Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Trailer-i i parë i Star Wars 9 tregon një rikthim të ligë
Pas zbulimit të lojës më të re Jedi: The Fallen Order, ka ardhur më në fund dhe trailer-i i Star Wars 9, e së bashku me të dhe një titull i ri. Mirësevini në Star Wars Episode 9: The Rise of Skywalker, mbylljen e trilogjisë së trilogjive që do të rikthejë një armik të vjetër në ekran. Ose më saktë, dëgjohet. Dëgjoni trailer-in deri në fund:
Në fund, mund të dëgjohet fare qartë e qeshura e Emperor Palpatine, pjesëmarrja e së cilit u konfirmua dhe nga paraqitja e Ian McDiarmid në Star Wars Celebration 2019. Pas vdekjes surprizë të Snoke në fund të filmit të kaluar, nuk mund të kishte një armik më të mirë për t’a zëvendësuar atë. Pyetja e madhe është se si do të bëhet ky rikthim, duke marrë parasysh se Palpatine u hodh në një gropë nga Darth Vader.
Na duhet të presim derisa Star Wars: The Rise of Skywalker të shfaqet në dhjetor për të mësuar më shumë, por deri tani duket se ka dy mënyra. E para, ai është një klon, çka do të shtonte edhe më shumë të tillë në këtë univers, ose ai është një shpirt i The Force. Derimë tani, kemi parë vetëm Jedi si Yoda dhe Obi-Wan Kenobi të rikthehen në këtë mënyrë, por nëse një Sith do të kishte mundësi të zbulonte si të vazhdonte të mbijetonte edhe pas vdekjes, ai me siguri do të ishte Palpatine.
Ndërsa pjesa e parë e trailer-it ishte e gjitha mbi Rey duke u bërë gati të luftonte një avion TIE me shpejtësi, pjesa e dytë pati plot zhvillime: mund të shihej maska e Kylo Ren duke u ribërë, pamjet e para të Princess Leia, Lando dhe Chewbacca në Millenium Falcon dhe diçka shumë të ngjashme me mbetjet e Death Star. Kemi shumë për çfarë të presim.
