Game Builder Garage është çuditërisht e komplikuar për një lojë Nintendo. Mund të jetë shpesh e vështirë dhe acaruese, dhe me siguri mund t’iu zhgënjej herë pas here. Kjo e bën Game Builder Garage tepër të veçantë.
Dhe kur bëhet fjalë për t’u dhënë fillestarëve një përmbledhje se si ndërtohet një loje në një mënyrë argëtuese dhe edukative, Game Builder Garage mund të jetë një nga përpjekjet më të mira që mund të gjeni.
Dhe nëse po pyesni veten nga është frymëzuar Game Builder Garage, mund t’iu themi që është një pasardhës i drejtpërdrejtë i lojës së famshme Mario Maker duke eksperimentuar me lojërat Nintendo Labo.
Sidoqoftë, Game Builder Garage ndihet më i përqendruar rreth krijimit sesa të përjetojë punën e të tjerëve. Veçanërisht, nuk ka veçori të integruara të ndarjes ose zbulimit në lojë. Në vend të kësaj, mënyra e vetme për të shkarkuar krijimet e të tjerëve është të gjeni postimet e tyre në Reddit, Twiter etc. Kjo duket një mënyrë mjaft e thjeshtë për të kufizuar dhe për të parandaluar që Nintendo të mbajë përgjegjësi për përmbajtjen e lojërave të të tjerëve.
Në Game Builder Garage nuk do të gjeni asnjë lojë shembull për të luajtur ndryshe nga Mario Maker e cila erdhi me nivele/lojëra të vogla të ndërtuara nga Nintendo Në vend të kësaj, ju do të gjeni shtatë mësime ku secila ka një vështirësi dhe kompleksitet të përshkallëzuar që do të rezultojë në një zhanër dhe lloj të veçantë të lojës.
Ju mësoni duke ndërtuar hap pas hapi, kështu që nëse doni të provoni disa nga lojërat “e gatshme” të Nintendo, do t’iu duhet t’i ndërtoni ato vetë. Me pak fjalë, është si të vendosësh një set Lego, ku ndiqni udhëzimet hap pas hapi, por ngadalë filloni të parashikoni hapat e ardhshëm teksa aftësitë tuaja për të ndërtuar rritet.
Nëse ndiqni udhëzimet pa problem, të shtatë mësimeve bashkë me kuizet ndërvepruese për të kuptuar dhe kontrolluar do të jenë një përmbajtje prej dhjetë orësh. prej kësaj pike mund të filloni të krijoni lojërat tuaja.
Dhe diçka tipike e Nintendo, secilit element të lojës i jepet një karakter i tij. Butoni i rivendosjes është një shpirt i trishtuar që kërkon vazhdimisht një përfundim, ndërsa butonat e veprimit kërcejnë. Në vend që të mësoni dhe shkruani kodim, gjithçka ka të bëjë me lidhjet midis këtyre “karaktereve” të ndryshëm, të cilët në lojë do t’i njihni si Nodon.
Çdo Nodon mund t’i bashkëngjitet të tjerëve duke formuar një rrjetë ndërveprimesh ndërmjet tyre. Në fillim mund t’iu duket pak lëmsh por pas një kohe ju thjesht do të nisni ta kuptoni tamam.
Ajo që mund të arrihet me këto mjete në Game Builder Garage është goxha mbresëlënëse; platforms 2D, lojëra garash 3D dhe madje edhe platforms të plotë 3D. Në të do të gjeni edhe mjete për teksturë të cilat iu lejojnë të krijoni asete të thjeshta ose të detajuara.
Game Builder Garage duket se dëshiron të tregojë se si është që të bësh një lojë, por në një mënyrë më të thjeshtë dhe goxha më pak të komplikuar. Ndonjëherë është goxha sfiduese deri në atë pikë sa mund t’iu shkaktoj dhimbje koke. Por pasi i kushtoni kohën dhe punën e duhur, mund të krijoni diçka interesante duke e bërë punën tuaj goxha shpërblyese.