U deshën gjashte vite që Master Chief të karikonte bateritë dhe të rikthehej në Halo Infinite duke sjellë po të njëjtën shije me seritë e kaluara. E sjellë nga 343 Industries, Halo Infinite është një nga lojërat më të bukura që kemi luajtur gjatë 2021.
Campaign vjen si asnjëherë tjetër me një version open world të Halo Ring e cila duket Akoma më magjepëse me grafikat e permiresuara. Ka shumë për të bërë në këtë hartë të gjerë dhe plotësimi i listës së misioneve ju lejon të fitoni më shumë opsione luftarake dhe, në fund të fundit, më shumë argëtim. Nuk dallohet shumë puna që kanë bërë me mjedisin, por është gjithsesi një rikthim emocionues për një nga seritë më të bukura të lojërave.
Ju do të luani në rolin e Master Chief për tu hakmarrë ndaj Atriox pasi ky i fundit kishte fituar luftën dhe dukej sikur gjithçka kishte përfunduar. Asistentja juaj AI dhe piloti i anijes kozmike do t’ju shoqërojnë gjatë gjithë rrugëtimit tuaj në campaign. AI eshte nje klonim i cortanës së serive të kaluara por kësaj rradhe më naive dhe pyetjet e saj ju bëjnë ta kuptoni më mire historinë. Ndërsa Piloti i anijes ngul këmbë gjatë gjithë kohës për tu kthyer në shtëpi sa më shpejt të jetë e mundur pasi mendon se lufta ka mbaruar dhe Alienët kanë fituar tashmë.
Të quajtur ndryshe “The banished”, alienët kanë zaptuar të gjithë territorin dhe ju duhet të pastroni zonat një nga një. Disa zona mund të jenë të populluara me banorë të cilët nëse i ndihmoni, do tju japin një dorë me misionet. Disa zona të tjera janë kampe të quajtur ndryshe si FOBs ku alienët do t’ju mirëpresin me armë shumëllojëshe dhe automjete të forta. Pasi të pastroni FOBs nga alienët, ju mund ti përdorni për fast travel apo për të marrë automjete ose armë. Sigurisht ka dhe zona të cilat kanë edhe boss fight, ku nëse i mundni ata, do të merrni shpërblime më të mira se sa zonat e tjera. Gjatë rrugëtimit do të gjeni Spartan Cores me të cilat mund të bëni Upgrade pajisjet tuaja si grapple hook, shield, enemy detector dhe shumë të tjera.
Combat është përmirësuar goxha. Lëvizjet janë goxha të shpejta, veprimet taktike si grapple hook ishte një nga të preferuarat e lojës si dhe shumëllojshmëria e arsenalit të armëve ku në to përfshihen edhe automjete me plumba pafund të cilat ju hyjnë goxha në punë kur keni një tufë me armiq përpara. Ndeshjet boss fight e kanë ruajtur mire traditën e Halo. Asnjë prej tyre nuk ndihet sikur Lufton njësoj dhe për më tepër secili prej tyre jep shpërblime të ndryshme. Ishin pak të vështirë të them të drejtën.
Bota nuk ka ndonjë larmishmëri të madhe nga ana tjetër. Gjithçka që do të shikoni janë male, pyje dhe ndërtesa alienësh rreth e qark. Pjesa më e madhe ku do të shikoni ndryshim janë vendet brenda ndërtesave, korridoret plot drita dhe grafikat e bukura që sjellin cutscenes-at e ndryshme. Nga ana grafike sigurisht që ka përmirësim dhe bota rreth unazës së famshme të Halo duket magjike. Audio e Halo sigurisht që të lë pa fjalë. Muzika është epike dhe nuk ka nevojë ti hymë në detaje pasi ka një histori të vjetër. Sound effects ishin goxha të mira që nga tracking që linin plumbat e deri tek ulërimat e alienëve të tmerrshëm me të cilët luftonim.
Ndërkohë multiplayer është falas dhe ka qenë pjesa më argëtuese e lojës. Ndoshta një pjesë e komunitetit mund të ketë hasur bugs por në fakt në asnjë moment nuk e pamë lojën të jepte ndonje problem që e bënte atë të paluajtshme. Numri i hartave nuk është shumë i lartë por janë vërtetë të bukura. Sigurisht ka disa lloje hartash që jo çdo lojtari do ti pëlqenin që të gjitha dhe mund të bëni dallime mes njëra tjetrës. Armët vërtetë ishin të larmishme por nuk kishte asnjë opsion customize tjetër përveç se skineve. Por ju mund të personalizoni karakterin tuaj me modele të ndryshme trupore si dhe ngjyrat e pjesëve të trupit mund ti vendosni sipas dëshirës.
Diçka që ishte vërtetë acaruese ishte koha time-to-kill. Nëse nuk i lëshoni të gjithë plumbat tek armiku, do tju duhen 2 karikatora të plotë për ti rrëzuar ata. Të paktën me armën fillestare e cila jepet default ne fillim të cdo loje, e lëre pastaj për pistoletat. Kishte edhe nga ato armë të cilat ishin OP sip una e çekiçit gjigand ose energy sword e cila është one shot në të gjitha rastet. Vetëm se ka një numër shumë të kufizuar goditjesh, përndryshe do tju duhet ta karikoni atë me bateri pasi të bjeri në 0%.
Sa i përket 2021, Halo infinite eshte nje nga të paktat lojëra FPS që pati një lançim të suksesshëm. Mund të themi se shumë prej lojtarëve të Call of Duty ose Battlefield lëvizën tek Halo duke qenë se lançimi i këtyre lojërave nuk ishte aspak miqësor sin ë PC ashtu edhe në konsola. Halo infinite përcjell një përvojë të veçantë në stilin action-adventure në campaign si dhe tactical shooter në multiplayer. Grafikat janë përmirësuar goxha por mjediset janë deri diku njëlloj dhe kjo gjë ul kënaqësinë e zbulimit të vëndeve të reja në hartë. Audio ka goxha përputhje me stilin e lojës sin ë luftime ashtu edhe në eksplorim. Nëse doni të riktheheni në kohërat e vjetra të halo por në të njëjtën kohë të shijoni dhe grafikat e reja, Halo Infinite është loja e duhur me të cilën duhet të kaloni disa orë. Është argëtues, të mban të lidhur me rrjedhën e ngjarjeve, combat system është i përkryer dhe mbi të gjitha… një vend i bukur për të kaluar me shokët.