Me shumë mundësi kjo lojë nuk është Hitman 3
Me shumë mundësi kjo lojë nuk është Hitman 3
IO Interactive ka njoftuar se është duke punuar me një lojë të re për konsola dhe PC dhe Warner Bros Interactive. Se çfarë është ekzaktësisht loja është një mister, por si duket studioja është duke rekrutuar njerëz për skuadrën e zhvillimit.
Zhvilluesi i Hitman hapi një studio të dytë në Janar, që tha se do të ndihmonte në: “zgjerimin tonë për të krijuar përpjekie, universe dhe seri të reja e emocionuese.” Pra është e mundur që të kemi të bëjmë me realizimin e diçkaje komplet të re. Gjithsesi kemi dhe aventurat e mëtejshme të Agent 47.
Sado që Hitman 2 ende po mbështetet nga studioja, loja mori misionin e saj të fundit muajin e shkuar, por prapë është konfirmuar se ky nuk është fundi për lojën. Nuk mendoj se ndonjë gamer do të lodhet ndonjëherë me lojërat e Hitman, por në të njejtën kohë do të ishte interesante ta shikonim IO Interactive të sillte një projekt të ri pak më ndryshe.
E dhëna kryesore që të bën të mendosh se kjo nuk është një tjetër lojë e Hitman, është fakti që në njoftimin e saj, studioja i referohet një “universi të ri”. Fatkeqësisht nuk kemi asnjë lloj informacioni shtesë për momentin. Gjithsesi vetëm koha do na e tregojë se çfarë është tamam ky projekt misterioz i IO Interactive.