Apex Legends u lançua në shkurt dhe që në pikën fillestare lojtarët kanë kërkuar për cross-play. Pavarësisht kërkesave të vazhdueshme, Respawn Entertainment ka qenë mjaft i heshtur rreth gjithë çështjes. Kohët e fundit gjithsesi, zhvilluesi i Respawn, Drew McCoy u pyet rreth këtij tipari dhe mundi të na jepte një farë ideje rreth qëndrimit që studioja ka me cross-play.
“Cross-Play është diçka që ne e vlerësojmë shumë dhe po e konsiderojmë,” tha McCoy. “E dimë se njerëzit kanë miq në lloje të ndryshme platformash dhe e dimë se vërtet doni që të gruponi shoqërinë tuaj për të fituar së bashku, ndaj qëndroni të vëmendshëm në të ardhmen.”
McCoy shton se nuk mund të thotë më shumë se kaq, por me sa mund të kuptojmë, cross-play është në planin e gjërave për tu bërë të Respawn. Do të jetë interesante të shohim se cilin cross-play mund të sjellë.
Apex Legends është falas dhe e disponueshme në PS4, Xbox One dhe PC.