Zhvilluesit e lojërave janë të habitur dhe deri diku të intimiduar nga fuqia e PS5

Me gjeneratën e re të konsolave që po vjen së shpejti, zhvilluesit kanë filluar të diskutojnë rreth PlayStation 5 dhe Xbox Scarlett dhe mbi gjërat që mund të presim prej tyre. Ndër to kemi Toshihiro Nagoshi, drejtori i përgjithshëm i serive të Yakuza, që së fundi shtoi ca informacione shumë interesante.

Ai deklaroi se fuqia procesuese e PlayStation 5 është e pabesueshme dhe se skuadra është duke menduar që tani se si mund ta përdorë atë në dobi të gameplay-it të lojërave të tyre të ardhshme.

Toshihiro Nagoshi gjithashtu shtoi se PlayStation 5 do të risjellë epokën e programimit, ku inteligjenca artificiale dhe mekanike do të jetë prioriteti, dhe jo thjesht përmirësimi i grafikave.

“Edhe pasi të lançohet PS5, mendoj se PS4 do të qëndroj si fokusi kryesor pak më gjatë.

Fuqia procesuese e PS5 është e pabesueshme, ndaj kur mendojmë për një gameplay që e do e përdorë në maksimum potencialin e saj, ne ngurrojmë pak.

Kishte në fillim një kohë kur thjesht përmirësoheshin grafikat, pastaj tiparet e rrjetit dhe tani besoj se mund të themi që është një rikthim në epokën e programimit. Mendoj se inteligjenca artificale në formën e makinerive do të vazhdojë të evoluojë.”

Pak më parë gjatë këtij muaji u tregua një video mbi fuqinë që PlayStation 5 mbarte. Tani na mbetet të dimë një datë lançimi.