Roller Champions është loja e fundit Sports e lançuar nga Ubisoft Games. Është një lojë sporti 3v3 që nuk e kemi parë ndonjëherë as në ndustrinë e lojërave kompjuterike dhe as në jetë reale. Është një përzierje e veçantë mes basketball, handball, patinazh dhe nuk e di pse më jep një vibe nga Quidditch i Harry Potter.
Ubisoft e lançoi lojën në 25 Maj të 2022. Ne kemi luajtur orë të tëra multiplayer, kemi bërë mbi 1000 xhiro rreth pistës së rrumbullakët me patina, kemi humbur disa gola gjithashtu dhe më në fund ka ardhur koha që t’i japim një verdikt final lojës.
Loja është e thjeshtë… në të kuptuar. Pista e rrumbullakët ka katër check-points të shpërndara në largësi të barabarta. Bëni një xhiro të plotë dhe pasi ti keni kaluar të katërta check-points, është koha të bëni gol me 1 pikë. Nëse bëni dy xhiro të plota do të shënoni 3 pikë dhe tre xhiro të plota ju japin 5 pikë për të mbyllur ndeshjen. Roller champions na ka mësuar se loja asnjëherë nuk ka mbaruar deri sa të bjerë bilbili. Ndërkohë që jeni të qetë pasi keni siguruar 4 pikë, nga ana tjetër skuadra kundërshtare ka marrë topin dhe është gati të përfundojë xhiron e tretë vetëm për të shënuar 5 pikë në sekondat e fundit dhe… po keni të drejtë të fluturoni controllerin nga muri.
Në Roller Champions do të gjeni një sistem interesant mbrojtje. Lojtarët e përfshirë këtë sport janë specialista në taijutsu. Për ti marrë topin kundërshtarit goditja me brryl është lëvizja bazë që përdoret, nërkohë mund të kërceni dhe të bëni një spin kick, jump kick, dhe gjithashtu nëse shtypni dy herë tackle do të hidheni përpara në stilin e futbollit amerikan.
Këto mekanika i përkasin vetëm atyre qe nuk kanë topin. Lojtari që mundohet të bëjë xhiron me top ka vetëm një buton për dodge e cila bën një rrotullim për të shmangur vetëm një person që ke afër. Nuk ka problem, për këtë janë shokët e skuadrës. Loja mund të luhet me strategji të ndryshme. Ju ose mund të pozicionoheni në vende të ndryshme të pistës dhe të pasoni njëri-tjetrin, ose topin mund ta mbajë vetëm njëri dhe dy lojtarët e tjerë pastrojnë rrugën nga ninxhat.
Për momentin ka vetëm 2 Game Modes dhe ndonjëherë sjell special events. Matchmaking në fillim na la të prisnim disa minuta dhe ne fund mbasi mbushej minutazhi i paracaktuar loja të lidhte me kundërshtarë AI. Nga ana tjetër nëse hidheshe në lobby me një shok dhe diferenca e niveleve ishte e madhe, nuk të lejonte të bëje quick match por ama na lejonte të luanim ranked bashkë.
Kur bëhet fjalë për gameplay loja është super smooth, motions janë vërtetë të bukura dhe mekanikat janë të thjeshta për tu mësuar. Në ditët e para të lançimit patëm disa raste kur loja bënte crash por tashmë me update të fundit nuk ka patur më probleme me software-in. Loja është shumë më e thjeshtë nëse konfiguroni ta luani me një controller por gjithmonë mouse dhe tastierë ka avantazhin e AIM kur bëni gol. Ka vërtetë një gameplay sfidues dhe argëtues nëse e luani me miqtë tuaj. Ju madje mund të hapni një private match dhe mund të luani në grup 3v3 ose edhe me më pak lojtarë.
Roller Pass është goxha i lirë dhe nëse e mbaroni deri në fund ju jep kreditet mbrapsh për të blerë të riun. Skinet që ofrohen janë vërtetë të bukura, shumëngjyrëshe dhe me efekte të ndryshme. Sezoni i ri Disco Fever vjen me shumë gjëra të reja. Do të sjellë rinks, items, minigames të reja si dhe një menu të re plot ngjyra të cilat japin një ambient funky goodness.
Sezoni i ri do të sjellë tre pista të reja Brooklyn, Venice dhe Liberty Arena. Modalitetet e reja janë goxha argëtuese. Ato sjellin një model piste krejtësisht të re në Arena 8. Siç e thotë dhe emri, pista do të jetë në formën e numrit 8 dhe do të jetë një sfidë e re për ta mësuar nga ana e mekanikave dhe të pasimeve. Star Dash ju dërgon në Skatepark ku një top i madh diskoje lëshon disa yje të cilat sa më shumë të kapni, më të larta janë mundësitë për të fituar fansa dhe rewards. Por nuk është kaq e thjeshtë. Një twist do të ndryshojë modalitetin në një luftë për mbijetesë pasi topi i diskos në vend që të lëshojë yje për ti kapur, do tju hedhë bomba të cilat do tju duhet ti shmangni. Ky sezon do të jetë mjaft argëtues me shumë surpriza dhe dhurata. Do të keni dhe një Double Fan Weekend për tu bërë pak boost në XP.
Ju mund ta shijoni kontentin në PC, Playstation 4 dhe Xbox One. Së fundmi kemi marrë konfirmimin se loja do të jetë e disponueshme tashmë edhe në Nintendo Switch kështu që të gjithë do të kemi mundësi të bashkohemi me njëri tjetrin në cilëndo platformë që ndodhemi.
Roller champions është një lojë e veçantë sportive, skill based PvP, Free to play dhe ja vlen ta provoni. Është një vend i mirë për ta kaluar bukur me shokët nëse doni të largoni mendjen nga zhanerët e tjerë si për shembull FPS ose MMO. Kjo lojë të sfidon dhe sjell tension mes kundërshtarëve e cila e ben atë një lojë argëtuese kompetitive.