Gaming Lajm i Fundit Nintendo PC PS4 PS5 Reviews Xbox One Xbox Series X|S

Marvel’s Guardians of the Galaxy Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Marvel në bashkëpunim me Square Enix dhe Eidos-Montreal rikthehet përsëri por kësaj here me një lojë të re e cila është Guardians of the Galaxy. Më në fund kjo lojë na ka ardhur në dorë për t’u bërë review dhe për të parë se çfarë do të na sjellë kjo lojë.

Që nga momenti kur Guardians of the Galaxy prezantohen si një ekip hapësinor që është I gatshëm të bëjë gjithçka për të bërë para dhe famë. Por menjeherë sa njihemi me ta, kuptojmë plotësisht se sa rrëmujë janë dhe problemet që ata kanë me njëri-tjetrin. Asnjëri prej tyre nuk i ka marrëdhëniet mirë me njëri-tjetrin dhe për më shumë se 10 orët e ardhshme të lojës do të dëgjoni grindje dhe debate midis tyre.

Por jo në kuptimin e keq pasi shpesh herë ishin qesharake dhe gazmore duke na ofruar një humor të mprehtë. Paaftësia e Drax për të kuptuar bisedat dhe frazat e zakonshme dhe grindjet që lindin nga kjo gjë na bëri të qeshnim goxha herë. Gjithashtu hasëm edhe momente ku ata afroheshin gjithmonë edhe më shumë me njëri tjetrin.

Teksa ata eksplorojnë hapësirën e pafund në kërkim të famës dhe parave, ju do të hyni në një zonë të ndaluar ku po kërkoni për gjëra të cilat mund t’iu hyjnë në punë. Por në eksplorim e sipër, ju çlironi nga kjo zonë një përbindësh misterioz. Tashmë ju dhe ekipi juaj duhet të bashkoni forcat dhe të përballeni me të.

Kjo e bën historinë goxha të bukur duke na sjellë momente të ndryshme nga secili pjesëtar dhe sidomos nga Peter Quill ose siç njihet ndryshe, Star-Lord.

Historia e tij është shkruar mirë dhe Eidos-Montreal bëri një punë të shkëlqyer duke sjellë cilësitë e tij drejtuese në veprim dhe vendimmarrje dhe gjithashtu edhe histori nga fëmijëria e tij. Lojtarët janë në kontroll të plotë të Star-Lord dhe do të përcaktojnë rrugën që do të marrë ekipi juaj. Këto zgjedhje vërtet nuk kanë një impakt të madh në histori por do t’iu ofrojnë dialog ekstra dhe gallata në varësi të zgjedhjeve tuaja.

Marvel’s Guardians of the Galaxy është një lojë ku narratimi zë pjesën më të madhe të gameplay dhe zhvilluesit kanë arritur ta bëjnë këtë gjë sa më të kënaqshme për lojtarët e kësaj loje. Ne e gjetëm veten duke shpenzuar goxha kohë duke ndjekur narratimin e lojës dhe të themi të drejtën rrallë herë e gjetëm veten të mërzitur ose të bezdisur nga kjo gjë.

Por problemi qëndronte tek fakti që historia ishte e shkurtër dhe mund ta mbaroni si lojë në afërsisht 10-11 orë.

Ne lojën e luajtëm në PS5 dhe grafikat ishin goxha të mahnitshme. Cdo karakter ishte i krijuar në detaje dhe këtë mund ta vinit re si gjatë skenave kinematike por gjithashtu edhe gjatë përballjeve që do të kryeni.

Eidos-Montreal ka sjellë veçori të reja në gameplay duke na bërë që të jemi të fokusuar vazhdimisht në lojë.

Gjatë eksplorimit të vendeve të ndryshme që do të hasni, ju do të bashkëpunoni me njëri tjetërin për të kaluar pengesat të ndryshme si kalimi nga ngjitja nëpër mure, hapja e rrugëve të reja, krijimi i urave ose komandimi i teknologjive të ndryshme.

Dhe ju do të bashkëpunoni jo vetëm gjatë eksplorimit por gjithashtu edhe gjatë combat. Edhe pse ju luani vetëm si Star-Lord, ju do të keni mundësinë që të kombinoni aftësitë tuaja me pjesëtarët e tjerë të ekuipazhit tuaj.

Groot mund t’i mbajë kundërshtarët me një tufë rrënjësh, Rocket mund t’i godas me një numër të pafund armësh, Drax dhe Gamora me shpatat dhe grushtat e tyre dhe ju mund t’iu jepni goditjen finale.

Dhe nëse e shikoni veten në vështirësi, ju mund të kryeni një mbledhje me grupin tuaj ku bisedoni dhe i rrisni moralin njëri-tjetrit. Kjo do t’iu jap një buff dhe shield teksa luftoni.

Kjo iu ofron mundësinë që të kryeni kombinime dhe lëvizje speciale të ndryshme të cilat ua shtojnë akoma edhe më shumë kënaqësinë.

Por u përballem edhe me momente kur misionet ose pengesat që kishim përballë u bënë të përsëritura duke u bërë shpesh herë të bezdisshme dhe të mërzitshme.

Gjatë avancimit në histori ju si Star Lord do të merrni aftësi të ndryshme si ngrirja me akull, gjuajta me elektricitet dhe më shumë. Por kjo nuk është e vetmja. Teksa luftoni ju do të mblidhni pikë të cilat iu japin mundësinë për të hapur dhe përmirësuar aftësitë të reja për secilin prej pjesëtarëve tuaj të ekipit.

Gjithashtu ju do të gjeni edhe materiale të cilat mund t’i përdorni për të përmirësuar armët dhe pajisjet tuaja.

Diçka që nuk na pëlqeu shumë ishte kontrolli i Milanos në pjesët ku do t’iu duhej që të luftonit në hapësirë. Në koncept është goxha i bukur por kontrollet e vështira dhe mungesa e ndihmës gjatë këtyre momenteve ia heq kënaqësinë.

Dhe të mos harrojmë, se ju do të gjeni kuti të ndryshme të fshehura nëpër vende të ndryshme të cilat do t’iu shpërblejnë me cosmetics për secilin prej anëtarëve të ekipit tuaj.

Diçka që e ka karakterizuar gjithmonë Guardians of the Galaxy kudo është muzika e viteve 70 dhe 80 që ajo përfshin. Në Marvel’s Guardians of the Galaxy do të gjeni këngë të ndryshme të viteve 80 duke përfshirë këtu Iron Maiden, Rick Astley, A-ha, KISS, Bonnie Tyler, EUROPE dhe më shumë. Ju do të gjeni një vend të veçantë në anijen tuaj ku mund t’i dëgjoni këto këngë.

Marvel’s Guardians of the Galaxy na sjell një lojë action single-player RPG goxha të kënaqshme ku ju luani si Star Lord bashkë me ekipin tuaj në një aventurë të mbushur plot me aksion dhe gjithashtu një histori goxha emocionale.