Lajm i Fundit PC PS4 PS5 Reviews Xbox One Xbox Series X|S

Dying Light 2 Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Kanë kaluar 5 vite që nga lëshimi i lojës Dying Light e cila ka qenë një sukses i madh në historinë e lojërave Zombie. Prej vitesh kemi pare lojëra te ndryshëm Zombie por kurrë nuk kemi pare një që të jetë kaq argëtuese dhe sfiduese si kjo. Dying Light 2 është një lojë që mbështet shumë lëvizjet parkour të cilat janë bërë shumë në mod kohët e fundit në komunitetin e gaming. Adrenaline, shpejtësi dhe efikasitet. Këto janë 3 gjerat qe e bëjnë kaq te bukur dhe interesante.

Kërcime te larta nga ndërtesa në ndërtesë, lëvizje te shpejta dhe plot stil, parashuta, prerje kokash ne dyluftim etj., nëse jeni duke kërkuar një loje te tillë Dying Light 2 është perfekte. Një lojë jo vetëm horror dhe plot mister, por dhe një loje që fal shume adrenaline dhe kënaqësi në gameplay. Nuk është vetëm gameplay qe e bën këtë loje kaq të bukur, janë dhe grafikat e mrekullueshme qe ka dhe gjithashtu dizenjimi i hartës. Mos u bëni merak, ne do tu tregojmë çdo gjë rreth lojës dhe pse jo ,t’ju japim ca momente te bukura plot aksion dhe parkour.

Si fillim para se ti futemi gjerave me detaje, do te donim tu shpjegonim se kush është historia e lojës dhe si ka nisur e gjithë kjo epokë plot zombie.

Mirë se vini në qytetin europian të Villedorit, një rrëmujë e madhe ndërtesash të prishura dhe të shkatërruara me një numër të madh zombish që vërshojnë nëpër rrugë dhe cepat e qytetit. Aiden, një dashamirës që udhëtonte (i quajtur pilgrim), është në kërkim të motrës e quajtur Mia, te cilën e ka humbur prej kohësh. Shpesh here do shohim kujtime të së kaluarës që tregojnë se ata ishin viktima të eksperimenteve mjekësore si fëmijë përpara se të ndaheshin.

Pas zbulimit të një vaksine për virusin origjinal të zombive, shkencëtarët vazhduan të ngatërroheshin derisa ia dolën dhe lëshuan një version edhe më vdekjeprurës të sëmundjes në botë. Një shkencëtar i quajtur Waltz, mund të mbajë çelësin për të gjetur motrën e tij të humbur prej kohësh dhe për të marrë hak për vuajtjet qe ai i ka shkaktuar atyre.

Për të gjetur Waltz-in, Aiden duhet të kënaq vendasit, të cilët janë mosbesues ndaj të huajve dhe japin informacion vetëm në këmbim të favoreve te tyre. Ka dy grupe kryesore në Villedor – Survivors, një klan i rreptë por i përzemërt që ndërton ferma të vogla dhe zona të sigurta në çati, dhe Peacekeepers, të cilët vishen me veshje blu luftarake dhe veprojnë si policët e apokalipsit. Kur Aiden mbërrin, të dy grupet janë në mosmarrëveshje për shkak të vrasjes së pazbuluar së fundmi të një komandanti të Peacekeepers, dhe nuk kalon shumë kohë përpara se dëshira e madhe e Aiden për të ndihmuar e bën atë të futet me në thellësi te dramës midis grupeve.

Le te futemi pak me shume në detaje dhe të shohim se si janë mekanikat e lojës. Siç e thamë dhe me sipër loja mbështet shume lëvizjet parkour. Këto lëvizje janë çelësi suksesit ne këtë loje. Të jesh në gjendje të kërcesh nga një ndërtes në tjetrën, të ngjitesh në ndërtesa të larta, të kesh lëvizje plot stil etj., të bën që ta shijosh lojën më shumë. Fatmirësisht harta është goxha e madhe dhe ka goxha gjëra për të bërë në të. Por bëni shumë kujdes sepse Dying Light 2 në krahasim me Dying light 1 ka diçka extra që ndoshta do ju stresoj goxha gjatë lojës. Dhe ajo është Stamina.

Që ju te jeni ne gjendje te ngjisni ndërtesa dhe te bëni lëvizje të tjera, duhet të rrisni sa më shumë staminën pasi në fillim të lojës do ju mbarojë goxha shpejt, duke e bërë lojën sa më të vështirë. Ju mund ta rrisni staminen shumë lehtë duke lëvizur nëpër hartë dhe byzylyku do ju flasë dhe do ju tregoj qe keni një kuti afër jush e cila përmban shiringa te veçanta qe ju bën te rezistoni më gjatë. Persa i përket dyluftimit, më shumë do përdorni goditjen me dy këmbë duke shtyre kundërshtarin nga ndërtesa ose duke e përplasur atë mbas murit. Ka shume armë të ndryshme qe mund të përdorni gjate lojës për tu përballur me zombies dhe me banditët.

Por ajo që është me e rëndësishëm është hapja e aftësive te reja. Ka dy grupe aftësish qe ju mund te përmirësoni, fuqia dhe shpejtësia. Për te marrë sa më shume experienc ne fuqi, ju duhet te luftoni me bandit ose te vrisni sa me shume zombie. Për te marrë sa me shume experiencë në shpejtësi, ju duhet te vraponi sa me shume dhe te përdorni lëvizje parkour. Menuja e aftësive është goxha e madhe dhe kërkon goxha kohe qe ti mësosh si aftësi dhe te bëhen level up.

Nëse keni dëshirë te merrni sa me shume experiencë, ju këshillojmë qe te dilni dhe te bëni grind sa më shumë gjate natës. Por bëni shumë kujdes sepse ka goxha krijesa qe janë shumë të rrezikshme dhe nuk mund ti luftoni dot pa pasur pajisjet e duhura. Me pak fjale vraponi sa më shume qe te arrini në një zonë ku të jeni të sigurt. Gjithashtu keni dhe një menu ku mund të bëni craft pajisje te ndryshme si dhe te bëni upgrade armët tuaj.

Sa për zombies, unë nuk i kam përmendur shumë ato sepse, vërtet, ata janë pak të mërzitshëm dhe luftimi i tyre nuk është aq argëtues sa përleshja me njerëzit e gjallë. Disa zombie rrëzohen ngadalë, disa grumbullohen shpejt, dhe ka zombi me aftësi te veçanta, si Screamers që tërheqin turma, ka nga ata qe pështyjnë nga larg , shpërthyes, etj etj. Gjatë ditës ata rrallë ndihen si një kërcënim i madh, por nata ndryshon gjithçka.

Kur bie nata, qyteti bëhet tepër i rrezikshëm pasi të gjithë zombitë që shmangin dritën e diellit fillojne dhe dalin më shumë gjatë natës, shumë më të shëmtuar dhe më të shpejt se ata qe dalin gjatë ditës. Por nata do të thotë gjithashtu se ambientet e brendshme të ndërtesave janë më të lehta për t’u exploruar pasi shumica e tyre janë jashtë. Aktivitetet e natës ju shpërblejnë me më shumë grabitje dhe rritje të XP-së, kështu që është një perspektivë e vërtetë rreziku kundër shpërblimit. Është gjithashtu një mënyrë fantastike për të shtuar tensionin.

Duke kapërcyer zombies në gjumë, të cilët mund të zgjohen në çdo moment ose duke u hedhur nëpër çati, duke shpresuar se nuk do të bëni zhurmë dhe për të alarmuar turmën. Dhe të mbarosh një mision të gjatë dhe të kuptosh se nata pothuajse ka rënë është një moment vërtetë dëshpërues, pasi të bën që të vraponi si të çmendur drejt një zone të sigurt ndërsa këmbanat paralajmëruese bien në të gjithë qytetin dhe ulërimat e të vdekurve fillojnë të dëgjohen nëpër Villedor.

Përpara lëshimit, zhvilluesi Techland tha se Dying Light 2 do t’i kërkonte lojtarëve 500 orë për të përfunduar plotësisht, jo vetëm main story quests, por side quests, sfidat, aktivitetet, sekretet, etj. Dying Light 2 është një lojë e madhe. Qyteti është thjesht masiv, i mbushur me aktivitete dhe takime të rastësishme, përleshje në çati dhe sfida të tjera parkour por për të kaluar në një zonë të vetme kërkon një kohë të gjatë. Villedor është edhe më i madh, sepse ka rajone që shtrihen jashtë kufijve. Pasi mbaruam lojën, vrapuam përgjatë skajit të një lagjeje dhe zbuluam se ishte një pjesë e tërë e qytetit nën-ujë që as e dija se ekzistonte.