Zhvilluesi u përgjigjet zërave se The Last Of Us 2 do të vijë këtë vit

Naughty Dog do të japë zyrtarisht më shumë detaje për lojën në Playstation 4 kur të jenë gati

Ka kaluar shumë kohë që prej detajeve të fundit mbi The Last of Us: Part 2, e duke parë se Sony nuk do të jetë pjesë e E3 këtë vit, fansat janë duke pyetur veten se kur do të vijë loja e ardhshme e shumëpritur. Ende nuk dihet se kur do të ketë më shumë detaje, por spekulimet sa vijnë e shtohen.

Menaxheri i komunitetit të Naughty Dog, Arne Meyer, tha në Twitter se ai e vlerëson entuziazmin e fansave, por tani për tani ata duhet të presin derisa studioja të jetë gati. Meyer e hodhi këtë tweet për t’ju përgjigjur faqes satirike The Onion, që bëri një shaka se The Last of Us: Part 2 do të lançohej gjatë këtij viti.

Sony na tregoi më shumë për The Last of Us: Part 2 gjatë prezantimit të tyre në E3 2018 ku Naughty Dog na prezantoi me një trailer të ri brutal. Nuk kemi dëgjuar shumë për titullin që prej atëherë.

The Last of Us: Part 2 drejtohet nga Anthony Newman dhe Kurt Margenau, të cilët të dy kanë qënë drejtuesit kryesorë të Uncharted 4 dhe punuan në Last of Us-in e parë. The Last of Us origjinal u drejtua nga Neil Druckmann dhe Bruce Starley, i pari është tanimë zv. presidenti i Naughty Dog, ndërsa Starley është larguar nga studio.

Druckmann ka thënë se “askush nuk është i sigurt” në The Last of Us: Part 2. Asnjë datë zyrtare lançimi nuk është lajmëruar për lojën në Playstation 4.