Zhvilluesit e lojërave mbledhin fonde për zjarret në Australi

Ubisoft, Infinity Ward dhe Bungie do të dhurojnë për bamirësitë australiane.

Tre nga emrat më të mëdhenj në gaming do të dhurojnë për të ndihmuar përpjekiet e bëra për të shpëtuar Australinë. Ubisoft, Infinity Ward dhe Bungie do të konribuojnë seicili në mënyrën e tyre, duke zgjedhur të dhurojnë drejtpërsëdrejti ose duke inkurajuar lojtarët e tyre që të japin ndihma.

Ubisoft do të dhurojë AUS$30,000, duke thënë në një deklaratë në Twitter se: “I kemi dëgjuar thirrjet për të krijuar in game items që inkurajojnë donacionet, por kjo gjë kërkon kohë për tu zhvilluar dhe në situatën që jemi duhen marrë masa të menjëhershme.”

Infinity Ward ka riemëruar Outback Pack DLC në Call of Duty: Modern Warfare në Outback Relief Pack, duke thënë se të gjitha fitimet nga ajo do të dhurohen për Australinë. Të gjitha blerjet e mëparshme të paketës gjithashtu do të shkojnë në bamirësi. Kjo gjë do të vazhdojë deri në fund të janarit.

Në postimin e njoftimit në Twitter thuhet se kjo është “pjesë e përpjekieve tona për të ndihmuar me lehtësimin e zjarreve shkatërruese në Australi,” ndaj ja vlen të mbani një sy hapur nga Modern Warfare për të parë se çfarë tjetër mund të ketë në mendje Infinity Ward.

Së fundmi, Bungie do të shesë bluza limited-edition për Destiny 2, që vijnë me një kod ekskluziv në lojë. Bluzja do të jetë në shitje duke filluar nga e enjtja e 16 janarit deri në të martën e 18 shkurtit.

Gjysma e të ardhurave nga bluzja e Bungie do të shkojnë për WIRES, organizata më e madhe për kafshët e egra në Australi dhe gjysma tjetër do të shkojë për NSW Rural Fire Service.