Seria e Monster Hunter ka arritur së fundmi një popullaritet të madh nëpërmjet Monster Hunter World në shumë platforma dhe Monster Hunter Rise në Switch. Monster Hunter Stories 2: Wings of Ruin sjell një histori të re dhe risjell mekanikat turn-based dhe më shumë në Switch nga paraardhësi 3DS.
Ndryshe nga seritë e tjera, seria Stories ndryshon në shumë aspekte nga seritë Rise dhe World. Në vend që të luftoni kundër përbindëshave të quajtur Monstie, seria Stories sjell një histori të fokusuar në pjesën narrative dhe mbledhjen e përbindëshave ku ju do të miqësoheni me ta dhe do të luftoni përkrah tyre në betejat turn-based RPG.
Ju do të merrni rolin e një rider të ri i cili është nipi i një Rider legjendar. Gjatë aventurave të tij ai njihet me një vajzë e cila mban me vete një vezë e cila mbart një prej përbindëshave më të fuqishëm dhe të rrezikshëm që bota e Monster Hunter Stories ka. Këtu nisin aventurat tuaja të cilat do të përfshijnë përballje kundër armiqëve të ndryshëm, eksplorim dhe më shumë.
Struktura e lojës iu ofron që të kryeni quests të ndryshëm dhe njëkohësisht të eksploroni ambientet e ndryshme të kësaj bote open-world që Monster Hunter Stories 2 ofron.
Në pamje të parë, mund të themi që Monster Hunter Stories 2 ngjan shumë me një lojë Pokémon. Por pavarësisht se një nga mekanikat kryesore është koleksionimi i përbindëshave, struktura e përgjithshme e lojës është në të vërtetë komplet ndryshe, si në aspektin e mënyrës sesi mblidhen këto përbindësha ashtu edhe si përdoret në beteja.
Siç e përmendëm edhe më parë, monstrat në fjalë quhen Monsties dhe janë versione më miqësore të atyre të egra që hasen gjatë aventurës. Në botën e Monster Hunter Stories 2 do të gjeni rreth 80 Monsties gjithsej për të mbledhur, ku secila ka statistikat e veta dhe aftësitë e veçanta, dhe secila mund të bëhet level up dhe përmirësohet.
Aspekti i combat, përdor një turn-based që i vendos lojtarët krah Monsties së tyre. Lojtarët zgjedhin se cilat sulme do të përdorë karakteri i tyre, ndërsa Monstie e tyre të kontrolluar nga AI zgjedhin të vetat. Sulmet kryhen falë sistemit një lloj sistemi letër-gurë-gërshërë ku ka tre lloje të cilat janë: Speed(blu), Technical(jeshile) dhe Power(e kuqe).
Gjithashtu secila prej tyre ka një lidhje të veçantë me njëra tjetrën. Bluja mund të kuqen, e kuqja mund jeshilen dhe jeshilja mund blunë.
Çdo kundërshtar ka një sulmi të veçantë kështu që me kalimin e kohës do të filloni të mësoni se cilat lëvizje janë më të mira për t’u përdorur sa herë që fillon një betejë e re. Nëse ju dhe Monstie juaj zgjidhni të njëjtin lloj lëvizjeje i cili rezulton i suksesshëm, do të shkaktoni një sulm special të të dy skuadrave.
Arma juaj gjithashtu ndikon në se sa efektiv jeni në beteja. Monster Hunter Stories 2 do të gjeni lloje të ndryshme armësh si Great Sword, Sword & Shield, Hammer dhe Hunting Horn. Gjithashtu ndryshe nga prequel i Monster Hunter Stories 2, tashmë do të keni edhe dy armë të reja të cilat janë Bow dhe Gunlance të cilat shtojnë më shumë larmishmëri në combat.
Gjithçka funksionon në mënyrë perfekte gjatë betejave, dhe gjithashtu ekziston mundësia për të shpejtuar animacionet nëse mendoni se betejat po zgjasin shumë ose doni t’i bini gjërave shkurt. Ky sistem është mjaft i lehtë saqë edhe lojtarët e rinj në këtë seri mund ta mësojnë aty shumë shpejt. Problemi i vetëm është se lojtarët e vjetër mund ta gjejnë këtë sistem shumë të thjeshtë dhe ndoshta të mërzitshëm.
Jashtë betejave, Monsties do t’iu shoqërojnë teksa eksploroni botën e mrekullueshme që kjo lojë ofron. Ju mund të drejtoni Monstie tuaj dhe jo vetëm që kjo ju ndihmon të ecni më shpejt në terrene ose pengesa të caktuara, por secili Monstie gjithashtu ka një aftësi specifike që funksionon në vende specifike.
Disa prej tyre mund të notojnë, disa mund të kërcejnë shumë lart, disa mund të ngjiten nëpër vendet të ndryshme, etj. Ju mund të caktoni një party prej pesë Monsties ku njërin prej tyre e përdorni dhe katër të tjerët rrinë në gatishmëri. Kështu që nëse hasni në një pengesë, ju mund t’i ndërroni Monsties shpejt me njëri-tjetrin.
Kjo iu hyn në punë gjithashtu edhe gjatë betejave. Për shkak se Monstie juaj kontrollohet nga AI, secili prej tyre do të ketë një tendencë për të përdorur më shumë një lloj të veçantë lëvizjeje. Nëse jeni duke luftuar me një përbindësh që tenton të përdorë sulmet Power, atëherë do t’iu ta ndërroni Monstie tuaj me një që favorizon sulmet Speed.
Ndjesia që iu jep teksa përparoni është e kënaqshme. Karakteri juaj bashkë me Monsties tuaj do të rriten në nivele pas çdo beteje. Çdo gjë është e balancuar mjaft mirë në mënyrë që ju të arrini të bëni ballë çdo kundërshtarë. Gjithashtu rrallë herë do të jetë e nevojshme që të bëni grind.
Për ta përmbledhur, Monster Hunter Stories sjell një histori e cila na pëlqeu goxha ishte tepër tërheqëse. Kombinuar me sistemin combat dhe mbledhjen e monstrave të ndryshëm, ju do të gjeni lojën e duhur turn-based.