Zhvilluesit e Yakuza sjellin lojën Judgment në Europë dhe Amerikë

Judgment vjen në 2019 për PS4

Zhvilluesi pas lojës Yakuza, Sega do të sjellë lojën Judgment në Amerikën Veriore dhe Europë rreth verës së 2019s për PlayStation 4. Loja do të lançohet pasnesër, në 13 dhjetor në Japoni.

Krahas njoftimit se loja do të sillet për vendet perëndimore, Sega gjithashtu zbuloi se loja do të ketë një dublim të plotë në anglisht. Greg Chun si protagonisti Takayuki Yagami dhe Joe Zieja si Issei Hoshino.

Një trailer i ri i lojës u zbulua së bashku me këto informacione. Shikojeni më poshtë:

Judgement është një lojë thriller e stilit Yakuza e vendosur në ditët moderne të qytetit të Tokios dhe e rrotulluar rreth një serie vrasjesh. Ju luani si detektivi privat Takayuki Yagami, “një burrë i cili lufton për besimet e tij, pavarësisht sa mund të mbingarkohet situata rreth tij.”

Loja ka qenë në zhvillime për mbi tre vite dhe sjell një përmbajtje të madhe të historisë dhe tematikave serioze së bashku me copëza humori aty ju janë të nevojshme.