Duket se balanca nuk do të arrihet kurrë në League of Legends
Duket se balanca nuk do të arrihet kurrë në League of Legends
Diçka që i ka bërë gjithmonë kuriozë lojtarët e League of Legends gjatë viteve ka qënë se si Riot Games zgjedh të bëjë ndryshimet e balancës në lojë. A tentojnë ata çdo gjë derisa të shohin se çfarë funksionon apo e zgjedhin me llotari?
Duket se përgjigja është pak më e komplikuar se kaq dhe ka të bëjë me të dhënat e lojtarëve kur vjen puna tek marrja e vendimeve.
“Realiteti i League of Legends është se, në nivele të ndryshme, është një lojë tërësisht e ndryshme për sa i përket kampionëve dhe strategjive më të forta,” – tha Riot Scruffy. “Duke marrë parasysh këtë gjë, është e pamundur të balancosh të gjithë 148 kampionët në çdo nivel loje.”
Kjo gjë e detyron Riot t’i ndajë të dhënat në katër segmente të ndryshme: Normal (Iron-Gold), Skilled (Platinum-Master), Elite (Grandmaster-Challenger) dhe Professional në liga si LCS, LEC etj.
Nga këtu, Riot siguron që çdo kampion është efiçent në të paktën një segment dhe OP në asnjërin prej tyre. Kjo shpesh çon në situata ku lojtarët e një niveli mendojnë se një kampion është OP, edhe pse ai bëhet counter fare lehtë në ELO-t më të larta, siç ndodh me kampionë si Yasuo, Darius etj.
“Arsyeja kryesore pas kësaj është se një kampion OP mund të shkatërrojë të gjithë meta-n e lojës, prandaj duam që t’i mbrojmë lojtarët nga një gjëndje e pabalancuar e lojës,” – tha Scruffy.
Të tjera probleme për të cilat u fol qe gjëndja e jungle, për të cilën ka plane që të rritet jungle experience si dhe të shtohen arsyet për të bërë farm dhe jo gank. Gjithashtu u fol për lançimin e Sett dhe ndryshimet që pritet të vijnë në Patch 10.3.