Një zhvillues i Apex Legends ka reaguar ndaj pritjes së fansave për përfshirjen e cross-play në lojë dhe ka ofruar edhe disa këshilla rrugës.
Që kur Fortnite solli cross-play në 2018 shumë lojëra të tjera ndoqën të njejtën strategji. Sigurisht duke parë disa nga konkurentët e tyre kryesore në battle royale të marrin cross-play, ka bërë që lojtarët e Apex Legends të inatosen, duke i çuar Respawn mesazhe thuajse çdo ditë, në kërkesë për ta shtuar këtë veçori.
Ekipi pas Respawn tha përpara një viti se mendonin se cross-play ishte shumë i rëndësishëm, por se do të duhej shumë punë për ta arritur. Sado që nuk kemi patur shumë updates që nga ajo pikë, një zhvillues ka reaguar ndaj një fansi që i ka kujtuar këtë deklaratë të tyren.
Drejtori i dizajnit në Respawn, Jason McCord, tha se nuk ishte personi i duhur për tu pyetur për këtë punë, por gjithashtu shtoi se lojtarët nuk duhet të heqin dorë nga këmbëngulja e tyre.