Gaming Lajm i Fundit Nintendo PC PS4 PS5 Reviews Xbox One Xbox Series X|S

Life is Strange: True Colors Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Kanë kaluar dy vjet që kur krijuesit e Life is Strange, Dontnod Entertainment përfunduan historinë tronditëse të Vëllezërve Diaz në Life is Strange 2. Tani është radha e Deck Nine, pasi zhvilluesit e pjesës paraardhëse, Before the Storm, na sollën në historinë e tyre të hidhur të një rrugëtimi emocional.

Pasi jetoi në kujdestari për tetë vitet e fundit, Alex Chen viziton vëllain e saj Gabe në qytetin e vogël të minierave në Kolorado, Haven Springs, duke kërkuar një fillim të ri. Rikthimi prekës është shumë i shpejtë, dhe pas një aksidenti misterioz, ky qytet aq i bukur mbushet me trishtim. Gjatë pesë kapitujve, Alex duhet të merret me pasojat dhe të hetojë se çfarë ka ndodhur me të vërtetë.

Seria e lojës është e njohur për trajtimin e temave të trishta të botës reale dhe që ngjallin diskutime. True Colors theksohet në hidhërim dhe traumë, por nga ana tjetër nuk të bezdis ky fakt. Pjesa më e madhe vjen si pasoje e performancës se shkëlqyer nga Erika Mori e cila shfaqet si Alex. Prezantimi i saj tregon një realizëm autentik, edhe kur skenari është i vështirë për tu ndjekur.

Ashtu si protagonistët e tjerë në seri, Alex ka një fuqi unike, këtë herë në formën e telepatisë që i lejon asaj të dëgjojë mendimet e njerëzve dhe të ndiejë emocionet e tyre. Ky është një virtyt dhe një barrë, por ndihmon në momente mendjelehtësie dhe ekzaminimesh të qeta gjate meditimit të saj dhe të tjerëve. Marrja e kohës për të dëgjuar problemet e tyre mund të hapë opsione të reja dialogu që ndikojnë te kjo histori në mënyra befasuese dhe kuptimplota. Ekzistojnë gjithashtu indikacione rreth objekteve të shndritshme që mund të shqyrtohen për një pasqyrë të mëtejshme në të kaluarën e personazheve. Disa histori jashtë rrjedhës kryesore shfaqen gjatë kapitujve të shumtë, duke ju inkurajuar që të jeni ne brendësi të qytetit. Ajo gjithashtu ofron një strukture tematike të ndërtuar rreth të kuptuarit të emocioneve të njerëzve të tjerë. Disa nga historitë më të vogla ndihen pak të imtësishme në krahasim me ngjarjet kryesore dhe mund të kenë përdorur pak më shumë kompleksitet, por ato ofrojnë momente pushimi nga skenarët e vështirë te kësaj historie.

Përzgjedhjet e dialogut ju lejojnë të udhëhiqni Alex në drejtimet e dëshiruara kur ndërveproni me njerëzit e tjerë. Natyrisht, disa zgjedhje janë shumë më të rëndësishme se të tjerat, të tilla si nëse doni të ndiqni një marrëdhënie romantike me Steph ose Ryan, por edhe vendimet e vogla kanë ndikime valëzuese. Ka disa përfundime kryesore, secila me ndryshime të vogla të bazuara në zgjedhje dhe marrëdhënie të ndërtuara gjatë lojës, duke theksuar rëndësinë e vendimeve tuaja.

Haven Springs ofron shumë mundësi për eksplorim. Nga dyqani i luleve dhe farmacia e marihuanës deri tek dyqani i muzikës dhe lokali old-school, çdo vend frekuentohet nga banorë të veçantë që ndihmojnë në sjelljen në jetë të qytetit. Steph Gingrich kthehet nga Before the Storm, pasi ajo është shpërngulur nga Arcadia Bay dhe tani është duke punuar këtu si një DJ për një radio lokale. Ndërkohë Ryan, shoku më i mirë i Gabe, është i mbytur në faj, por përpiqet të bëjë më të mirën për të vazhduar jetën. Marrëdhëniet me personazhet e tjerë janë thelbi i True Colors, dhe lidhjet e qëndrueshme të formuara midis Aleksit dhe miqve janë deçizive për rrethin shoqëror. Gjithashtu loja ka dhe një expansion, e cila ju lejon te luani ne rolin e Steph gjate kohës qe ajo nuk kishte ardhur ende ne Haven Springs. Ky expansion ju tregon mbi jetën e Steph dhe rrugëtimit te saj deri ne qytet.

Për herë të parë në historinë e serive, të pesë kapitujt janë në dispozicion për tu përjetuar si të dëshironi. Opsionet e ndryshme bazohen tek preferencat personale, por luajtja e tyre njëra pas tjetrës mund të ndikoje ne mënyrën se si luani dhe përjetoni lojën pasi nuk do të keni më dilemën se kë opsion do të zgjidhni. Për më tepër, ndërsa shumë nga kapitujt duken të ndryshëm nga njëri –tjetri, mund të fillojë të duket si një monotoni në vend të një përvoje unike. Kështu që bëni kujdes me zgjedhjet e para.

True Colors është loja më e bukur vizualisht e serisë Life is Strange, gjë për te cilën titujt e mëparshëm kanë qenë më të rezervuar. Më e rëndësishmja, detajet shtesë lejojnë që më shumë emocione të përcillen përmes mimikave delikate dhe prekëse të fytyrës. Fatkeqësisht prezantimi nuk është dhe aq i përsosur dhe ka pak shkëputje në framerate. Edhe pse e luajtëm lojën ne PlayStation 5, ne u ndeshëm rrugës me disa bugs. Njëri nga bugs u shfaq kur ethan nuk i bëhej render fytyra dhe dukej si një nga ata personazhet qe nuk i kemi bere unlock akoma në lojë. Një bug tjetër ishte gjate një dialogu ku Alex qëndronte e ulur ne natyre dhe për një moment ajo shfaqet ne këmbë me duart ngritur dhe kthehet prapë ne pozicionin fillestar. Shpresojmë që ne patch-et e ardhshme te rregullohen këto bugs, pasi gjate kohës qe po japim këtë review nuk janë rregulluar ende.

Mund te themi se audio e lojës është me të vërtetë e bukur dhe relaksuese. Muzika mund te mos jetë diçka e kompozuar me shumë përpjekje, por zhvilluesit kanë arritur ta përshtatin atë me lojën në mënyrën më të mirë të mundshme. Si për shembull Alex e cila ka një histori duke i rënë kitarës, por i sjell kujtime të dhimbshme që duhet ti kapërcejë.

Life is Strange: True Colors është një hyrje e shkëlqyer në seri, dhe një vend i perkryer për t’u futur për lojtarët e rinj. Disa çështje teknike nuk mund të anashkalohen tani që loja ka çmimin e plotë, por është diçka që mund të rregullohet me patch-et e ardhshme. Alex Chen është një personazh tepër tërheqës e cila na bën të futemi në boten e saj dhe të përjetojmë historinë e lojës, por edhe ne disa raste duke na ilustruar fakte nga jeta reale.