Në botën reale, stadiumet e Premier League nuk kanë tifozë falë pandemisë momentale. Në FIFA 21, të njëjtat stadiume janë të mbushura plot, të mbushura me të njëjtat turma të animuara, të shëmtuara, që janë bërë pjesë e FIFA për më shumë se gjysmë dekade. Ne nuk jemi të sigurt se kush është më keq, veçanërisht kur këta tifozë virtualë kanë krijuar një zakon të keq për të përsëritur të njëjtin brohoritje të bazuar në klub pa pushim, pavarësisht se si po shkon ndeshja.
Ajo që ne jemi duke u përpjekur të themi është se në sipërfaqe, FIFA 21 ndihet si një update i FIFA 20, dhe jo si një lojë më vete. Veçanërisht në një nivel grafik, do ta keni të vështirë për të gjetur ndonjë përmirësim të dukshëm. Sigurisht, ndriçimi duket pak më mirë nganjëherë në kënde të caktuara, dhe disa animacione shtesë kanë bërë që përplasjet e lojtarëve të duken pak më reale, por përveç kësaj, kjo është FIFA 20, dhe seria me të vërtetë ka filluar të mbetet prapa lojërave të tjera sportive, si NBA 2K21 për shembull, kur bëhet fjalë për pamjet vizuale. Shpresojmë që versioni i next-gen të jetë një përmirësim nga ky aspekt.
Për fat të mirë, ndryshimet dhe shtesat e gameplay nga EA performojnë mire dhe janë mëse të dukshme. Ndryshimi më i madh për gameplay-in është se jemi kthyer në lojërat me rezultate të çmendura të mbushura me gola dhe situata kaotike. Nuk është se mbrojtja është bërë më e vështirë, thjesht lojtarët sulmues duket se janë tepër më të shpejtë dhe dominues. Lojtarë si Salah mund të dalin nga përballjet me mbrojtësat shumë më lehtë sesa në FIFA 20, i cili, në kombinim me disa pasime të sakta, rezulton në shumë gola.
Përfundimi është se FIFA ndihet edhe më stil arcade këtë vit dhe nuk ka asnjë lidhje me një simulim të lojës së futbollit. Mbajtja e portës së paprekur kërkon një përqendrim serioz ndërsa përpiqesh të markosh lojtarët kundërshtarë që thjesht duken më të shpejtë në çdo aspekt se të tutë. Por hej, nuk mund të mohohet që FIFA 21 sjell plot drama.
Ndeshjet janë emocionuese dhe kanë tendencë të jenë plot me gola të denjë për t’ia parë replay-in. Nëse qëllimi i EA ishte ta bënte FIFA më shumë si FIFA dhe më pak si futbollin aktual, atëherë pa dyshim që ia ka arritur sukses. Por prapë, duke menduar rezultatet gjithnjë e më qesharake të futbollit pas pezullimit prej pandemisë, mund të thoni se FIFA 21 është jashtëzakonisht reale.
Një tjetër shtesë e re për t’u marrë parasysh kur vrapon në krah është aftësia për t’u treguar shokëve tuaj të skuadrës se kur të bëjnë vrapime drejt zonës. Të emërtuara si creative runs, një lëvizje e analogut të djathtë mund ta ndihmojë një shok të skuadrës të gjejë hapësirë ndërsa përpiqeni t’i bëni një pas që mbrojtja nuk e ndalon dot. Vetë mekanika kërkon pak kohë për tu mësuar, por është e qartë se creative runs mund të jenë një mjet shumë i fuqishëm kur përdoren si duhet. Nga njëra anë, është mirë të mos kesh suport të AI për të bërë vrapime që mund të ndryshojnë lojën. Nga ana tjetër, gjithçka kthehet te gola, gola dhe më shumë gola.
Por vendimi për ta bërë lojën sulmuese më efektive ka përfitime jashtë shënimit të kaq shumë golave. Për shembull, theksimi në atë që EA e quan ‘agile dribbling’ do të thotë që kontrolli i lojtarëve në përgjithësi ndihet më i përgjegjshëm. Kjo është ndoshta më e dukshme në mesfushë, ku ju duket vetja si prime Fabregas teksa krijoni hapësirë vetëm me disa pasime të zgjuara. Përkundër disa fizikave të dyshimta të topit , FIFA 21 ndihet mirë për t’u luajtur, dhe procesi i krijimit të një sulmi duke kaluar një ose dy mbrojtës është mëse i dobishëm se kurrë.
Tani, le të flasim për mode-et e ndryshme të lojës. Si fillim, career mode më në fund i është dhënë një rregullim. Shumë larg nga katastrofa që ishte career mode e FIFA 20 në fillimin e saj, oferta e këtij viti në fakt duket më solide. Për shembull, në vend që thjesht të zgjidhni të simuloni një ndeshje pa kuptuar se çfarë ndodh në të, opsioni i ri ‘interactive match sim’ ju lejon të shikoni lojërat tuaja të zhvillohen në një hartë taktike. Dhe kur ndieni nevojën për të ndërhyrë, thjesht ‘futeni’ në lojë vetë, duke marrë kontrollin e lojtarëve tuaj siç do të bënit në çdo modalitet tjetër. Është një veçori e mirë-menduar që kapërcen boshllëkun midis simulimit të një ndeshjeje dhe në të vërtetë luajtjen e saj, kështu që bravo EA Sports për këtë risi të shtuar.
Për më tepër, menaxhimi i skuadrës është modernizuar për mirë. Trajnimi tani mund të kryhet në grupe, që do të thotë që ju nuk duhet të kaloni nëpër procesin e mundimshëm të caktimit të lojtarëve individualë në rutina specifike të trajnimit. Është një përshtatje shumë më e mirë për career mode dhe një stat i ri i quajtur ‘match sharpness’ ju jep një ide të përafërt se sa me ndikim do të jetë secili lojtar në ndeshjen tuaj të ardhshme. Në përgjithësi, kur luan si trajner, ndihet sikur FIFA 21 bën një punë shumë më të mirë për të të ushqyer informacion të dobishëm, e gjitha kjo duke u siguruar që ke kontroll më të gjerë dhe më kuptimplotë mbi mënyrën se si skuadra jote po formohet për sezonin e ardhshëm.
Pas kësaj, Volta. Mode-i stil FIFA Street është rikthyer, pasi ju dhe avatari juaj i personalizuar shikoni të rekrutoni talentin më të mirë në botë të futbollit në ekipin tuaj. Volta ishte mjaft e këndshme si një shpërqendrim i përkohshëm në FIFA 20, dhe është pothuajse e njëjta histori këtu. Kalimi nga stadiumet madhështore në arenat e vogla me mure për pak futboll elegant mund të jetë diçka e freskët që shtohet dhe bërja unlock e shumë opsioneve të veshjeve për karakterin tuaj është çuditërisht tërheqëse, por diçka për Voltan ende nuk të jep një ndjesi të mirë. Nëse gameplay i FIFA-s thjesht nuk përkthehet në një sistem pesë kundër pesë, ne nuk e dime, por edhe një herë, Volta përfundon duke qenë thjesht një shpërqendrim momental mëse i harrueshëm.
Dhe e fundit, por sigurisht jo më pak e rëndësishmja, kemi Ultimate Team. Ju e keni parasysh deri më tani pasi ju thamë që nuk është se ka ndonjë super ndryshim nga FIFA 20. Loot boxes, të këqija. Ultimate Team mjaft i mirë. Ashtu si modalitetet e tjera të FIFA 21, këtu janë bërë përmirësime, të tilla si shtimi i co-op me miqtë tuaj. Stadiumi juaj i zgjedhur tani mund të personalizohet në një shkallë mjaft të vogël, me shfaqje trofesh dhe tifo-grupet tuaja të rëndësishme. Shkurt muhabeti, kryesisht janë shtuar disa zbukurime të vogla, por Ultimate Team ngelet ajo e vjetra me të cilën jeni mësuar.
Konkluzioni
Besoj se e keni dëgjuar këtë më parë: FIFA 21 nuk është një update i madh i FIFA 20, por një ngarkesë e vogël përmirësimesh e ndihmojnë atë të ngrihet mbi paraardhësin e saj. Aksioni brenda fushës padyshim që ndihet më jo-real në krahasim me vitet e kaluara, por nuk mund të mohohet ngazëllimi që vjen me luajtjen përmes një loje të çmendur 5-4. FIFA është ende mbreti në ofrimin e një pakete të fuqishme dhe të aksesueshme futbolli, por seria duhet të ketë një përmirësim në next-gen, veçanërisht kur bëhet fjalë për prezantimin e dizajnit.
Për ta blerë lojën në Albagame, mund të vizitoni pikat e tyre të shitjes fizike ose klikoni link-et e mëposhtme për ta blerë digjitalisht:
- Versioni i PS4
- Versioni i Xbox One
- Versioni i PS4 – Champions Edition
- Versioni i Xbox One – Champions Edition
- Versioni i PS4 – Ultimate Edition