Zhvilluesit e Halo dhe Crackdown po bashkëpunojnë me Rockstar

Dy studiot do të bashkëpunojnë për të sjellë “disa lojëra” së bashku.

Duket se Rockstar Games mund të ketë projekte të shumëfishta, ndër to të paktën një multiplayer në fokus. Ky informacion vjen në mënyrë indirekte nga zhvilluesi skocez, Ruffian Games.

Ruffian Games ka postuar disa njoftime për vende pune, ku kërkohet për njerëz me eksperiencë të përgjithshme në “lojërat aksion multiplayer.” Njoftimet e punës nuk e përmendin Rockstar në emër, por Scottish Games Network (një website), cilëson se Ruffian është duke punuar në “disa lojëra” me Rockstar.

Kjo është pika ku Ruddian i ka bërë retweet kësaj historie në Twitter, duke treguar një farë aprovimi publik për raportimin e tyre.

Në të shkuarën, Ruffian ka punuar kryesisht me Microsoft, duke zhvilluar Crackdown 2 dhe duke ndihmuar me pjesën PvP të Crackdown 3 dhe Halo: The Master Chief Collection. Ata ende janë një studio e pavarur dhe kanë lançuar edhe lojërat e tyre, përfshirë këtu Fragmental dhe RADtv.

Ruffian ndodhet vetëm 40 minuta larg Rockstar North dhe disa nga punonjësit e saj kanë punuar më parë në lojëra si Grand Theft Auto dhe seritë Manhunt. Një bashkëpunim mes Ruffian dhe Rockstar bën shumë sens.

Pra me çfarë mund të jetë duke punuar Ruffian? Nuk e kemi idenë. Mund të jetë loja e ardhshme e Rockstar, mund të jenë lojëra të vjetra. Mund të jetë një farë asistence ndaj GTA Online ose Red Dead Online që Rockstar të mos jetë shumë i zënë. Vetëm koha mund ta tregojë.

Po ju, çfarë mendoni se janë duke bërë së bashku Rockstar Games dhe Ruffian Studios, ose më saktë çfarë do të donit që të bënin?