Edhe pse akoma në fazat e para, Baldur’s Gate 3 na ofron një eksperiencë të mrekullueshme
Loja e tretë e serisë Baldur’s Gate më në fund është rikthyer nga Larian Studio pas një mungese prej afërsisht 20 vitesh dhe kësaj here do ta gjeni veten të bllokuar në një anije interdimensionale ku ju jeni të infektuar me një tadpole të cilin nëse nuk e hiqni sa më shpejt të jetë e mundur, do t’iu kthejë në një përbindësh alien.
Historia nis me një mind flayer i cili iu vendos tadpole dhe që ka si qëllim t’iu kthejë në një përbindësh alien si ai dhe që iu ka burgosur në një anije që mund të udhëtojë nëpër dimensione të ndyshme. Pas kësaj skene iu jepet mundësia për të krijuar personazhin tuaj të cilin mund ta krijoni si të keni dëshirë duke filluar që prej paraqitjes së jashtme dhe deri tek aftësitë dhe passive skills që ai mund të ketë.
Pasi mbaroni së krijuar karakterin tuaj, ju do të ktheheni përsëri në lojë ku do të shihni se anija në të cilën ndodheni fillon të sulmohet dhe ju do t’iu duhet të shpëtoni.
E gjithë kjo hyrje në lojë më la një përshtypje WOW dhe mund të them që deri më tani Larian Studio e ka realizuar tregimin e historisë në një mënyrë ndryshe që iu bën të përfshiheni në botën e Baldur’s Gate. Gjatë fillimit në lojë ju mësoni shumë rreth mekanikave në lojë të cilat janë shumë të ngjashme me atë të Dungeons and Dragons(në fund të fundit ngjarjet janë të vendosura në universin e D&D.)
Loja iu ofron një shumëllojshmëri të madhe armësh, mjetesh dhe magjish. Ju mund të kryeni vrasje të ndryshme duke përdorur gjithashtu edhe mjedisin që iu rrethon. Gjithashtu në varësi të mënyrës që ju keni krijuar personazhin tuaj, ju do të keni gjuajte dhe magji të ndryshme të cilat do t’iu ndihmojnë shumë shumicën e rasteve.
Ju mund të hidhni objekte të ndryshme, të lëvizni në mënyrë të fshehtë, të bëni kërcime të mëdha sa nga një cep në cepin tjetër ose t’i lyeni armët tuaja me acid ose t’i mbuloni me zjarr duke rritur dëmin që ju do të shkaktoni. Të gjitha këto aftësi mund të kthehen në beteja turn-based të cilat iu limitojnë në një lëvizje për raund ose mund t’i kryeni lirshëm nëse jeni duke eksploruar nëpër ketë botë.
Tadpole i cili keni në tru iu jep gjithashtu aftësinë për influencuar personat të cilët hasni gjatë rrugëtimit tuaj me rrezikun e kthimit në një mind flayer. Dhe në varësi të mënyrës se si ju e zhvilloni personazhin tuaj, ju mund ta shfrytëzoni ketë aftësi për t’ia dalë me sukses gjatë misioneve të ndryshme që do të kryeni.
Në përballjet e para, u përballëm me një grup banditësh të cilët tek të cilët arrita të rrëzoja një gur të madh mbi ta. Kjo gjë bëri që në tokë të hapej një vrimë e madhe e cila të lejonte të hyje në dungeon tjetër. Në ketë vend kishte shumë armiq të cilët ishin duke pritur për mua dhe këtu zbuluam se hyrja në ketë dungeon ishte tepër e vështirë. Edhe pse ishte diçka e rastësishme, kjo gjë na bëri të kuptojmë më mirë mënyrën sesi funksionon Baldur’s Gate 3.
Gjithashtu kjo lojë iu ofron të kryeni shumë zgjedhje të ndryshme të cilat kanë pasojat e veta duke e bërë historinë shumë herë më interesante. Një ndër këto ishte sulmimi ose jo i një kampi goblin. Nëse ju e sulmoni ketë kamp, ju do të lironi shumë të burgosur në të por në të njëjtën kohë goblinët do t’iu sulmojnë kudo që t’iu shohin. Nëse ju nuk e sulmoni atëherë ju nuk do të keni asnjë problem me ta por të burgosurit brenda kampit do të inatosen shumë me ju.
Ajo që na bëri përshtypje më së shumti ishin bisedat të cilat kryeje me persona të ndryshëm që kishin një larmishmëri të madhe bisedimesh. Na ndodhi që në një rast njëri prej personazheve me të cilët po udhëtonim na tregoi rreth kërpudhave shpërthyese të cilat do të hasnim rrugës. Kjo gjë na ndihmoi shumë dhe në të njëjtën kohë na bëri të kuptojmë se çdokush na tregon diçka nëpërmjet bisedave duke krijuar rolin e tij në historinë tonë.
Edhe pse mund të ketë rregullat dhe sistemin e D&D, përsëri Baldur’s Gatë iu ofron një lojë moderne RPG me plot skena dhe dialogë të ndryshëm të cilët na fusnin akoma edhe më shumë në ketë botë.
Zhurmat dhe muzika kishin shumë probleme por duhet marrë parasysh që loja është akoma në Early Access.
Edhe pse është akoma në Early Access dhe deri më tani mund të luani vetëm Act I, loja na ofron një stil arti ndryshe e fokusuar plot me sisteme të reja. Baldur’s Gate 3 nuk është këtu për të ringjallur serinë e vjetër të lojërave por për të na sjellë diçka të re duke kombinuar shumë lojëra të Larian Studio si Original Sin me rregullat e D&D. Në ketë Early Access do të gjeni 20-30 orë plot me përballje emocionuese dhe personazhe të ndryshme të cilët do t’iu ngelen në mendje por përsëri me ndonjë problem të vogël gjatë kësaj aventure.