Death Stranding është një lojë që doli në Nëntor të vitit 2019 dhe pothuajse dy vjet më vonë që nga lançimi i saj, ne marrim Director’s Cut, dhe ne kemi qenë duke luajtur lojën gjatë javës së fundit të siguruar nga Albagame të cilët ne i falenderojmë.
Si fillim, nëse jeni dikush që provuat Death Stranding dhe thjesht nuk ishte për ju, Director’s Cut nuk do t’ju ndryshojë mendje. Kjo është në thelb e njëjta lojë. Ka disa shtesa të lezetshme. Gjërat që krijojnë një përvojë të përgjithshme më të mirë dhe unë do të futem në detaje shumë shpejt, por për ata që nuk e dinë se çfarë është kjo lojë… Ju luani një postier në një Amerikë post-apokaliptike infrastruktura e së cilës është shkatërruar dhe lidhjet janë ndërprerë pas fenomenit të Death Stranding.
Diçka që bëri që bota e të gjallëve dhe të vdekurve të bashkohen me njëra-tjetrën, duke rezultuar në të gjitha llojet e fenomeneve mbinatyrore me të cilat bota tani duhet të përballet, dhe postierët janë një pjesë thelbësore e kësaj situate pasi bota tani është shkëputur për shkak të prishjes së infrastrukturës dhe e gjithë ideja pas kësaj loje është që ju duhet të rindërtoni infrastrukturën e botës, në mënyrë që dërgesat të bëhen lehtësisht.
Kur të filloni do të jeni në këmbë dhe faza fillestare e lojës është ajo që mund të largojë shumë njerëz nga kjo lojë, pasi është në fakt disi e lodhshme, por ndërsa loja progreson, ndërsa përfundoni më shumë dërgesa dhe bashkoni më shumë rajone të Amerikës në rrjet në udhëtimin tuaj nga Lindja në Perëndim, ju do të bëni unlock automjetet, pajisjet, mjetet, armët, materialet të ndryshme, strukturat e vendosura dhe gjithashtu do të rindërtoni rrugët kryesore që do ta bëjnë lëvizjen në botë më të shpejtë dhe kapërcimin e sfidave e kërcënimeve më të lehtë.
Por ju nuk po rindërtoni infrastrukturën e botës vetëm. Nuk është një detyrë që e bëni vetë, po e bëni me lojtarë të tjerë të cilët kanë luajtur në të njëjtin mjedis. Pra, ju do të keni mundësi të gjeni punime dhe struktura gati nga lojtarët e tjerë, kështu që nuk keni pse shpikni rrotën pak a shumë.
Tani ka aksion në Death Stranding, por ky nuk është fokusi kryesor. Por në përgjithësi, për mua kjo ndihet më shumë si një përvojë ndërtuese komunale me elementë aksioni në krah sesa një lojë që fokusohet në lojën aksion të third-person, si God of War ose Assassin’s Creed. Është një lojë që mund të mos jetë për të gjithë. Ka të bëjë me navigacionin.
Director’s Cut ka të mirat dhe të këqijat e veta, por sigurisht që ka përmirësime dhe shtesa të rëndësishme që e bëjnë atë një lojë dukshëm më të mirë në përgjithësi. Grafikisht, loja dukej shumë mirë në PS4, por në PlayStation 5 ju merrni frame rate dhe rezolucion të lartë dhe me cilësime më të mira grafike.
Stili i artit dhe estetika e gjithçkaje është bindëse, dhe loja duket dhe funksionon edhe më mirë në PlayStation 5. Loading time më e shpejtë do të thotë që fast travel është dukshëm më i shpejtë.
Pastaj kemi dhe haptic feedback! Veçoria e bujshme e PS5 e cila zbatohet mirë në strukturat dhe dridhjet e lojës që përfaqësohen përmes controller-it kur po lëvizim me Sam, i cili është karakteri kryesor.
Tani, normalisht, shumë do të bien dakord që dy episodet e para duken si një tutorial gjigand i stërzgjatur, ku kaloni 10 orë duke marrë informacion mbi lojën, botën, mekanikën etj. Dhe bie dakord me shumë njerëz që do dorëzoheshin me këtë lojë në këtë pikë. Edhe pse ai është një segment i rëndësishëm hyrës, mund të ishte zhvilluar më mirë dhe të ofronte mjete më të dobishme për të mos e bërë aq të mërzitshëm si proçes.
Director’s Cut ndihmon në zbutjen e këtij proçesi në një lloj mënyrash. Një mënyrë shumë e rëndësishme është futja e mjeteve të reja në fillim të lojës, si dhe misioneve si ai i magazinës së braktisur.
Kjo zonë e re e brendshme, ekskluzive për Director’s Cut na dha mazer gun
dhe support exoskeleton. Arma kryesore është një armë non-leathel që elektrizon armiqtë. Ndihet si më e dobëta e armëve të tilla në këtë lojë, por është një armë hyrëse që është mirë ta kesh kur fillon loja.
Ju do të bëni unlock armë dhe exoskeletons shumë më të dobishme më vonë, por këto të dyja shërbejnë si një prezantim i mirë me çfarë ju pret. Gjithashtu gjatë kësaj faze, ju bëni unlock një shtesë tjetër të re, firing range.
Përmirësimi dhe shtimi tjetër erdhi në formën e fast-travel që është bërë unlock. Në episodin e tretë, kishte fast-travel në lojën origjinale, por më parë vendet e fast-travel u paraqitën në formën e një liste, por tani ju në të vërtetë mund të zgjidhni ikonat në një hartë, gjë që është shumë më e dobishme.
Një shtesë e madhe që mund të provoni gjatë episodit 3 është pista e garave. Ju do të keni akses në të duke ofruar materialet e nevojshme të përpunimit për ta ndërtuar atë. Është pak a shumë si target practice. Në vend të kësaj, ju po garoni me veten rreth një piste, dhe qëllimi është që të përfundoni garën në kohën më të shkurtër. Kjo është thjesht diçka tjetër për të bërë kur nuk jeni duke transportuar pako.
Fatkeqësisht, udhëtimi me mjet nuk ka qenë kurrë një nga aspektet më të forta të Death Stranding, funksionon mjaftueshëm për t’iu çuar nga pika A në pikën B, por automjetet mund të ndihen të çuditshme kur është fjala për përplasjen dhe nuk ndihen aq mirë në sensin e drejtimit dhe kontrollit. Vetë pista në mini-lojën është gjithashtu shumë bazike.
Diçka më bindëse është përfshirja e strukturave të reja PCC që janë shtuar në lojë, domethënë Cairo Bridge në episodin 3, si dhe jump ramp dhe cargo catapult në episodin e pestë.
Cairo Bridge ishte një shtesë e mirëpritur. Urat e mëdha janë ende shumë fantastike por ajo është vërtet kompakte dhe e lehtë për t’u krijuar. Është një mendim i mirë nga Kojima Productions të prezantojë një version të urave në shkallë më të vogël.
Sa për jump ramp është një mënyrë fantastike për të kapërcyer shkëmbinjtë dhe boshllëqet kur lundroni me një motor të shpejtë dhe fleksibël. Disavantazhi është se rasti i përdorimit të tyre është i kufizuar vetëm në motoçikleta, kështu që ato nuk do të jenë të dobishme kur jeni në këmbë ose kur jeni duke drejtuar automjete më të mëdha dhe më të ngadalta.
Së fundi, ne kemi cargo catapult e cila ju lejon të ngarkoni ngarkesë mbi të, e cila më pas mund të qëllohet në një distancë të caktuar, dhe ajo ngarkesë do të ulet dhe do të mbahet e sigurt derisa të arrini në destinacion dhe ta merrni.
Pra, këto janë shtesat kryesore të strukturave të vendosshme.
Në krye të gjithçkaje që ishte në lojën origjinale, tani jashtë strukturave të PCC, një mjet i ri në Director’s Cut është Buddy Bot i cili vjen gjithashtu gjatë episodit 5. Është një shoqërues AI tek i cili mund të lehtësoni disa nga ngarkesat tuaja dhe gjithashtu mund ta bëni atë të transportojë automatikisht ngarkesë ose veten tuaj.
Buddy Bot ka tre modes të ndryshme. Follow mode, standby mode dhe delivery mode. Disavantazhi kryesor i Buddy Bot vetë ishte AI i tij. Rruga që AI zgjidhte teksa të ndiqte mund të ishte shumë joefikase dhe të lë pak a shumë duke pritur Buddy Bot për gjysmën e rrugës.
Duke kaluar episodin e pestë, një veçori e re që gjatë episodit 8 ishte personalizimi i BB pods. Aty mund të aplikoni ngjyra dhe modele të ndryshme dhe e di që nuk është ndonjë gjë e madhe, por ka disa nga ju që kënaqen duke i shtuar cosmetics karaktereve të tyre.
Gjithashtu dy gjëra të reja në lojë që ofrohen për të përdorur janë mjetet që lidhen me personalizimin e çantës së shpinës që lejon përmirësime si extra grenade pouches
dhe battery packs për aq kohë sa hapësira e lejon atë.
Në Director’s Cut ata gjithashtu shtuan një nivel të ri për bateritë e Nivelit 3 që janë më të vogla dhe zgjasin më shumë dhe shtuan atë që quhet maneuver unit e cila është kjo pajisje e ngjashme me një jetpack që lejon ulje të kontrolluara nga vendet e larta.
Në përgjithësi mjetet dhe strukturat e reja prezantohen në mënyrë të mirë gjatë gjithë campaign-it. Përmbajtja e re prezantohet në kohën e duhur për të zbutur progresin dhe rrjedhën e lojës pa e bërë atë shumë të lehtë, njëkohësisht duke të dhënë më shumë mundësi dhe fleksibilitet në afrimin e dërgesave për lojtarët me këto struktura të reja që ju japin ide të reja për të rritur efikasitetin e lëvizjes suaj.
E fundit, por jo më pak e rëndësishme për Director’s Cut, pas përfundimit të historisë kryesore, ne e bëmë unlock atë mision të ri që u bë tease në trailerin e Director’s Cut, duke treguar pjesën e brendshme të një fabrike të braktisur.
Është e njëjta fabrikë e braktisur ku shkoni në fillim të lojës për të marrë exoskeleton dhe armën non-leathel, por kësaj rradhe shkoni më shpejt në objekt. Dhe për t’i mbyllur gjërat, një veçori që është shtuar është aftësia për të ri-luajtur bosët që luftoni në këtë lojë. Një veçori që mungonte në lojën origjinale.
Death Stranding Director’s Cut nuk është një rregullim i madh. Është pak a shumë e njëjta lojë, vetëm me disa shtesa interesante. Por nëse ju ka marrë malli për të luajtur Death Stranding, ose nëse jeni i ri në lojë dhe nuk e keni provuar, dhe doni të luani versionin më të mirë të saj, ky është ai version.