Guilty Gear është një prej serive më të famshëm të Arc System Works e cila qëndron si një ndër lojërat më të mira fighting që prej lancimit të saj të parë para 2 dekadash. Kësaj here seria rikthehen me lojën e tyre më të re të quajtur Guilty Gear -Strive- e cila sjell me vete ndryshime të mëdha.
Si një ndër seritë e para që ka prezantuar mekanika të shumta për lojërat fighting, seria Guilty Gear ka qenë një inspirim për shumë lojëra të këtij zhanri. Dhe së fundmi seria ka sjellë lojën e tyre më të fundit të quajtur Guilty Gear -Strive-.
Loja në fjalë sjell një numër të madhe karakteresh të cilat sjellin larmishëri të madhe ku secili prej tyre ka një histori dhe sigurisht një stil luftimi të veçantë. Ndër karakteret të cilët do të gjeni janë ata kryesorët si Sol Badguy, Faust, Milia Rage dhe karaktere të tjera të cilët janë shfaqur në serinë e mëparshme Guilty Gear Xrd. -Strive- rikthen gjithashtu edhe Anji Mito, një ndër personazhet më spikatur në historisë e Guilty Gear. Gjithashtu do të gjeni edhe shumë karaktere të rinj në historinë e Guilty Gear.
Fatkeqësisht karaktere si Zappa, Kliff, Bridge dhe më shumë nuk do të jenë pjesë e lojës duke na zhgënjyer pak. Por besojmë se karakteret e rinj bëjnë një zëvendësim të denjë deri diku për këto karaktere. Dhe nëse jeni konfuz se çfarë karakteri të zgjidhni ose të nisni lojën, ne iu rekomandojmë Giovanna pasi ka combo të cilat janë goxha argëtuese dhe mësohen lehtë.
Ndryshe nga lojërat e mëparshme, -Strive- sjell një ndryshim të madh kur behët fjala për historinë. Herët e tjera gjatë historisë ju do të përballeshit me personazhe të ndryshëm dhe midis përballjeve do të kishit skena kinematike por kësaj here historia e Guilty Gear -Strive- vjen në formën e një anime e cila përbëhet nga 7 episode. Dhe pjesa më e bukur është se ekzekutohen në engine e lojës duke treguar aspektin grafik të lojës dhe në të njëjtën kohë shpalos bukur ngjarjet e lojës.
Dhe gjithashtu duhet përmendur që për të kuptuar plotësisht historinë duhet të keni njohuri të shumta rreth lore të Guilty Gear. Por nëse jeni një lojtar i interesuar thjesht në pjesën fighting, nuk besojmë se do të keni nevojë të mësoni shumë rreth historisë së lojës.
Kur vjen puna tek betejat 1v1, Guilty Gear si gjithmonë na befason. Dust ka ndryshuar duke iu lejuar që të përdoret për të ekzekutuar lëvizje speciale. Combo tashmë janë bërë më të thjeshta por duke e shtuar dinamikën që loja ofron. Dhe Guilty Gear sjell përsëri veçorinë e saj të veçantë, Roman Cancels, e cila është thjeshtuar gjithashtu dhe iu lejon të kryeni kombinime midis combo tuaja shumë herë më lehtë.
Dhe një veçori e re e shtuar në -Strive- është Wall Break e cila e transporton kundërshtarin në një arenë të re nëse ju arrini të arrini të kryeni disa gjuajte të mira kur kundërshtari është në cep të arenës.
Eksperienca online është tepër e kënaqshme me disa probleme në të. Netcode i Guilty Gear -Strive- është pothuajse perfekt. Për të gjithë ju që nuk e dini çfarë Netcode është, Netcode bën të mundur që kur luani online të keni një eksperiencë më të mirë dhe të mos keni lag ose vonesa kur kryeni combo. Kjo do të thotë që edhe nëse keni probleme me internetin, nuk kemi për të patur probleme kur jeni online.
Por problemi kryesor qëndron tek sistemi i përballjeve online. Aspekti online është i ndarë në dy pjesë: pjesën unranked ku ju mund të përballeni me këdo dhe pjesën ranked e cila është e ndarë në kate.
Në ranked fillimisht ju do të kryeni një fight i cili do t’iu caktoj në një kat në varësi të aftësive tuaja. Ju mund të luftoni në atë kat ku jeni ose të ngjiteni në katet e tjera. Fatkeqësisht, kjo ndonjëherë mund të shfrytëzohet nga lojtarët veteranë të cilët përpiqen të mbledhin pikë duke u përballur me lojtarët e rinj.
Gjithashtu diçka që do ta quanim si downgrade është lobby i cili është një hap pas nga lobby e zakonshëm të mrekullueshëm 3D të Arc System.
Dhe pas çdo fight, ju do të keni akses në seksionin e review ku do t’iu shfaqen statistika të përgjithshme rreth përballjes dhe mundësia për ta bërë replay dhe save. Gjithashtu gjatë replay ju mund të shikoni butonat që keni përdorur gjatë përballjes dhe ta përdorni replay si tutorial ose të kontrolloni gabimet tuaja.
Dhe nëse dëshironi të më shumë rreth combo të ndryshme të cdo karakteri, ne iu sugjerojmë t’i praktikoni ata në training ose në Dojo e cila vjen në formën e disa misioneve dhe iu mëson cdo lëvizje dhe combo hap pas hapi.
Për ta përmbledhur, mund të themi që Guilty Gear -Strive- arrin të sjellë në mënyrën më të mirë të mundshme aspektin e fighting nëpërmjet lëvizjeve dhe combo speciale të çdo karakteri. Historia shpaloset shumë bukur në formën e një anime të cilët keni për ta shijuar goxha. Fatkeqësisht një pjesë e aspekti online ka akoma nevojë për përmirësime por kjo nuk do t’iu pengojë që të shijoni eksperiencën që Guily Gear -Strive- iu sjell.