Zhvilluesit e Among Us tregojnë hartën e re dhe zbulojnë Game Awards

Nëpërmjet një njoftimi në llogarinë e sapokrijuar të Among Us në Twitter, zhvilluesit e lojës zbuluan disa informacione rreth asaj që do të vijë së shpejti në lojë

Edhe pse Among Us është një prej lojërave më të famshme dhe popullore tashmë, ajo së fundmi ka krijuar një llogari Twitter. Zhvilluesit e lojës, Innersloth, nëpërmjet kësaj llogarie në Twitter ka ndarë me ndjekësit e tyre një imazh nga harta e re dhe gjithashtu zbulon më shumë rreth Game Awards.

Harta e re do të jetë shumë e ngjashme me Toppat Airship nga projekti i kaluar i Innersloth i quajtur Henry Stickmin. Zhvilluesit e lojës e kishin zbuluar më përpara se harta e re do të kishte një Henry Stickmin theme. Gjithashtu pritet që kjo hartë të jetë më e madhe se Polus dhe me shumë mundësi do të humbni gjatë lojërave tuaja të para në ketë hartë.

Nga postimi në Twitter kemi kuptuar që më shumë informacion do të vijë tek The Game Awards më 10 dhjetor. Zhvilluesit e lojës nuk janë akoma specifik rreth asaj që do të vijë por ne presim që një trailer i ri dhe battle pass të vijnë së shpejti në lojë.

Gjithashtu dimë që zhvilluesit kanë zbuluar se së shpejti gjatë muajit dhjetor, Among Us do të sjellë një sistem llogarish në mënyrë që të pengojë hackers i cili është bërë një problem i madh kohët e fundit në lojë. Përveç kësaj, zhvilluesit e lojës do të sjellin shumë veçori të reja të cilat priten të zbulohen më 10 dhjetor.