megami rikthehet përsëri dhe kësaj here me Shin Megami Tensei V. Me një lloj të veçantë gameplay dhe histori e cila prek botën moderne, Shin Megami Tensei ka shumë për t’iu treguar. Doni të mësoni më shumë? Sigurohuni që të na ndiqni në këtë review nga GameON Albania.
Historia e SMT V ka treguar gjithmonë errësirën dhe mizorinë e botës në të cilën jetojmë, duke na kujtuar se shanset shpesh janë kundër nesh. Por gjithashtu tregon se si ju mund t’i bëni ballë këtyre sfidave dhe të arrini qëllimet tuaja.
Ju do ta nisni lojën si një nxënës normal shkolle ku jeni duke shkuar për në shtëpi me miqtë tuaj. Por gjatë rrugës ju përfshiheni në një aksident. Pas disa momentesh e gjeni veten në Da’at, një botë të mbushur me demon e cila i ngjan një Tokio të shkatërruar.
Teksa ju përpiqeni të zbuloni se çfarë po ndodh, ju sulmoheni nga disa demon dhe para se të vriteni ju shpëtoheni nga një Aogami, një robot-njeri. Ju bashkoheni me të dhe krijoni një krijesë të quajtur Nahobino e cila ka fuqinë të ndryshojë fatin e botë ku ndodheni.
Tashmë ju duhet të shpëtoni botën nga rreziqet e mëdha që i kanosen dhe të shpëtoni njëkohësisht edhe miqtë tuaj të cilët kanë ngecur në këtë botë. Historia shpaloset goxha bukur teksa avanconi në SMT V por të themi të drejtën na u duk goxha i ngadaltë.
SMT V i qëndron besnike ekskluzivitetit(serisë), që do të thotë nëse keni luajtur ndonjë lojë nga seria SMT, ju e dini se çfarë do të prisni: përballja me një botë të rrënuar, bosses jashtëzakonisht të vështirë, grind i pafund dhe rekrutimi i një numri goxha të madh demonësh në anën tuaj.
SMT V rikthen përsëri sistemin e gameplay turn-based që seria ka. Secili anë ka një numër të caktuar lëvizjesh para se të mbaroj turni i tyre. Attack, heal, përdorimi i një item ose guard quhet si një lëvizje dhe kur të mbaroni lëvizjet tuaja, turni i kalon kundërshtarit.
Nëse ju arrini të gjuani weakness ose critical hit, ju do të merrni një lëvizje ekstra. Nëse sulmi juaj bëhet dodge ose bllokohet, turni juaj mbaron. Ky sistem gameplay iu lejon të eksploroni aftësitë tuaja dhe krijoni strategji ose ta përshtatni atë sipas situatës.
Por edhe turn-based kanë problemet e tyre ku një ndër to është shpjegimi se si funksionon. Fatmirësisht SMT V ka arritur ta shpjegoj deri diku se si funksionon por përsëri lë goxha për të dëshiruar.
Një veçori e re në SMT V është Magatsuhi, një lëvizje e cilat mund të përdoren sapo të mbushni një matës. Këto aftësi të veçanta ndryshojnë në mënyrë drastike betejën, duke ua bërë aftësitë tuaja më të fuqishme.
Ju gjithashtu mund të flisni me demonët për t’i rekrutuar por duhet të bëni kujdes pasi çdo negociatë është e paparashikuar dhe ndonjëherë mund të mashtroheni nga ata.
Pas çdo beteje ose quest ju do të merrni EXP dhe kur rriteni në nivel do të hapni skills të rinj ose do të merrni skill points.
Përveç rekrutimit, ju mund të krijoni edhe demon tuaj duke i bërë summon ose duke bashkuar dy demon që keni. Bashkimi i demonëve, i cili ju lejon të kombinoni demonët që keni për të krijuar një më të mirë. SMT V iu ofron një larmishmëri kombinimesh duke e bërë lojën goxha argëtuese.
Ju gjithashtu mund të personalizoni dhe përmirësoni karakterin tuaj duke përdorur një veçori të re të quajtur essence. Ju mund të mblidhni essence nga demon që mundi ose plotësimi i quests. Essence iu lejon që të transferoni aftësitë e demon nga keni marrë essence te demonët e tjerë ose karakteri juaj. Ky i fundit gjithashtu mund të fitojë edhe elementë të tjerë të demoni, për mirë ose për keq. Ndër këto elementë mund të përmendim dobësitë ose rezistenca ndaj gjuajtjeve ose lëvizjeve të kundërshtarëve.
Dhe kjo nuk është e vetmja gjë që mund të përmirësoni pasi duke mbledhur collectables të ndryshme ju mund t’i jepni buffs të vogla vetes. Gjithashtu mos harroni të vizitoni shpesh shop ku mund të gjeni gjëra të shumëllojshme që mund t’iu duhen.
Bosses ishin goxha të vështirë dhe duhet të bëni goxha grind për t’i mundur ata. Dhe kjo nuk është e vetmja gjë që iu nevojitet. Shpesh herë duhet të formoni gjithashtu edhe një strategji dhe të luteni që të funksionojë pasi jo çdo gjë ecën sipas planit.
Dhe këtu lind problemi kryesor që loja ka. SMT V kërkon një grind goxha të madh duke bërë që të përsërisni goxha gjëra dhe shpesh herë të bëhet e mërzitshme. Gjithashtu edhe strategjitë kërkojnë goxha mendim dhe kohë duke iu acaruar ndonjëherë.
Dhe të mos harrojmë të përmendim që për ta mbaruar lojën do t’iu duhen mesatarisht mbi 50 orë.
Gjatë betejave, kolona zanore ishte fantastik dhe përshtatej me ritmin e lojës. Edhe audio teksa eksploroni këtë botë kaotike ishte goxha e këndshme.
Grafikat ishin okay duke marrë parasysh që po e luani lojën në Nintendo Switch por kishte edhe momentet e saj që kishte bugs ose probleme.
Për ta përmbledhur, Shin Megami Tensei është një rikthim i bukur i serisë me goxha gjëra të reja për të bërë dhe eksploruar duke nisur nga bota kaotike e mbushur me demon dhe deri tek historia e cila prek tema goxha të rëndësishme të përditshmërisë.
Krijimi i demons të rinj, veçoritë e reja në gameplay dhe personalizimi i karakterit tuaj e bën akoma edhe më argëtuese. Por grind i pafund që duhet të bëni, avancimi i ngadaltë dhe ndonjëherë mekanikat e paqarta iu ulin argëtimin dhe shpesh herë t’iu acarojnë.