Nintendo Reviews

Hyrule Warriors: Age of Calamity Review

Mbështesni GameON Albania duke përdorur kodin support-a-creator: GAMEONALBANIA

Nintendo Switch shquhet për shumë lojëra të ndryshme dhe një ndër to është Legend of Zelda: Breath of the Wild. Kjo seri sjellë tashmë një prequel spin-off të quajtur Hyrule Warriors: Age of Calamity. Por a është kjo lojë në nivelin e Legend of Zelda apo është thjesht një lojë e krijuar thjesht për t’iu bërë qejfin lojtarëve? Për të mësuar më shumë ndiqni review tonë.

Hyrule Warriors, Age of Calamity nis në mbretërinë e Hyrule gjatë kohës që Zelda dhe Link ndeshen me Calamity Ganon. Gjatë këtyre momenteve, një mini Guardian aktivizohet dhe udhëton pas në kohë në mënyrë që të gjejë Zelda dhe Link përpara fillimit të kësaj lufte. Tashmë ngjarjet zhvendosen pothuajse 100 vite përpara kësaj lufte ku Link dhe miqtë e tij po luftojnë kundër disa ushtrive armike të cilat duan të pushtojnë mbretërinë e Hyrule.

Gjatë kësaj kohe ju do të mësoni se si të ndër veproni me lojën dhe fansat të cilët kanë luajtur të gjitha lojërat të cilat kanë lidhje me Legend of Zelda, do të vënë re se Age of Calamity është një kombinim i bukur midis lojërave Breath of the Wild dhe Hyrule Warriors.

Më pas ju do të filloni të luani si Impa dhe këtu ju do të kuptoni se loja iu ofron të luani dhe ta shikoni botën si personazhe të ndryshme që loja ka duke e bërë Age of Calamity një loja prequel por gjithashtu edhe spin-off në të njëjtën kohë.

Historia zhvillohet shumë bukur dhe marrëdhëniet ndërmjet personazheve tregohen me shumë kujdes dhe vëmendje. Mënyra se si tregohet është tepër e bukur dhe ka për t’iu mbajtur para lojës për një kohë të gjatë. Ne e përfunduam lojën brenda afërsisht 20 orëve dhe mund të themi që u kënaqëm shumë gjatë kësaj kohe.

Gjatë progresit në lojë do të merrni edhe personazhe të ndryshëm të cilët mund t’i përdorni në misione të ndryshme, t’iu përmirësoni armën ose t’i bëni më të fuqishëm duke i stërvitur në këmbim të rupee.

Gjithashtu gjatë misioneve kryesore ju mund të dërgoni personazhet tuaja nëpër vende të ndryshme të hartës. Kjo iu ndihmon shumë pasi ju mund të dërgoni Impa ose Zelda në vendin e përballjes së radhës ndërkohë që me Link ndesheni me një kundërshtarë tjetër.

Secili personazh ka një identitet të tijin pasi secili prej tyre iu jep një ndjesi të veçantë pasi secili prej tyre ka një armë ndryshe dhe një stil të veçantë dyluftimi dhe të të bërit të gjërave. Link përdor shpatën dhe mburojën e tij, Impa përdor kamën dhe magjinë e saj kurse Zelda Sheikah Slate.

Pas misionit të parë ju do të kaloni në një hartë e cila do t’iu tregojë misionet, veprimtaritë dhe gjërat e ndryshme që ju mund të bëni.

Gjatë misioneve të ndryshme do të mblidhni items dhe armë të cilët mund t’i përdorni për të asistuar njerëz të ndryshëm. Duke asistuar këta persona ju do të hapni vende të ndryshme në të cilat mund të blini dhe të shisni ose të përmirësoni armët tuaja.

Ndryshe nga Breath of the Wild, loja nuk iu jep mundësinë për një botë të cilën mund ta eksploroni por do t’iu duhet të zgjidhni misionin që dëshironi dhe ta nisni menjëherë atë.

Sistemi i dyluftimit është një përzierje e Hyrule Warriors dhe Breath of the Wild. Secili personazh ka kombinime të veçanta të cilat bëhen më të fuqishme duke asistuar nëpër misione specifike. Kjo iu jep mundësinë për kombinime të ndryshme luftimi më kundërshtarët tuaj.

Problemet që hasëm më së shumti gjatë lojës ishte se gjatë dyluftimit ndodhte shpesh që kamera të pozicionohej në mënyrë të papërshtatshme duke na treguar thjesht një pjesë të betejës. Kjo gjë bënte që ndonjëherë të mos i kuptonim lëvizjet e armikut. Gjithashtu kjo gjë ndodhte edhe kur kundërshtari na shtynte në cep të hartës ose kur kryenim lëvizjet speciale të personazhit që po përdornim.

Për shumicën prej jush ndoshta mund të mos t’i pëlqejë grafikat e kësaj loje në disa momente por duhet patur parasysh që loja është dizajnuar të luhet në Switch e cila është një konsole portative e cila iu ofron ta luani ketë lojë kudo. Duke marrë parasysh këto gjëra mund të themi që grafikat janë të përshtatshme për këtë konsole.

Muzika kombinohet shumë bukur me ngjarjet e historisë dhe mund të themi që ishte goxha tërheqëse. Zëri i personazheve ishte i sinkronizuar mirë me personazhet. Por kishte goxha raste kur zhurmat nuk përshtateshin me ngjarjet që ndodhnin gjatë përballjeve të ndryshme.

Ndërveprimi me lojën është i thjeshtë dhe jo shumë i vështirë. Brenda minutave të para mund t’i mësoni fare lehtë se si të dyluftoni dhe se si të përdorni aftësitë ose pajisjet tuaja.

Hasëm disa bugs të vegjël por të cilët nuk do t’iu prishin eksperiencën tuaj në ketë lojë.

Konkluzioni

Si përfundim mund të themi që Hyrule Warriors: Age of Calamity është me të vertetë një lojë prequel spin-off e cila i shkon përshtat historisë së Legend of Zelda por me shumë limitime të cilat i ulin goxha shumë potencialin në lojë. Por prapë së prapi mund të themi që është një lojë argëtuese e cila sjell goxha histori për fansat e Legend of Zelda dhe që do t’iu bëj për vete në shumicën e rasteve.