Zhurma e hapave në PUBG do të kthehet siç ishte pas ankesave të shumta

PUBG Corp. po e dëgjon mendimin e lojtarëve

Zhvilluesit e PlayerUnknown’s Battlegrounds vërtet që i dëgjojnë lojtarët.

Llogaria e support-it të PUBG në Twitter postoi një tweet me një lajm të mirë ditën e djeshme, ku shpjegonte se ndryshimet në zhurmën e hapave që erdhën në Update 4.3 të lojës dhe që u kritikuan shumë nga lojtarët do të kthehen siç ishin.

“Pas morrëm përshtypjet e lojtarëve, kemi kthyer mbrapsht ndryshimet që u bënë tek hapat e lojtarëve në Update 4.3” – thoshte Customer Support. “Planifikojmë të bëjmë ndryshime të tjera në të ardhmen dhe më shumë detaje do të zbulohen në një datë në vijim”.

Ky lajmërim u prit shumë mirë nga fansat, të cilët falenderuan zhvilluesit që i dëgjuan ankesat e tyre.

Drama filloi në 30 shtator kur Update 4.3 i la lojtarët të pakënaqur. Update bënte që zhurma e hapave të ndryshonte kur kundërshtarët largoheshin nga distanca e dëgjimit.

Fatkeqësisht për lojtarët dhe zhvilluesit, ky update prishi audion në battle royale dhe e bënte të vështirë të kuptohej nëse një lojtar qe ngjitur apo 50m larg.

Menaxheri i komunitetit të PUBG Hawkinz i ktheu përgjigje një lojtari që kërcënonte të çinstalonte lojën, duke i kuptuar problemet e audios dhe duke thënë se ekipi po kërkonte një zgjidhje.

“Sistemi i ri i zhurmës së hapave nuk është pritur mirë nga lojtarët dhe ekipi po kërkon një zgjidhje sa më të shpejtë por ende po vlerëson se çfarë duhet të bëjë,” – tha Hawkinz.

Zhvilluesit e PUBG gjithashtu rregulluan një bug për të qënë të sigurt se zhurmat e sakta po luheshin në varësi të materialit ku po ecnin lojtarët dhe gjithashtu bënë përmirësime për efektin zanor të kapjes në cepa.

Edhe pse loja pati probleme me audion pas Update 4.3, zhvilluesit ende planifikojnë të bëjnë ndryshime të tjera në të ardhmen.