Zhvillimi i Resident Evil 8 supozohet të ketë rinisur

Resident Evil 7 ishte një sukses i madh dhe fansat tani janë duke pritur me padurim lëshimin e Resident Evil 8. Por, duket se përqendrimi i Capcom është më shumë drejt remake-ut. Pavarësisht, një ‘leak’ i ri zbulon se zhvillimi i Resident Evil 8 ka rifilluar dhe mund të njoftohet muajin e ardhshëm.

Informacioni i ri u zbulua nga një burim i brendshëm në Twitter. Në të kaluarën, ky ‘insider’ ka nxjerrë në dritë edhe detaje të sakta të Resident Evil 3. Ai bëri të ditur se një version i Resident Evil 8 ishte në zhvillim në vitin 2016, por vendosur në pauzë për shkak të remake-ut të Resident Evil 7 DLC dhe Resident Evil 2. Tani, duket se zhvillimi i Resident Evil 8 është rindërtuar dhe ka kaluar vetëm 6-7 muaj nga atëherë.

Capcom me sa duket ka rindërtuar edhe disa lojëra të tjera për remake. Këto tituj do të zbulohen nga Capcom shumë shpejt. Ky burim përfundon duke thënë:

“Ekziston një tjetër lojë Resident Evil e cila me siguri do të dalë në treg vitin e ardhshëm, por nuk është një remake ose RE8.”

Ndërsa ata tek Capcom duket të zënë me lançimin e Resident Evil 3 në Prill, ata gjithashtu mbajtën një program në të cilin u thirrën anëtarët e Resident Evil Ambassador Program. Ata ishin të ftuar të provonin një lojë të pazbuluar. Siç e dimë, Ambasadorët ishin thirrur për provë më parë për Resident Evil 3, kjo mund të nënkuptojë se ata po provojnë një lojë të re. Thashethemet sugjerojnë që loja e testuar ishte Resident Evil 8 ose Dino Crisis Remake.

Sigurisht, të tilla aludime dhe thashetheme të tilla duhet t’i konsiderojmë si të tilla pasi ende nuk ka ndonjë njoftim zyrtar. Është e qartë se titujt e ardhshëm do të mbahen sekret nga Capcom deri sa të vijë koha e duhur.

Ndërsa lojërat Resident Evil të Capcom kanë qenë hite komerçiale, do të jetë e natyrshme që Capcom të ruajë ritmin.

Resident Evil 3 tashmë është vendosur të dalë në platformat kryesore në 13 Prill 2020.