Teksa updatet e Apex Legends kanë sjellë ndryshime të shumta të balancës në battle royale, lojtarët janë shprehur se Lifeline nuk ka qenë në të njejtin ritëm me pjesën tjetër. Respawn ka rënë dakord me këtë pohim, por ka thënë se një rework i saj është mënyra e duhur për të vepruar, pasi stats-at e saj për medic janë shumë të mira për një buff të plotë të Lifeline.
“Lifeline është çështje e komplikuar,” tha dizajneri kryesor i lojës, Carlos Pineda në Twitter. “Pavarësisht akuzave se ajo është në nevojë urgjente të një buff-i, të dhënat pohojnë se ajo mbetet në krye të disa kategorive,” përfshirë këtu pick rate, win rate dhe KDR. “Në atë sens ajo nuk ka fare nevojë për një buff.”
Gjithsesi, Pineda pranoi se Lifeline “humbi një pjesë të vëmendjes së saj për shkak të buffs që morën personazhet e tjerë.” Ndaj edhe nëse ajo nuk do të marrë një buff të drejtpërdrejtë, mund të prisni një farë rework-u që do të shtojë përmirësime të vogla tek tuk.
“Ne duam që ajo të jetë e ndryshme nga personazhet e tjerë,” thotë Pineda. “Ai lloj dizajni është shumë më i vështirë për tu arritur, se sa thjesht shtypja e disa numrave ose shtimi i disa gjërave të reja që ajo mund të bëjë.”