Zhvilluar dhe publikuar nga Blizzard Entertainment, Diablo Immortal është loja më e ri në serinë e Diablo dhe ofron një përzierje të veçorive të vjetra dhe të reja të serisë. Ndërsa historia përparon dhe personazhet ngrihen në nivel, aktivitete dhe zona të reja hapen dhe bëhet të disponueshme për lojtarët. Për shembull, eventet si Ancient Arena në Diablo Immortal janë të arritshme vetëm pasi të keni arritur nivelin 60 dhe të keni përfunduar historinë kryesor. Ndërsa disa veçori duhet të zhbllokohen, loja iu ofron misione dhe aktivitete të tjera për t’u përfunduar sapo të fillojë loja duke rezultuar në shumë larmi herët.
Loja më e fundit e Blizzard mbush hendekun e historisë midis Diablo 2 dhe Diablo 3. Historia sillet rreth Worldstone që u shkatërrua në fund të lojës së dytë, si dhe ngritja e një antagonisti të ri, Skarn i cili është Lord of Damnation. Pjesët e Worldstone gjenden nga grupe të këqija të cilat duan ta përdorin për qëllime të këqija kështu që është detyra juaj t’i gjurmoni dhe shkatërroni në mënyrë që të ndaloni planet e Skarn për dominim. Armiq dhe aleatë të Skarn do të zbulohen teksa mblidhni copat e Worldstone.
Ka gjashtë kategori karakteresh që mund të zgjidhni: Monk, Barbar, Necromancer, Wizard, Demon Hunter dhe Crusader. Çdo klasë ka aftësi unike që zhbllokohen ndërsa personazhi arrin nivele më të larta, duke arritur përfundimisht në 60. Zgjedhja e një karakteri do të varet kryesisht nga stili i lojës që doni të bëni ose çfarë synoni të arrini. Për shembull, Wizard iu ofron mundësinë të gjuani armiqtë nga largësia me magji, ndërsa Crusader në Diablo Immortal është një klasë goxha hibride për përballjet nga afër. Pas zgjedhjes dhe personalizimit të një karakteri, ju do të mësoni informacionet dhe gjërat bazike të lojës. Gjatë gjithë lojës, informacione dhe këshilla të reja do të shfaqen ndërsa funksione të ndryshme bëhen të disponueshme.
Gjatë përfundimit të historisë kryesore dhe aktiviteteve të tjera, ju mund të blini pajisje më të mira për të rritur nivelin e fuqisë së një personazhi. Një nivel i lartë i fuqisë është i nevojshëm për të zhbllokuar zona të reja, për të mbijetuar në vështirësi më të larta dhe për të marrë pjesë në Raids. Pajisjet e reja mund të merren lehtësisht në fillimin e Diablo Immortal, por bëhet gjithnjë e më e vështirë me arritjen e niveleve më të larta. Në fazat e mëvonshme të lojës, grinding është një domosdoshmëri për të avancuar më tej. Arritja e niveleve të larta në Paragon dhe marrja e pajisjeve më të mira kërkon shumë kohë dhe përfundimisht bëhet jashtëzakonisht e lodhshme, veçanërisht kur nuk shpenzoni goxha para në të.
Një nga problemet me lojën e fundit të Diablo është prania e lag, crashes dhe shpeshtësia e rasteve kur bëheni disconnect në mënyrë të vazhdueshme. Kjo çështje është veçanërisht e dukshme në zonat e mbushura me shumë lojtarë. Për shembull, pjesëmarrja në një nga eventet e Diablo Immortal ku nuk ka kufi se sa lojtarë mund të bashkohen dhe kjo mund të shkaktojë shumë gabime dhe madje mund ta prishë lojën. Restart i vazhdueshëm i lojës e bën shumë më të vështirë grinding për XP dhe pajisjet më të mira. Për më tepër, këto probleme mund të çojnë potencialisht në pengimin e avancimit në Challenge Rifts dhe Elder Rifts.
Fatkeqësisht, është e lehtë të ngecesh shpejt prapa nëse mikrotransaksionet nuk përdoren për të marrë currency dhe resurse në Diablo Immortal që përndryshe janë të vështira ose të pamundura për t’u mbledhur në free-to-play. Është e mundur ta luash lojën plotësisht falas, por disa mund ta kenë të vështirë të përmirësojnë karakteret e tyre pa paguar për resurse ose pajisje më të mira dhe të vlefshme. Karakteristikat si War Fractions janë pothuajse të kota për lojtarët që nuk shpenzojnë para. Vetëm personazhet dhe klanet më të forta marrin pjesë në War Fractions PvP dhe arritja e vendeve të larta pa paguar duket goxha e pamundur.
Pavarësisht problemeve të dukshme dhe vështirësive me arritjen e nivele të larta të karaktereve, Diablo Immortal është ende një lojë e kënaqshme dhe ofron shumë opsione për grind në pajisje dhe XP. Dungeons, eventet, luftimet PvP dhe shumë aktivitete të tjera e bëjnë këtë lojë të re argëtues dhe interesant për lojtarët që nuk janë të fokusuar në anën kompetitive të lojës. Sigurisht, problematikat kryesore nuk mund t’i injorojmë sidomos për faktin që kërkon shpenzimin e parave për të arritur një nivel më të lartë lehtësisht dhe duke iu dhënë një avantazh goxha të madh. Diablo Immortal mund të jetë akoma argëtues, por ka disa të meta të pamohueshme që e dëmtojnë goxha përvojën në të.
Diablo Immortal mund të luhet tashmë në pajisjet mobile si Android dhe iOS dhe PC.