resident-evil-3-remake-review
PS4 Reviews Xbox One

Resident Evil 3 Remake Review – E bukur për aq sa zgjat

Mbështesni GameON Albania duke përdorur kodin support-a-creator: GAMEONALBANIA

Capcom pati shumë sukses me Resident Evil 2 Remake, e cila shiti me miliona kopje dhe ishte një prej lojërave më të vlerësuara të 2019. Me Resident Evil 3 që në shumë aspekte është e lidhur ngushtë me Resident Evil 2, nuk është aspak çudi që Capcom zgjodhi që ajo të ishte remake-u i rradhës. Edhe pse Resident Evil 3 nuk është aq tërheqës në pamje të parë sa Resident Evil 2, ajo gjithsesi mbetet një prej lojërave më të mira të serisë dhe është mjaft argëtuese për aq sa zgjat.

Një prej problemeve më të mëdha të Resident Evil 3 është historia e shkurtër e saj, e cila njëherësh është një prej pikave të saj më të forta. Duke e eksploruar në tërësi shumicën e lojës, ne aritëm ta përfundonim atë në rreth 5 orë dhe kjo me shumë mundësi nuk do t’iu pëlqejë shumë lojtarëve. Megjithatë, fakti që loja është kaq e shkurtër bën që të ruhen vetëm aspektet thelbësore të saj dhe që asnjë moment të mos shkojë dëm. Resident Evil 3 është një prej lojërave më tërheqëse të serisë, me historinë që sa vjen e bëhet më interesante, sekuenca unike gameplay dhe kundërshtarë të rinj sfidues nga fillimi në fund.

Resident Evil 3 origjinal gjithashtu është mjaft i shkurtër dhe ky është një trend që shumë lojëra të kësaj serie e ndjekin. Megjithatë, është zhgënjyes fakti që disa prej veçorive të lojës origjinale mungojnë në këtë remake, duke ia shkurtuar edhe më shumë jetëgjatësinë lojës. Për shembull, Mercenaries mode është hequr dhe së bashku me të janë hequr historitë e degëzuara të quajtura Live SelectionsResident Evil 3.

Megjithatë, heqja e Live Selections nuk është diçka tërësisht e keqe, pasi kjo sjell që historia e lojës të tregohet në mënyrë më të përmbledhur dhe më të mirë në përgjithësi. Capcom i ka përdorur remake-t e serisë Resident Evil për të qartësuar më shumë historinë e serisë, me Resident Evil 3 që ka marrë disa prej ndryshimeve më drastike deri më tani. Kjo do të thotë se edhe veteranët e kësaj loje do të surprizohen me historinë e saj, një element që mungonte tek Resident Evil 2.

Edhe pse historia ka ndryshuar deri diku dhe personazhe si Brad Vickers kanë role më të mëdha, në përgjithësi Resident Evil 3 mbetet po e njëjta, me Jill Valentine që përpiqet të largohet nga Racoon City ndërkohë që ndiqet pa pushim nga përbindëshi Nemesis. Resident Evil 3 Remake ka një ton më serioz dhe më të errët se lojërat e tjera të serisë, duke I mbajtur shakatë në minimum dhe duke e bërë lojën më tërheqëse. Jill Valentine dhe pjesa tjetër e kastit janë fantastikë dhe ata sillen në jetë me grafika të fjalës së fundit dhe zëra shumë të mirë.

Vetë përbindëshi Nemesis supozohet të jetë personazhi më i rëndësishëm i Resident Evil 3, por në të vërtetë ai duket sikur është një hap mbrapa në krahasim me Mr. XResident Evil 2. Jill përballet me Nemesis vetëm në momente specifike dhe fakti që ai e ndjek në mënyrë agresive dhe bombastike Jill pambarimisht e bën atë më pak të frikshëm se Mr. X. Edhe Nemesis ka disa jump scare fantastik, por Nemesis që vrapon me shpejtësi dhe gjuan raketa drejt Jill është thjesht jo aq I frikshëm sa Mr. X që afrohet me ngadalë dhe qetësi tek Leon dhe Claire, si të jetë një personazh filmi horror.

Resident Evil 3 Remake është në përgjithësi më pak i frikshëm se Resident Evil 2 dhe edhe më pak se Resident Evil 3 origjinal. Edhe pse muzika e frikshme përdoret në mënyrë mjaft të mirë në lojën origjinale, Resident Evil 3 përdor në vend të saj muzikë aksioni dhe shpërthime. Remake-u nuk ka të njëjtën atmosferë si origjinalja, me disa momente shokuese të lojës së parë si përballja me Dario Rosso që tani janë thjesht acaruese. Përveç kësaj, lojtari do të harrojë se sa herë do të dëgjojë shpërthime në Resident Evil 3 dhe madje ka edhe disa set pieces që ngjajnë sikur vijnë nga lojërat Uncharted. Kaq shumë aksion bën që Resident Evil 3 Remake të jetë shumë më pak i frikshëm se loja origjinale, gjë që me shumë mundësi nuk do t’i pëlqejë fansave të vjetër.

Edhe pse Resident Evil 3 Remake është më pak i frikshëm, loja ende mbetet një eskperiencë e shkëlqyer aksion-horror, me gameplay-n që thekson menaxhimin e inventory, zgjidhjen e puzzle-s dhe normalisht edhe vrasjen e tufave me zombi. Kundërshtarët në Resident Evil 3 janë më agresivë se kurrë më parë, por edhe Jill Valentine ka disa manovra të reja për t’iu shmangur sulmeve të tyre. Luftimet me boss-at janë veçanërisht argëtuese dhe do të testojnë aftësinë e lojtarëve kur ata luajnë në vështirësi më të larta.

Vështirësitë më të larta, kukullat Charlie dhe Shop janë disa prej mënyrave se si Resident Evil 3 i tërheq lojtarë për t’iu rikthyer lojës, pasi ata mund të blejnë armë speciale në mënyrë që playthrough-t e tjera të jenë më të lehta. Megjithatë, ka shumë mundësi që shumica prej jush të jenë të mjaftuar me Resident Evil 3 nga vetëm një playthrough, duke mos patur më interes për t’iu rikthyer sërish lojës.

Një prej mënyrave se si Capcom mundohet t’i japë jetëgjatësi lojës është nëpërmjet Resident Evil: Resistance, e cila vjen falas me Resident Evil 3. Resident Evil: Resistance është më shumë një lojë më vete sesa një mode për Resident Evil 3, me listën e saj të arritjeve dhe një gameplay tërësisht tjetër. Loja është një multiplayer asimetrik horror, ku një lojtar luan si Mastermind ndërkohë që katër të tjerët luajnë si të mbijetuarit.

Në letër, Resident Evil: Resistance është një ide mjaft e mirë, por loja favorizon lojtarin e Mastermind shumë më shumë se të mbijetuarit. Për këtë arsye, të luash si Mastermind dhe të tallesh me ta është mjaft argëtuese dhe tërheqëse, por e njëjta gjë nuk mund të thuhet për gameplay-n si i mbijetuar, pasi gjatë gjithë kohës do të jesh duke u acaruar ndërkohë që përpiqesh t’i shpëtosh Mastermind. Loja mund të ishte më e balancuar, por duket se tani për tani Capcom ka gabuar.

Në varësi të popullaritetit, Capcom mund ta rregullojë Resident Evil: Resistance për ta bërë më tërheqëse për fansat e këtij zhanri lojërash, por tani për tani, është e vështirë t’ia rekomadosh atë lojtarëve të Resident Evil 3. Megjithatë, gjithçka mund të ndryshojë me një update në të ardhmen.

Resident Evil 3 Remake padyshim që do t’iu pëlqejë shumë fansave të kësaj serie dhe atyre të zhanrit survival-horror, por jetëgjatësia e shkurtër e lojës, edhe kur e krahason atë me lojën origjinale në PS1, e bën shumë të vështirë ta rekomandosh atë në vend të Resident Evil 2. Ka momente kur Resident Evil 3 është brilliant, por fansat e origjinalit nuk do ta pëlqejnë faktin se loja anohet më shumë drejt aksionit sesa drejt horrorit. Resident Evil 3 ka grafika fantastike, controls perfekte dhe fakti se seria Resident Evil po vjen në kohët moderne është diçka mjaft e mirë, por është e vështirë të mos jesh deri diku i zhgënjyer kur e krahason Resident Evil 3 Remake me remake-un fantastik të Resident Evil 2.