fairy-tail-review
Nintendo PC PS4 Reviews

Fairy Tail Review

Mbështesni GameON Albania duke përdorur kodin support-a-creator: GAMEONALBANIA

Fairy Tail erdhi në 2007 si një manga përpara se të kthehej në anime. Të dyja ishin mjaft të suksesshme, dhe edhe pse seria nuk arriti majat që arritën Dragon Ball ose Naruto, ajo ka tani mjaft fansa dhe më shumë se 300 episode. Megjithatë, deri më tani lojërat e Fairy Tail kanë qënë ekskluzivisht në handheld dhe mobile dhe asnjëra prej tyre nuk është publikuar jashtë Japonisë, derisa Koei Tecmo dhe Gust publikuan Fairy Tail në PS4, Switch dhe PC.

Nëse nuk e njihni Fairy Tail, ideja është që Fairy Tail në vetvete është një shoqëri magjistarësh që kryejnë detyra të ndryshme për shpërblime. Personazhet kryesorë janë Natsu dhe Lucy, por seria ka një numër të madh personazhesh, shumë prej të cilëve kanë ardhur në lojë.

Fairy Tail nuk nis nga fillimi, por diku tek episodi 100, në fund të arc-ut Tenrou Island. Kjo i konfuzon shumë lojtarët e rinj që nuk ia kanë idenë Fairy Tail, por shpejt loja kalon në një ndalesë kohore 7-vjeçare ku personazhet janë të ngecur në kohë dhe nga ku lojtarët mund të fillojnë ta kuptojnë historinë. Kur kthehen, ata e gjejnë Fairy Tail të shkatërruar dhe qëllimi është ta rikthejnë shoqërinë në lavdinë e mëparshme, gjë që mund ta bëni në shumë mënyra. Të gjitha shoqëritë janë të rankuara dhe plotësimi i misioneve specifike të ndihmon të ngjitesh në nivel. Disa momente në histori kërkojnë që shoqëria të ketë një nivel të caktuar, por nëse bëni side quests kjo nuk është problem.

Gust janë të njohur kryesisht për serinë Atelier dhe Fairy Tail ngjan shumë si një lojë Atelier me një skin sipër saj dhe me pak më shumë fokus në luftime. Megjithatë, struktura e lojës është në përgjithësi e mirë, por ka edhe probleme. Sistemi i hartës dhe lëvizjes është mjaft i mirë, pasi vendet janë relativisht të vogla dhe ju mund të përdorni hartën për të shkuar tek to. Edhe qyteti kryesor i Magnolia ka pika brenda tij ku mund të shkoni, gjë që është mjaft e mirë. Në anën tjetër, seria Atelier, por edhe Fairy Tail, kanë shumë pak cutscenes. Dialogu në lojë vjen në formën e skenave bazike ku personazhet nuk tregohen. Do të ishte mirë sikur historia e kësaj anime të tregohej në mënyrë më të thelluar.

Loja ka kapituj të cilët ndahen në episode. Secili episod ka quests specifike që duhet t’i plotësoni për të kaluar tek tjetri dhe për të mbyllur kapitullin. Gjithashtu loja ka edhe side quests, të cilat mund të merren nga Request Board. Kur nisni një mision, ju do të shkoni në një vend të caktuar dhe do të plotësoni një detyrë dhe më pas të ktheheni në Fairy Tail. Disa misione kanë detyra specifike, por shumica të kërkojnë thjesht të vrasësh disa kundërshtarë specifik dhe kjo e bën lojën shumë të përsëritur. Fatmirësisht, sistemi i luftimit në Fairy Tail është argëtues.

Fairy Tail ka luftime turn-based, ku ju dhe magjistarët e tjerë luftoni me rradhë ndaj kundërshtarëve. Nëse sulmoni të parët në lojë, ju do të keni një boost në speed kur të futeni në luftime, por ai nuk është se ka shumë impakt. Çdo personazh mund të përdorë magji, por edhe një sulm që kushton 1MP i cili është shumë i dobët. Secili personazh ka magjitë e tij dhe do të marrë më shumë kur të bëhet level up. Betejat janë të vendosura në rrjete ku ju nuk duhet të lëvizni, por magjitë kanë një shtrirje të caktuar dhe ju mund të sulmoni më shumë se nj kundërshtar njëherësh. Megjithatë, disa lëvizje bëjnë më pak dëm kur sulmojnë disa kundërshtar dhe ju duhet ta llogarisni këtë.

Përveç magive që do të përdorni shumicën e kohës, personazhet e Fairy Tail kanë edhe aftësitë të tjera, të cilat mund të përdoren më rrallë. Duke mbushur Fairy Gauge ju mund të aktivizoni Fairy Chain dhe të përdorni të gjithë ekipin tuaj të magjistarëve për të sulmuar. Extreme Magic ju lejon të përdorni ndihmën e personazheve të tjerë si Makarov. Ndërkohë, Awakening Gauge ju lejon të merrni një boost ose ta përdorni pjesërisht për të vazhduar sulmin tuaj.

Fairy Tail ju nisni në grupe me tre magjistarë, por më vonë mund të merrni edhe katër ose pesë magjistarë me vete. Në varësi të misionit ju do të zgjidhni magjistarët më të mirë, ndërkohë që të gjithë magjistarët marrin eksperiencë edhe nëse nuk merren nga ju për një mision. Fakti që ju mund të merrni më shumë magjistarë gjatë lojës gjithashtu ju jep mundësi të eksperimentoni pa hequr magjistarët tuaj kryesorë nga grupi.

Një tjetër aspekt i rëndësishëm i Fairy Tail është rindërtimi i vetë Fairy Tail. Ju mund ta bëni këtë nga Guild Ledger, ku mund të bëni upgrade plotësisht Fairy Tail, përfshirë këtu Item Shop dhe Laboratory. Gjetja e items speciale ju lejon juve t’i përmirësoni edhe më tej këto objekte, për shembull duke shtuar më shumë items në Item Shop. Ju gjithashtu mund t’i rimodeloni ato duke përdorur materiale specifike për secilën prej tyre.

Me Fairy Tail, Gust ka marrë strukturën e serisë së tyre të mirënjohur Atelier dhe e ka sjellë në lojën e re. Kjo sjell që misionet të jenë të përsëritura dhe të lodhshme, por në fund të ditës luftimet janë mjaft argëtuese dhe emocionuese, ndërkohë që historia mbetet mjaft e mirë. Loja i shkon shumë për shtat fansave të serisë, por në përgjithësi mbetet një lojë jo e keqe si e para e kësaj serie në konsola.