Nëse nuk keni patur mundësi të luani Call of Duty: Black Ops Cold War dhe keni qenë kuriozë për zombies mode, jeni me fat. Këtë javë ky mode do të jetë falas për t’u luajtur, duke ju dhënë kohë që të eksperimentoni pak me lojën.
Kjo është hera e parë që Call of Duty zombies mode ka qenë e disponueshme falas. Eventi do të fillojë në datë 14 janar dhe do të vazhdojë deri në datë 21 janar, duke ju dhënë plot një javë për të përjetuar këtë mode, në stilin e Black Ops.
Zombies mode në Black Ops – Cold War është e vendosur në një laborator të braktisur të Luftës së 2 Botërore, ku një eksperiment i gabuar ka hapur portalin për një dimension ferri ku zombiet jetojnë dhe luajnë. Ju mund të eksploroni dhe të përpiqeni të kuptoni se si e gjitha kjo ka ndodhur, ose mund të përpiqeni që të dilni nga aty sa më shpejt që të mundeni.
Activision-Blizzard thotë se ju mund të shkarkoni Zombies trial që tani. Për ta bërë këtë duhet të keni të instaluar launcher-in Battle.net.