Nëse njoftimi i Overwatch 2 nuk ishte mjatueshëm për të kënaqur nevojën tuaj për më shumë gjëra rreth team shooter-it të Blizzard, kompania së fundmi ka hedhur shenja se dëshiron që të bëjë filma dhe lojëra spin off nga Overwatch.
Drejtori i lojës, Jeff Kaplan është shprehur se skuadra e tij e ka “endërr” të bëjë më shumë lojëra në universin e Overwatch edhe nëse ato nuk janë shooters.
Kur u pyet për vizionin që ka skuadra e tij për të ardhmen e Overwatch, Kaplan tha: “Gjithmonë e kemi menduar Overwatch si një univers, jo si një lojë të vetme. Loja origjinale ishte mënyra jone e parë për tu shprehur për Overwatch, por ne mendojmë edhe për forma të tjera të medias që mund ta përfshijnë Overwatch. Filma? Seri të animuara? Tipe të tjera lojërash të lidhura me universin e Overwatch? Ne shpresojmë që personazhet e Overwatch në ekzistojnë edhe në të ardhmen e largët dhe të shprehen në mënyra që sot duken të paimagjinueshme.”
Kompania mëmë e Blizzard, Activision Blizzard, ka deklaruar më parë se do të donte të bënte një version film të videolojës. Tani e dimë që dhe skuadra e zhvillimit ndan të njejtën dëshirë.
Kaplan gjithashtu deklaroi se Overwatch 2 është një vazhdim dhe një expansion siç e kanë konsideruar shpesh të tjerët. Sado që ende nuk kemi një datë lançimi për të, vetëm ideja që loja do të ketë një pasardhëse është ngushëllim mjaftueshëm.