Tre vjet më parë, DiRT 4 u lançua si një simulator racing. Duket se Codemasters hartuan një plan tjetër për serinë e tyre të lojërave pas DiRT 4, pasi DiRT Rally 2.0 i vitit 2019 shpejt zuri vendin e parë për lojërat rally racing. Tani, DIRT 5 heq qafe hiperrealizmin dhe dëshirën për të qenë një simulator, në favor të një loje racing off-road, të prezantuar mjaft mirë. Por a është kjo një lojë një që i bën të gjitha nga pak dhe në fund nuk na sjell asgjë? Apo Codemasters kanë mësuar mjaft nga të gjitha lojërat e tyre të kaluara për t’i bashkuar të gjitha në DiRT 5? Le ta shohim në review-n tonë!
Libri nuk gjykohet nga kopertina dhe askund nuk është kjo më e dukshme sesa në DIRT 5. Loja mund të duket sikur është menduar për fansat e rastësishëm që duan të luajnë një lojë racing një herë në kaq kohë, por Codemasters ka shumë eksperiencë zhvillimi në zhanrin e racing. DiRT 5 është një lojë me pamje të shkëlqyeshme dhe pa dyshim që do të duket shumë më mirë nëse flasim për konsolat e gjeneratës së ardhshme, edhe pse ne e luajtëm në PC. Me një fokus në grafikë, DIRT 5 duket fantastike, ndërsa me një përqendrim në shpejtësinë e frames per second, loja nuk është aspak e dobët dhe sjell një përvojë vazhdimisht të kënaqshme.
Diçka që DiRT 5 bën shumë mirë dhe që është mjaft e pranishme në këto lojëra, është audio design, dhe kjo lojë ka sjellë shumicën e zhurmave mbresëlënëse që janë pjesë e serive DiRT, me riprodhime të mira të të gjitha rrotullimeve, borive dhe kërcitjeve të automjeteve të ndryshme të disponueshme që keni.
Kolona zanore është një përzierje rock dhe punk, e cila përshtatet mirë me rrjedhën e pjesës tjetër të lojës. Një podcast i rremë u krijua gjithashtu për të treguar historinë e campaign-it, e cila përfshin një rivalitet midis personazheve Alex “AJ” Janiček dhe Bruno Durand, të shprehur përkatësisht nga Troy Baker dhe Nolan North. Pjesa tjetër e podcast-it drejtohet nga njerëz të jetës realë, si James Pumphrey dhe Nolan Sykes, dhe ndërsa përmban shaka të hajrit… le të themi, e gjithë shfaqja është pak cringe të themi të drejtën.
Disa nga sekuencat luhen për më shumë seç duhet, por është e aftë të tregojë atë që ekziston në campaign. Është e gjithë gjëja plotësisht dytësore ndaj garave, dhe mund të kapërcehet lehtësisht duke filluar thjesht një event. Në fund të ditës, podcast-i është një përpjekje shtesë e bërë për tu përfshirë në campaign dhe për ta dalluar atë nga pjesa tjetër e lojrave racing që ekzistojnë, dhe siguron një farë vlere shtesë argëtuese, e cila nuk është diçka e keqe.
Career mode është ngjarja kryesore në DiRT 5 dhe përmban një paraqitje të thjeshtë të eventeve të bazuara në rrjet. Ndërsa ka gara rally, ato janë padyshim më rastësore sesa ato që gjenden në DiRT 4. Garat përfshijnë makina që përplasen, humbin pjesë dhe bëhen të qelbura. Ndihet pak si Motorstorm, pa goditjet të ekzagjeruara ose mekanikë Arcade të menaxhimit të nxehtësisë së motorit.
Në të vërtetë, të gjitha dëmtimet janë thjesht kozmetike, dhe ju mund të avanconi përtej vijës së finishit me një parakolp të rrëzuar, dyer që mungojnë dhe dëmtime të tjera pa asnjë problem. Çdo event përfshin objektivat që lojtari mund të përpiqet të kryejë gjatë garës, të tilla si drifting teksa parakaloni, qëndrimi në vendin e parë për të paktën 10 sekonda, etj.
Pas luajtjes së secilit lloj eventi, lojtarët mund të shpenzojnë disa nga paratë e fituara në lojë për të ndryshuar ato objektiva apo edhe llojet e eventeve në mënyrë të rastësishme, për shumicën e eventeve. Sapo disa ngjarje të kompletohen, eventet speciale të Throwdown e vënë lojtarin kundër një kundërshtari veçanërisht të ashpër për shpërblime shtesë.
Lojtari sponsorizohet gjithashtu nga brands të jetës reale si AMD, Codemasters, Michelin dhe më shumë, të cilat paguajnë nivele të ndryshme parash, tekstura për automjete, si dhe stickers, sfonde, efekte për kartat e profilit të lojtarit. Performanca edhe në mënyrë “modeste” le të themi në një event rezulton në plot items që bëhen unlock. Është një mënyrë tërheqëse për t’i mbajtur lojtarët të kthehen vetëm për një event tjetër në kërkim të të bërit unlock të të gjitha gjërave.
Një aspekt tjetër i rëndësishëm i kësaj loje, është user-generated content ose përmbajtja e krijuar nga ju. Punimet e personalizuara janë të lehta për tu krijuar për automjetet, ku punët e bojës me porosi, teksturat, dizajnet e ndryshme dhe ngjitësit e sponsorave mund të zbatohen në shumë shtresa për të krijuar një pamje të personalizuar për çdo makinë. Përtej kësaj, një mode i ri i Playgrounds lejon lojtarët të krijojnë arena të personalizuara duke përdorur rampa, platforma, loops dhe objekte të tjera në tre vende të ndryshme. Ekzistojnë gjithashtu tre mode-e të ndryshme loje për të ndërtuar këto arena për: garat Gate Crasher, Gymkhana ose Smash Attack. Pjesët e pistave vendosen në një rrjet, dhe shumica e pjesëve mbërthehen së bashku me njëra-tjetrën pasi të vendosen mjaft afër. Krijuesi është i lehtë për tu kuptuar, dhe pa dyshim që shumë arena krijuese do të krijohen nga komuniteti me pak kohë.
Multiplayer online nuk ishte i disponueshëm gjatë kohës sonë të kaluar me DIRT 5 para lëshimit të lojës, por jemi të sigurtë që performonte po aq mirë sa dhe modalitetet e tjera të lojës, presim të na e thoni ju si duket.
Konkluzioni
DiRT 5 është loja argëtuese në familjen DiRT tani, kjo është loja racing që ju nisni kur doni të kaloni një kohë mjaft relaksuese pa u investuar shumë në lojë. Është qesharake, gjë që është mjaft ndryshe kur ke parasysh seriozitetin që vinte me DiRT 4. Kjo lojë sjell një stil goxha origjinal që përmban një campaign të përbërë nga mbi 130 evente, një krijues premtues i arenave që duhet të sigurojë orë të panumërta të përmbajtjes së gjeneruar nga përdoruesit dhe po ashtu keni dhe local split screen nëse doni ta luani këtë lojë në konsola; të gjithë këta elementë i shtohen një loje argëtuese racing që nuk e merr veten shumë seriozisht dhe ka të bëjë më shumë me argëtimin e personit të cilin po e luan, gjë që nuk mund ta themi për shumë lojëra në ditët e sotme. Pra për të gjithë ju që doni super realizëm absolut dhe seriozitet në një lojë racing, DiRT Rally 2.0 është ende loja juaj. Për të gjithë të tjerët, DiRT 5 është zgjedhja absolute.