Big Brain Academy Brain vs Brain
Gaming Lajm i Fundit Nintendo Reviews

Big Brain Academy: Brain Vs. Brain Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Big Brain Academy: Brain vs. Brain është një lojë puzzle party e zhvilluar dhe publikuar nga Nintendo. Loja përdor mini-lojëra të ndryshme bazë si ushtrime për trurin, duke u ofruar lojtarëve mundësinë për të provuar se cili prej tyre është më i zgjuar dhe më i shpejtë nëpërmjet një loje ndryshe në këtë zhanër dhe e përshtatur goxha mirë në Nintendo Switch.

Big Brain Academy: Brain vs. Brain përbëhet nga 20 mini-lojëra që ndahen në pesë kategori: Analyze, Compute, Identify, Memorize, and Visualize. Këto mini-lojëra mund të luhen vetëm ose me deri në katër lojtarë. Qëllimi në çdo mini-lojë është të përfundoni një detyrë sa më shpejt të jetë e mundur, ose të paktën më shpejt se një kundërshtar në përballjet me shumë lojtarë.

Përfundimi i lojërave do t’i shpërblejë lojtarët me cosmetics dhe fraza të reja që mund t’i përdorni për avatarët e lojtarëve. Gjithashtu avatarët tuaj do të shfaqen në leaderboard online ku mund të krahasoni veten me lojtarët e tjerë në internet.

Big Brain Academy Brain vs Brain

Mini-lojërat në Big Brain Academy: Brain vs. Brain kanë për qëllim të testojnë se sa shpejt një lojtar mund të zgjidhë një problem dhe t’i japë këtij problemi përgjigjen ose zgjidhjen e saktë. Lojërat përfshijnë mini-lojëra të ndryshme si:

Fast Focus ku një imazh shfaqen avash avash dhe lojtari duhet të përpiqet që ta gjej atë sa më shpejt para se të shfaqet plotësisht në ekran,

Flash Memory ku disa numra shfaqen dhe zhduken shumë shpejt në ekran dhe lojtarët duhet t’i vendosin ato në një makinë llogaritëse.

Train Turn ku lojtarëve iu jepet një hartë me një tren në të dhe ata duhet të zgjedhin pjesë të hartës ku mund të ndryshojnë rrugët dhe iu duhet të cojnë trenin në rrugën e duhur

Këto nuk janë të vetmet mini-lojëra pasi do të hasni edhe shumë të tjera. Mund të themi që disa prej mini-lojërave që ofrohen në Big Brain Academy: Brain Vs. Brain janë të mahnitshme dhe argëtuese njëkohësisht duke testuar aftësitë e lojtarëve.

Big Brain Academy Brain vs Brain

Big Brain Academy: Brain vs. Brain funksionon më së miri si një lojë co-op kur luani me të tjerë. Fakti që lojërat bazohen rreth kujtesës dhe zgjidhjes së shpejtë të problemeve matematikore ose të situatave është një ide e shkëlqyer për këtë zhanër.

Ky lloj i lojës vë në konkurrencë lojtarët duke testuar aftësitë e tyre dhe shpesh ku njohuria e mekanikës së lojës është ndihmon në rezultatet përfundimtare.

Big Brain Academy: Brain vs. Brain ka gjithashtu një veçori që lejon secilin lojtarët të zgjedh nivelin e vështirësisë gjatë çdo mini-loje. Kjo është veçanërisht e rëndësishme kur luani me fëmijët ose për ata që nuk janë aq të aftë në video lojëra. Ky shkallëzim i nivelit të vështirësisë krijon një ndjenjë ekuilibri që nuk shfaqet në shumë party games, gjë që e bën Big Brain Academy: Brain vs. Brain një zgjedhje të shkëlqyeshme për të luajtur me familjen dhe për të mos pasur një lojtar që do të dominojë lojën.

Problemi më i madh me Big Brain Academy: Brain vs. Brain është mungesa e një mode për të luajtur me shumë lojtarë online. Loja ka një mode të quajtur Ghost Clash, ku ju luani për të plotësuar lojën më shpejt se dikush tjetër.

Big Brain Academy Brain vs Brain

Mode Ghost Clash nuk ka të njëjtin tension dhe argëtim si një mode online multiplayer por ai shërben për t’iu treguar nivelin e lojtarëve të tjerë online në Big Brain Academy: Brain vs. Brain. Gjithashtu ju mund të gjeni një leaderboard global që bëhet reset çdo muaj, kështu që ata që janë të interesuar për t’u ngjitur në renditje, kanë një arsye për të vazhduar dhe kthyer lojës.

Zhanri i party games dominohen kryesisht nga lojërat si seritë Jackbox, ku lojërat janë më të thjeshta dhe zakonisht “përkeqësohen” nga shakatë dhe referencat ose nga ato si Mario Party, ku fitorja varet nga shanset e lojës.

Big Brain Academy: Brain vs. Brain i largon këto veçori dhe sjell këndvështrimin e vet argëtues për zhanrin, ku zgjuarsia dhe shpejtësia do t’iu sjellin fitoren. Opsionet e ndryshimit të vështirësisë sigurojnë gjithashtu që të ketë një barazi mes lojtarëve të moshave të ndryshme.

Big Brain Academy: Brain vs. Brain është një lojë fantastike co-op multiplayer madje edhe për Nintendo Switch të cilit nuk i kanë munguar ky zhanër edhe pse do të donim që të kishte më shumë mini-lojëra në të. Big Brain Academy: Brain vs. Brain është një shtesë e shkëlqyer për bibliotekën e atyre që duan të luajnë lojëra me miqtë e tyre dhe sidomos nëse miqtë tuaj janë të moshave të ndryshme ose nuk janë fansa të mëdhenj të video lojërave.

Falenderojmë dhe distributorët rajonalë të CD Media të cilët na e mundësuan lojën!!