darksiders-3-gunfire-games
Reviews

Darksiders 3 Review

Duke i hedhur një sy historisë sfiduese që ka patur krijimi i kësaj loje, fakti që Darksiders 3 është publikuar në treg është e mahnitshme.  Ardhja e THQ Nordic i garantoi studios Gunfire Games një mundësi të fundit për të sjellë seritë e Darksiders përpara audiencës edhe një herë tjetër. Ky instalim i tretë kombinon elementët më të pëlqyera të lojërave të mëparëshme të ndërthurura me paraqitjen fantastike që e ndihmoi të çante rrugën me publikun dhjetë vite më parë.

Historia qëndron paralel me lojërat e tjera. Në Darksiders 3 ju do të luani si një nga kalorësit-Horseman- të apokalipsit, vetëm se këtë rradhë jeni një kalorëse. Fury prezantohet si një figurë rebele e dërguar nga forcat e larta për të eleminuar shtatë mëkatet vdekjeprurëse- Seven Deadly Sins- të cilët kanë ardhur në planetin Tokë.

darksiders-3-gunfire-games

Ajo është si një gur shahu i përdorur për të restauruar balancën mes parajsës dhe ferrit. Gjithsesi gjërat më vonë do të marrin një rrjedhë më ndryshe nga ç’paraqitet në fillim. Historia e Darksiders 3 arrin potencialin e saj të plotë.

Në vetvete si personazh Fury ofron një performacë fantastike dhe energjike, duke vjedhur vëmendjen në çdo skenë ku ajo paraqitet dhe duke jua dhënë edhe ju këtë pjesë të kontrollit. Edhe Seven Deadly Sins që ju duhet të eleminoni vijnë po kaq magjespsës, por ata ikin thuajse në momentin që vijnë dhe nuk ju lënë shumë mundësi për ti njohur nga afër.

darksiders-3-gunfire-games

Natyra e tyre jo konsistente le të themi, është një nga të metat më të mëdha të Darksiders 3. Në vend që të ndërtohej mjedisi dhe të krijohej anticipimi i duhur rreth tyre, ata thjesht vendosen në vendndodhje të rastësishme sikur të ishin armiq të dosidoshëm. Kjo gjë ndjehet përgjatë gjithë procesit të lojës.

Përpara lançimit, Darksiders 3 ishte përshkruar si një lojë totalisht e hapur. Pra supozohej që Seven Deadly Sins mund të mposhteshin sipas rendit të dëshiruar, por kjo nuk ishte shumë e vërtetë, pasi progresi përcaktohet nga aftësitë e veçanta që ju përfitoni pasi mundni bosses. Sidoqoftë ky element nuk është se i prish lezetin lojës.

darksiders-3-gunfire-games

Ndërtesat e rrënuara dhe shpellat janë të mbushura me sekrete që mezi presin të zbulohen. Një pjesë e mirë e tyre madje ju inkurajojnë të riktheheni disa herë me fuqi dhe aftësi më të mira për të zbuluar rrugë dhe shtigje që më parë nuk i kishit aksesuar dot.  Loja të bën të ndjesh një dëshirë për të parë çdo gjë që ajo ka për të ofruar. Është argëtuese për tu ndjekur, ndonëse ndonjherë ndjehet pak e varfër në atë që ka për të ofruar.

Kur e krahason me paraardhëset e saj, Darksiders 3 vjen pak e limituar me mjediset, mbi të gjitha kur e krahason me qëllimin madhor që të është dhënë për të përmbushur. Kjo përkeqësohet edhe më shumë nga disa probleme të pafalshme të performancës në PS4 Pro. Është një problem i përkohshëm, por përsëritet mjaftueshëm sa të të bëhet si shpërqëndrim.

darksiders-3-gunfire-games

Deri në një pikë loja duket se imiton RPG ikonike Dark Souls, pasi një pjesë e mirë e sistemeve në Darksiders 3 vijnë shumë të ngjashme me ktë të fundit. Këto mund të jenë në luftimet e momentit, në eksplorime ose në përdorjen e shpirtrave të armiqve për të upgrade-uar personazhin tuaj. Darksiders 3 padyshim që ka marrë influencë nga Dark Souls.

Akti i dyluftimit nga ana tjetër është mëse i thjeshtë. Ai arrihet me një buton të vetëm, që e bën Fury të tundë kamxhikun në të gjitha llojet e drejtimeve. Ky i fundit praktikisht hedh poshtë të gjithë armiqtë në afërsi të saj. Teksa gjërat progresojnë, ju do të merrni edhe disa armë dytësore. Fire, Thunder dhe Gravity janë disa nga elementët që ju do të merrni me kalimin e kohës. Krahas thjeshtësisë, luftimet janë spektakolare dhe të vijnë shumë natyrshme. Sado që mund të jetë shumë e thjeshtë ndonjëherë, gjëja kryesore është që nuk parashtrohet si një problem, përkundrazi thjesht si një bonus indirekt i lojës. Nëse ju e klasifikoni si problem është gjithmonë mundësia e rritjes së nivelit të vështirësisë.

darksiders-3-gunfire-games

Upgrade-et janë shumë interesante. Ju rrisni nivelin tuaj në sajë të shpirtrave përgjatë lojës dhe nëse shpëtoni njerëz që gjenden nëpër qytet, do të merrni upgrade speciale dhe shumë të leverdisshme.

Të gjitha sistemet e sipërpërmendura vihen në linjë me njëra-tjetrën, por kurrë nuk arrihet niveli maksimal që pritet të shikohet nga një RPG kaq e anticipuar. Darksiders 3 vjen deri diku si e papërfunduar në sytë e publikut dhe kjo përbën një nga problemet kyçe të saj. Edhe madhështia e Fury vihet në dyshim. Heroina jonë është mjaft delikate dhe mund të kapet në befasi dhe të vritet për punë sekondash, nëse nuk tregoheni të kujdesshëm.

Konkluzion

Gunfire Games ka bërë më të mirën e mundshme dhe në disa momente ia del ta bëjë Darksiders 3 një parardhëse të denjë për lojërat e mëparëshme të saj. Luftimi është i këndshëm e argëtues dhe eksplorimi ka nuancat e duhura për të qëndruar intrigues dhe interesant. Gjithsesi problemet qesharake të performancës dhe historia e parashikueshme e bëjnë lojën të përshkruhet si një projekt jo i plotë. Nëse jeni fansa të mëdhenj të serive , padyshim që duhet ti jepni një mundësi. Nëse thjesht po kërkoni për një RPG të linjave të tilla, tregu ka projekte edhe më të mira për të ofruar.